ایک تازہ غزل : روح کا جسم سے جو رشتہ ہے

روح کا جسم سے جو رشتہ ہے
کون ہے جو اسے سمجھتا ہے

حیف دل پر، جہانِ فانی میں
بات بے بات یہ ترستا ہے

مہر و ماہ و نجوم کی دنیا
ان سے آگے بھی ایک رستہ ہے

جا رہے ہو، تو جاؤ دیکھتے ہیں
کون کس کے لیے ترستا ہے

بات کرنا تو احتیاط رہے
ہر کوئی خود کو کچھ سمجھتا ہے

جانے انسان کیا ہوئے سعدی
جس کو دیکھو وہی فرشتہ ہے

#سعید_سعدی 2021-06-30

 

بہت خوب سعید صاحب ،
ہر شعر قابلِ دید ، لائقِ داد،
ماشاء اللہ !

 

عزت افزائی کا بہت بہت شکریہ بھائی جان