اپنا واصف بنا دیا تو نے ۔ بلال رشید

اپنا واصف بنا دیا تو نے
مجھ کو کیا مرتبہ دیا تو نے
جام۔ وحدت پلا کے مجھ کو فقط
اپنے در پہ جھکا دیا تو نے
روز۔محشر بھی میرا بندوں سے
عیب ہر اک چھپا دیا تو نے
نیند کل شب نہ آ رہی تھی مجھے
چین سے پھر سلا دیا تو نے
اپنی قدرت سے نوح والوں کا
پار بیڑا لگا دیا تو نے
کر کے یوسف کو قید سے آزاد
سب کا حاکم بنا دیا تو نے
گھر میں فرعون کے ہی موسی' کو
پال کر کیا صلا دیا تو نے
چودہ برسوں کے بعد یوسف کو
باپ سے پھر ملا دیا تو نے
دے کے پیری میں لال سارہ کو
معجزہ پھر دکھا دیا تو نے
فضل تیرا بلال۔عاصی کو
حمد کرنا سکھا دیا تو نے
---
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین