اپنے رونے پہ کچھ آیا جو تبسّم مجھ کو - داغ دہلوی

غزل
(داغ دہلوی رحمتہ اللہ علیہ)

اپنے رونے پہ کچھ آیا جو تبسّم مجھ کو
یاد نے اُس کی کہا بھول گئے تم مجھ کو

ہنستے ہنستے کبھی روتا ہوں تصّور میں ترے
روتے روتے کبھی آتا ہے تبسّم مجھ کو

کیوں گناہ لیتے ہیں تھوڑی سی پلانے والے
کل ملے کوثر اُسے آج جو دے خم مجھ کو

کیا کرے دیکھئے کوثر پہ مری تشنہ لبی
سوکھا جاتا ہے یہاں دیکھ کے قلزم مجھ کو

مسکرائے مری میّت پہ وہ منہ پھیر کے داغ
حشر تک یاد رہے گا یہ تبسّم مجھ کو​

 

جواب: اپنے رونے پہ کچھ آیا جو تبسّم مجھ کو - داغ دہلوی

واہ بہت خوب ، بہت عمدہ


مبارز جی اچھا انتخاب ھے بہت خوب

 

جواب: اپنے رونے پہ کچھ آیا جو تبسّم مجھ کو - داغ دہلوی

بہت عمدہ ۔

 

جواب: اپنے رونے پہ کچھ آیا جو تبسّم مجھ کو - داغ دہلوی

دوست بہت عمدہ زبردست

 

جواب: اپنے رونے پہ کچھ آیا جو تبسّم مجھ کو - داغ دہلوی

خوشی جی، منور چشتی بھائی اور حسن رضا بھائی آپ سب کا بیحد شکریہ خوش رہیں۔۔