اے خالق ارض و سماء ،،اے خالق ارض و سماء ۔ بلال رشید

اے خالق ارض و سماء ،،اے خالق ارض و سماء
عظمت ہے تیری ما وراء اے خالق ارض و سماء
اک تو ہے بس حاجت روا،سنتا ہے تو سب کی صدا
کر سب مصائب سے رہا، اے خالق ارض و سماء
واصف بنا اپنا مجھے ،حق کا دکھا رستہ مجھے
ہے تو حقیقی رہنما،اے خالق ارض و سماء
مالک ہے تو کونین کا،سب کا ہے تجھ سے واسطہ
جلوے ترے ہیں جابجا، اے خالق ارض و سماء
بخشا ہمیں ایمان سے، تو نے ہی اے رب جہاں
کرتے ہیں ہم تیری ثناء، اے خالق ارض و سماء
اول ہے تو آخر ہے تو ، قادر ہے تو ناصر ہے تو
ہستی ہے تیری لا فنا،اے خالق ارض و سماء
مخلوق کا دارین میں کوئی نہیں تیرے سوا
سب کو ہے تیرا آسرا، اے خالق ارض و سماء
تو ہر عبادت کی صدا، ہر اک دعا کا مدعا
کہتا ہے دل صبح و مساء، اے خالق ارض و سماء
دل سے بلال حق نوا ،کرتا ہے بس یہ التجا
مجھے خانہ کعبہ دکھا اے خالق ارض و سماء
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین