اگرچہ وقت کے تیور کڑے تھے - محمد احمد

دوستو آداب

بہت عرصے بعد محفل میں آنا ہوا، اپنی ایک غزل شاملِ محفل کر رہا ہوں۔ اُمید ہے آپ اپنی آرا کا برملا اظہار فرمائیں گے۔

غزل

اگرچہ وقت کے تیور کڑے تھے
مگر ہم زندگی سے کب لڑے تھے

فرارِ زیست ممکن ہی نہیں تھا
شجر کے پاؤں مٹی میں گڑے تھے

محبت بھی وہی، دنیا وہی تھی
وہی دریا، وہی کچے گھڑے تھے

وہ کب کا جا چکا تھا زندگی سے
مگر ہم بانہیں پھیلائے کھڑے تھے

اور اب تو موم سے بھی نرم ہیں ہم
کوئی دن تھے کہ ہم ضد پر اڑے تھے

رہا سر پر سلامت غم کا سورج
کم از کم اپنے سائے سے بڑے تھے

سراسیمہ سی کیوں تھی ساری بستی
بھنور تو دور دریا میں پڑے تھے

ملا وہ، کہہ رہا تھا خوش بہت ہوں
مگر آنکھوں تلے حلقے پڑے تھے

تو کیا تم نے ہمیں دھوکے میں رکھا
وفا بھی تھی یا افسانے گھڑے تھے

خزاں پہلے پہل آئی تھی اُس دن
وہ بچھڑا تو بہت پتے جھڑے تھے

وفا، مہر و مروت اور یہ دنیا
ہماری عقل پر پتھر پڑے تھے

شبِ فرقت ستارے تھے کہ آنسو
نگینے خلعتِ شب میں جڑے تھے

ہمیں احمد صبا نے پھر نہ دیکھا
کہ ہم برگِ خزاں آسا پڑے تھے

محمداحمد​

 

واہ بہت خوب :a180: :a165: اچھا کلام ھے دیر بعد آئے ھیں مگر محفل کی رونق بڑھا دی ھے اس کلام سے

 

السلام علیکم ۔ احمد بھائی
ماشاءاللہ ۔ بہت عمدہ غزل ہے۔ ہر شعر اچھا لیکن مندرجہ بالا اشعار اپنی معنویت، گہرائی اور استعاروں کی نزہت کے باعث زیادہ پسند آئے۔ :mashallah:

:a180:

 

:titli: :titli: :titli: اپکے تخیل کی پرواز صدا اونچی رہے-------؟




ذرا اک نظر ادھر بھی



viewtopic.php?f=15&t=4902

 

:a180: کلام ھے :a150: قبول کیجیے

 

یہ وہی اقرا ہے جہنوں نے کسی اور لڑی میں رومن سے آغاز کیا ہے

 

جی وہی لگتی ہیں۔ :mashallah:

 

ارے واہ اقراء جی
آپ تو بہت جلد اردو لکھنا شروع ہو گئی۔ :mashallah:
مشق جاری رکھیے۔

 

وہی لگتی ھیں یا وہی ھیں

 

بہت شکریہ خوشی صاحبہ ۔

آپ کا پیغام دیکھ کر مجھے بہت "خوشی" ہوئی۔ غزل آپ کو پسند آئی یہ آپ کا حسنِ ذوق ہے ۔

خوش رہیے!

 

:a191:

بہت شکریہ نعیم صاحب

غزل آپ کو پسند آئی یہ یقیناً آپ کا حسنِ ذوق ہے ۔ نظرِ عنایت کے لئے ممنون ہوں۔

ہمیشہ خوش رہیے۔

 

:titli: :titli: :titli: محترم احمد بھائی تخیل اپنے عروج پر ہے مگر وزن اور بحر پربہت زیادہ توجہ کی ضرورت ہے اس لیے چند گزارشات ہیں اگر اپ کو برا نہ لگے تو------؟


مگر ہم بانہیں پھیلائے کھڑے تھے

کی جگہ
مگر ہم بانہیں کھولے کھڑے ہیں

یا
ادھ کھلی بانہیں لیے کھڑے ہیں


اوراگر مگر کے چکروں سے باہر نکلے اور بار بار ان الفاظ مت کریں ہاں ضرورت شعری کے تحت ----؟


غزل میں ایک ہی لفظ کی تکرار آنا بھی تعقید پیدا کرتا ہے یہ نہ کیا کریں-------؟


مصرعوں کا ایک وزن پے نہ ہونے کی وجہ سے کوئی ارکان شعر کے اعتبار سے بہت بڑا ہے اور کوئی بہت چھوٹا اس پر بھی توجہ دیں


آپ تخیل کی جس سطح پر ہیں آپ کوشش کریں کہ مجید امجد صاھب حضرت احسان دانش اور قتیل شفائی صاحب انوارلمصطفی ہمدمی کو بار بار پڑیں اور شعر کی موسیقیت کو اپنے اند اتارنے کی کوشش کریں انشاللہ اسکے بعد اپ خود بخود اپنے تخیل اور اشعار میں بتدریج تبدیلی محسوس کریں گے

احقر العباد ایم اے رضا

ذرا ایک نظر ادھر بھی
viewtopic.php?f=15&t=4920
viewtopic.php?f=15&t=4902
viewtopic.php?f=25&t=4794&start=75

 

بہت شکریہ اقرا صاحبہ!

