اچاری دال لوکی

اچاری دال لوکی



اجزاء: اُبلی چنے کی دال1/2کلو،لوکی1/2 کلو،ٹماٹر250 گرام،باریک کٹی ادرک ایک ٹکڑا،پیاز ایک عدد،ہری مرچ چار عدد،رائی1/2چائے کا چمچ،کلونجی1/2چائے کا چمچ،سونف1/2 چائے کا چمچ،لہسن کے جوئے چار عدد،مکھن سو گرام،کُٹی لال مرچ ایک چائے کا چمچ،قصوری میتھی ایک کھانے کا چمچ،زیرہ دو چائے کے چمچ، ہلدی1/2چائے کا چمچ،نمک1/2چائے کا چمچ،تیل چار کھانے کے چمچ

ترکیب: پہلے چنے کی دال میں ہلدی ڈال کر اُبالیں اور گلنے پر چولہا بند کر دیں۔ اب پتیلی میں تیل گرم کر کے پیاز ہلکی گلابی کریں اور اس میں لوکی،ہری مرچ، ٹماٹر، رائی، کلونجی، سونف، زیرہ، قصوری میتھی،کُٹی لال مرچ اور نمک شامل کر دیں،پھر اچھی طرح بھون کر پانی ڈالیں۔جب لوکی گل جائے تو اُبلی چنے کی دال شامل کر کے مکس کریں۔تڑکے کے لیے مکھن گرم کر کے لہسن کے جوئے فرائی کریں اور اس میں زیرہ ملا کر دال پر تڑکا لگا دیں۔​