اوباما شام کو خانہ جنگی میں دھکیل رہے ہیں‘ معاملہ اللہ پر چھوڑ دیا جائے : سارہ پالین

اوباما شام کو خانہ جنگی میں دھکیل رہے ہیں‘ معاملہ اللہ پر چھوڑ دیا جائے : سارہ پالین

نیویارک (نوائے وقت نیوز) شام میں امریکی فوجی مداخلت کے امکانات کو سابق نائب صدارتی امیدوار سارہ پالین نے شدید تنقید کا نشانہ بنایا ہے۔ ان کا کہنا تھا کہ شام کا معاملہ اللہ پر چھوڑ دینا چاہیے۔ انہوں نے کہا شام کے لوگ، شام کے لوگوں پر حملے کر رہے ہیں اور امریکہ انہیں اس بات کی سزا ان پر مزید بمباری کر کے دینا چاہتا ہے۔ سماجی رابطوں کی ویب سائٹ ”فیس بک “پر اپنے خیالات کا اظہار کرتے ہوئے سارہ پالین نے لکھا کہ صدر اوباما امریکہ کو شام کی خانہ جنگی میں دھکیل رہے ہیں ، اسکا اختتام کیا ہوگا، خود صدر اوباما بھی نہیں جانتے۔شام میں اس سے پہلے مختلف وجوہات کی بناءپر ایک لاکھ سے زائد افراد قتل کردیئے گئے لیکن امریکہ نے مداخلت نہیں کی لیکن اب مبینہ کیمیائی ہتھیاروں کے استعمال سے ایک ہزار افراد کی ہلاکت پر امریکہ فوجی مداخلت کیوں کر رہا ہے۔
​

 

گیس بھی شاید شامی فوج نے استعمال نہیں کی بلکہ مخالف لوگوں نے استعمال کی ہو شام پر بیرونی حملے کا جواز پیدا کرنے کے لئے

 

اگر تو شام کی سیکورٹی اچھی ہے تو شاید یہ جس طرح کی کاروائی کے بارے میں سوچ رہے ہیں نہ کریں لیکن اگر حالت لیبیا جیسی ہے تو ہوسکتا ہے کہ یہ اسرائیل کے پائلٹ اور اپنے جہاز استعمال کریں ۔لیکن ابھی تک یہ صرف پریشر بڑھا رہے ہیں اور خفیہ طور پر روس اور چین کو منانے کی کوشش کر رہے ہیں تاکہ یو این سے مینڈٹ لے سکیں اکیلا کوئی بھی حملہ نہیں کرے گا چاھے وہ امریکہ ہی ہو

 

اگر امریکہ نے شام پر حملہ کردیا تو یہ بھیانک غلطی ہوگی۔۔شامی حکومت جو کچھ اپنی عوام سے کررہی ہے۔۔۔۔اس ظلم کی مذمت کرتے ہیں۔۔۔اور پوری دنیا بشمول امریکہ کو چاہیے کہ مذاکرات کے ذریعے اسے حل کرنے کی کوشش کریں۔۔۔اور اسی طرح جہاں تک زہریلی گیسوں کے استعمال کا تعلق ہے۔۔۔۔اس کی پوری تحقیق کرنی چاہیے۔۔۔اور پھر اس بات کی بھی تحقیق ہونی چاہیے کہ حکومت یا باغیوں میں سےجس نے بھی استعمال کیے ہیں۔۔۔ان کے کیسے پہنچے ہیں۔۔۔۔یعنی اصل جڑ تک معاملے کی نشاندہی ہو اور اقوام متحدہ کے پلیٹ فارم پر اس پر کارروائی ہونی چاہیے۔