اک جھلک دکھا کے تو۔۔۔۔

اک جھلک دکھا کے تو نیندیں اڑا میری
پھر جتنی بھی راتیں ہیں ہو جائیں سدا تیری

کبھی آ نا خیالوں میں دیدار کرا اپنا
ہیں جتنی بھی تکلیفیں ہو جائیں رفع میری

کوئی تو تعلق ہو تیری نسبت سے آقا
تیرے نام سے وابستہ ہو قسمت وہ بنا میری

میں ہوں گناہوں میں ڈوبی ہوئی سرتاپا
نجانے نمازیں ہیں کتنی ہی قضا میری

تیری ہی رہوں آقا تیری ہی میں کہلاؤں
تیرے نام پہ مٹ جاؤں ہے بس یہ دعا میری

اللہ کے حبیب اس سے بولیں گے یہ روزِ حشر
تو بخش دے اس کو بھی کرتی ہے ثناء میری​

مسز مرزا​

 

مسز مرزا جی ماشاء اللہ بہت خوبصورت اشعار ہیں، اللہ تعالیٰ آپ کو اس راہ پر استقامت عطا فرمائے۔

 

آمین ثم آمین

باجی جی۔ ماشاءاللہ بہت اچھی دعائیہ نعت ہے

 

سبحان اللٌہ

 

بہت اچھی نعت ہے-سبحان اللہ!
لیکن ایک مسُلہ ہے۔۔۔

اللہ کے حبیب نے، کہا اللہ سے روز حشر


کوئی اتنا بڑا مسُلہ نہیں ہے

مسز مرزا ایسے تو نہیں تھا یہ شعر؟ کیونکہ میں کوشش کر رہی تھی پڑھنے کی تو ایسے زیادہ صحیح پڑھنے ہو رہی تھی۔
خیر، آپ نے لکھی ہے، آپ بہتر جانتی ہیں-