ایک دلِ ہمدم، مرے پہلو سے، کیا جاتا رہا - امیر مینائی

غزل
(امیر مینائی رحمتہ اللہ علیہ)

ایک دلِ ہمدم، مرے پہلو سے، کیا جاتا رہا
سب تڑپنے تلملانے کا مزا جاتا رہا

سب کرشمے تھے جوانی کے، جوانی کیا گئی
وہ اُمنگیں مِٹ گئیں، وہ ولوَلا جاتا رہا

درد باقی، غم سلامت ہے، مگر اب دل کہاں
ہائے وہ غم دوست، وہ درد آشنا جاتا رہا

آنے والا، جانے والا، بیکسی میں کون تھا
ہاں مگر اک دم، غریب آتا رہا جاتا رہا

آنکھ کیا ہے، موہنی ہے، سحر ہے، اعجاز ہے
اک نگاہِ لطف میں سارا گِلا جاتا رہا

جب تلک تم تھے کشیدہ، دل تھا شکووں سے بھرا
تم گَلے سے مِل گئے، سارا گلا جاتا رہا

کھو گیا دل کھو گیا، رہتا تو کیا ہوتا، امیر
جانے دو اک بے وفا جاتا رہا جاتا رہا​

 

جواب: ایک دلِ ہمدم، مرے پہلو سے، کیا جاتا رہا - امیر مینائی

خوب مبارز جی

ایک بات آج بتا ہی دیں کہاں سے ہاتھ لگا یہ دیوان

 

جواب: ایک دلِ ہمدم، مرے پہلو سے، کیا جاتا رہا - امیر مینائی

ہاتھ کی ہتھیلی سے دیوان کو ہاتھ لگایا آہستے سے تو ہاتھ لگ گیا ۔۔اس طرح سے لگا ہاتھ دیوان کو۔۔۔

 

جواب: ایک دلِ ہمدم، مرے پہلو سے، کیا جاتا رہا - امیر مینائی

جی ، شئیر کریں دیوان کو چبائیں مت

 

جواب: ایک دلِ ہمدم، مرے پہلو سے، کیا جاتا رہا - امیر مینائی

دوست اچھی شاعری ارسال کی :222: