ایک تازہ غزل

عشق میں کچھ بھی ہو سکتا ہے
یہ طوفان ڈبو سکتا ہے

گر منزل دھندلا جائے تو
پھر رستہ بھی کھو سکتا ہے

یادوں کی اک چادر اوڑھے
کوئی کیسے سو سکتا ہے

آج ملا تو پوچھ رہا تھا
کیا اب بھی کچھ ہو سکتا ہے

پھول جھڑیں جس کے ہونٹوں سے
وہ بھی خار چبھو سکتا ہے

اس دل کی تم وسعت دیکھو
کیا کیا درد سمو سکتا ہے

آنسو ایک ندامت والا
ہر لغزش کو دھو سکتا ہے

اس نے کن ُ کہنا ہے سعدی
سوچو کیا کیا ہو سکتا ہے​

 

واہ بہت خوب

 

بہت شکریہ

 

امید کرتے ہیں کہ اسی طرح مستفید ہوتے رہینگے

 

بہت شکریہ

 

جی ضرور ،پوری کوشش کروں گا ان شاء اللہ

 

بہت بہت شکریہ