ایل جی نے اپنا پہلا سمارٹ’’ بلب ‘‘متعارف کروا دیا

ایل جی نے اپنا پہلا سمارٹ ایل سی ڈی لائٹ بلب متعارف کروا دیا ہے جس کو ’ ایل جی سمارٹ بلب ‘ کا نام دیا گیا ہے۔ یہ وائی فائی کی مدد سے اینڈرائیڈ 4.3+ اور آئی او ایس 6+ کے ساتھ منسلک ہونے کی خاصیت رکھتا ہے جس کہ بعد آپ اس کو اپنے سمارٹ فونز اور ٹیبلیٹس سے کنٹرول کر سکتے ہیں۔
ایل جی سمارٹ بلب کے کم واٹیج ہونے کے ساتھ ساتھ ایل جی نے یہ بھی دعوی کیا ہے کہ یہ ایک دہائی سے زیادہ چلیں گے۔کمپنی نے اس کو کنٹرول کرنے والی سافٹ وئیر میں کچھ دلچسپ فیچرز بھی شامل کیے ہیں۔جن میں سے ایک سیکورٹی سے متعلق ہے اور آپ کے گھر میں موجود نا ہونے کی صورت میں لائیٹ کا خود بخود آن ہونا ہے۔
اس میں ’ پارٹی موڈ‘ کا آپشن بھی شامل ہے جس کی وجہ سے یہ میوزک کے ساتھ ساتھ مختلف رنگوں میں فلیش کرے گا۔ لانچ کے وقت یہ صرف اینڈرائیڈ ڈؤائسس کے لیے فعال ہوگا ۔ یہ بلب آپ کے فون کی رِنگ بیل کے ساتھ فلیش کرنے پر بھی خود بخود کام کرے گا۔
ایل جی آنے والے دنوں میں اس بلب کو لانچ کرنے کا ارادہ رکھتا ہے اور اس کی قیمت 32 ڈالر ہوگی۔

بشکریہ : اردو پوائنٹ