 

ایم اے رضا صاحب

آپ کی نظرِ التفات کے لئے ممنون ہوں۔ آپ کو میری شاعری میں کچھ نظر آیا یہ بات میرے لئے باعثِ مسرت ہے۔

رہی عروض کی بات تو میرے حساب سے غزل اپنی بحر پر ٹھیک ہے، اگر آپ سمجھتے ہیں کہ اس غزل میں کہیں مصرعے خارج از بحر ہو رہے ہیں تو ازراہِ کرم صراحت سے بیان کیجے تاکہ مجھے آپ کی بات سمجھنے کا موقع مل سکے۔

اساتذہ کو پڑھنے کا مشورہ کا بہت شکریہ! یقیناً اچھی شاعری کے لئے اساتذہ کا مطالعہ بے حد اہم ہے۔

آپ کے جواب کا منتظر،

محمد احمد

 

احمد صاحب آپکی غزل میں معنویت بلا کی ہے۔ اگر رضا صاحب کی بات مان لی جائے تو مصرع نہ صرف بحر سے خارج ہوجائے گا بلکہ ردیف،قافئیے کی قید سے بھی خلاصی ہوجائے گی۔ تاہم 'فرارِ زیست' کی ترکیب کچھ سمجھ سے بالاتر ہے اور
'محبت بھی وہی، دنیا وہی تھی'
کی جگہ
'محبت تھی وہی، دنیا وہی تھی'
کرلیا جائے تو زمان کی تبدیلی کے امکان سے بھی بچ جائیں گے، اور مصرعء ثانی کے ساتھ استدلال بھی قائم ہوجائے گا۔

 

[offtopic:23omxc62]وہ کب کا جا چکا تھا زندگی سے
مگر ہم بانہیں پھیلائے کھڑے تھے

اور اب تو موم سے بھی نرم ہیں ہم
کوئی دن تھے کہ ہم ضد پر اڑے تھے

رہا سر پر سلامت غم کا سورج
کم از کم اپنے سائے سے بڑے تھے

سراسیمہ سی کیوں تھی ساری بستی
بھنور تو دور دریا میں پڑے تھے

ملا وہ، کہہ رہا تھا خوش بہت ہوں
مگر آنکھوں تلے حلقے پڑے تھے

تو کیا تم نے ہمیں دھوکے میں رکھا
وفا بھی تھی یا افسانے گھڑے تھے

خزاں پہلے پہل آئی تھی اُس دن
وہ بچھڑا تو بہت پتے جھڑے تھے

وفا، مہر و مروت اور یہ دنیا
ہماری عقل پر پتھر پڑے تھے

شبِ فرقت ستارے تھے کہ آنسو
نگینے خلعتِ شب میں جڑے تھے

ہمیں احمد صبا نے پھر نہ دیکھا
کہ ہم برگِ خزاں آسا پڑے تھے[/offtopic:23omxc62]

آپ کی غزل پسند آئی خاص طور پر اوپر کے اشعار اچھے لگے داد حاضر ہے

 

بہت خوب جناب محمد احمد صاحب۔
بہت خوب غزل ہے۔ ایک ایک شعر پر بہت بہت داد قبول کیجئے

 

حارث بن عزیر صاحب،

بہت ممنون ہوں کہ آپ نے میری غزل کو سراہا،

مصرع " محبت تھی وہی، دنیا وہی تھی" بہت اچھی تجویز ہے۔ شکر گزار ہوں۔

خوش رہیے۔

 

بہت نوازش طاہرہ صاحبہ،

آپ کی رائے میرے لئے باعثِ طمانیت ہے۔

ہمیشہ خوش رہیے۔

 

بہت شکریہ وسیم بھائی

پزیرائی کے لئے بہت ممنون ہوں۔


اُمید ہے آئندہ بھی حوصلہ افزائی فرماتے رہیں گے۔

 

بھت اچھی ھے غزل
میں نے بی غزل لکھہ کہ بھیجی تھی
پتا نھیں کہاںھے
آپ بتا سکتے ھے وہ کہاں ملے گی
شکریہ

 

اور اب تو موم سے بھی نرم ہیں ہم
کوئی دن تھے کہ ہم ضد پر اڑے تھے

رہا سر پر سلامت غم کا سورج
کم از کم اپنے سائے سے بڑے تھے

بہت خوب

 

شام آپ اپنے پیغامات دیکھیں آپ کو مل جائے گی :flor:

 

بہت شکریہ شام بھائی کہ آپ نے میری غزل کو سراہا۔

آپ اپنے پیغامات اس لنک پر تلاش کیجے۔

search.php?author_id=2188&sr=posts

 

بہت شکریہ آپ کی نظرِ التفات کا۔

خوش رہیے۔

 

بہت خوب غزل ہے۔ :a180:

 

نیلو صاحبہ،

یہ آپ کا حسنِ ذوق ہے کہ آپ کو میری غزل پسند آئی۔

خوش رہیے۔

 

بہت خوب واہ

 

واہ بہت خوب :a165:

 

بہت شکریہ نادیہ صاحبہ!