اُن کے دم سے ہیں سب کمال، کمال - حنیف نازش

صلی اللہ علیہ وآلہ وسلم​

اُن کے دم سے ہیں سب کمال، کمال
وہ بناتے ہیں ہر زوال، کمال

میم حے اُن کے نام کی اعلیٰ
دوسری میم اور دال، کمال

پوچھو ابنِ ولید، خالد سے
کیسا رکھتے ہیں اُن کے بال، کمال

جس سواری پہ جلوہ گر ہوں نبی ﷺ
کیوں نہ ہو اُس کی چال ڈھال، کمال

اُن کے مستوں کا پوچھتے کیا ہو
اُن کا ماضی کمال، حال کمال

اُن کے در پر کٹے ہیں جو نازشؔ
ہوگئے سب، وہ ماہ و سال کمال

نازشؔ اُن پر درود، اُن پہ سلام
خوب اصحاب جن کے، آل کمال
--------
صفحہ نمبر۔76 تا 77
مجموعہ نعت ۔ نعت ہوتی رہے
حنیف نازشؔ​

 

اللہ تعالیٰ آپ کوبھی جزائے خیر عطا کرے آمین