انگریزی زبان دے ایکسس مائیکرو سکالرشپ پروگرام ولوں زنانیاں دی مار کٹائی دی روک لئی جدوجہد

اسلام آباد ___ انگریزی زبان دے ایکسس مائیکرو سکالر شپ پروگرام دے50 پاڑھواںنے اج نیشنل یونیورسٹی آف ماڈرن لینگویجز (نمل) چ منعقد ہوون آلی تقریب چ زنانیاں دی مار کٹائی دی روک دی اہمیت وارے گل بات کیتی۔ اے تقریب امریکی سفارتخانے ولوں جاری زنانیاں دی مار کٹائی دی روک دی 16 دن لمی تحریک دا حصہ سی۔ اے بین الاقوامی تحریک 25 نومبر نوں زنانیاں دی مار کٹائی دے خاتمے دے حوالے نال عالمی دن تے شروع ہوئی تے 10 دسمبر نوں انسانی حقوق دے عالمی دن تے ختم ہووے گی۔


امریکی سفیر رچرڈ اولسن نے اپنے خطاب چ آکھیا کے امریکی حکومت زنانیاں دی مار کٹائی دی روک لئی پیڈا ارادہ کیتی بیٹھی وے۔ اوناں آکھیا کے ایسے کارن اسی تبادلہ پروگرام شروع کیتے ہوئے نے تا پیشہ ور نوجوان اپنیاں صلاحیتاں چ بہتری لیاون دے نال نال چنگی گل بات دا تبادلہ وی کر سکن۔


ایکسس پروگرام دے پاڑھو جیڑے 16-14 سال دے نیڑے تیڑے سن اوناں زنانیاں دی مار کٹائی دی روک وارے گل بات کیتی۔ اوناں کندھ تے بنی ہوئی تصویر تے اپنے خیالات لکھ کے اے سوں کھادی کے او زنانیاں دی مار کٹائی دی روک تھام لئی اپنا حصہ ضرور پاون گے۔ رچرڈ اولسن نے اپنی سوں وی لکھی۔


رچرڈ اولسن نے آکھیا کے اے 16 دن لمی تحریک اوس بین الاقوامی سوں نوں نویں سرے تو پکیا کردی وے کے زنانیاں دی مار کٹائی توں جان چھڈاونی وے۔ اوناں اے وی آکھیا کے بین الاقوامی برادری، حکومتاں، نجی شعبے نال متعلقہ کمپنیاں ، سول سوسائٹی تے بنیادی انسانی حقوق دی آواز چکن آلیاں سمیت سانوں ساریاں نوں رل کے زنانیاں دی مار کٹائی نوی انسانی حقوق دے مسئلے دے طور تے کناں چ پاوناں پوے گا۔


انگریزی زبان دے ایکسس پروگرام دے تحت ماڑے گھراں دے 13 توں 18 سال دے قابل بالاں نوں سکول دی پڑھائی تو بعد انگریزی زبان سیکھائی جاندی وے۔ اے پروگرام شریک بالاں نوں انگریزی زبان دی مہارت دے کے اوناں دے روزگار تے اگے تعلیم دے امکان نوں ودھا چھڈدا وے۔ ایس پروگرام دی شروعات 2005 چ ہوئی تے ایے تائیں 21 مختلف جائی تے ایدے ذریعے 8000 وظیفے دیتے جا چکے نے۔

 

کوئی اسی جھوٹ تے یقین تے کردا نئیں ، ایویں کھپدے رہندے او

 

اسلام علیکم محترمہ مالا صاحبہ،


پہلے تے ساڈے وارے فکر کرن لئی شکریہ قبول کرو۔ تواڈا بیان پڑھ کے پنجابی دا اک بڑا ہی مشہور شعر دماغ چ گردش کرن لگ پیا وے:

مالی دا کم پانی دینا تے بھر بھر مشکاں پاوے

مالک دا کم پھل پھول لاناں، لاوے یا نا لاوے


ایس شعر نوں سامنے رکھ کے اک گل کھول کے سامنے رکھنا چاہواں گا تے او اے وے کے، ساڈیاں کوششاں سچیاں تے سنکھیاں نے تے لوکی ایناں دا اثر کیویں لیندے نے اے نا تے ساڈے ہتھ وس وے تے نا ہی لوکاں دی سوچ دی تبدیلی ایس ڈیجیٹل آؤٹ ریچ دیاں ذمہ داریاں چ شامل وے۔


بڑے سالاں تو امریکہ پاکستان دی مختلف طریقیاں نال مدد کرریہا وے۔ تعلیم دے شعبے تو لے کے پاکستانی دفاع تائیں کوئی وی ایہو جیا شعبہ نہی جیدے چ امریکہ پاکستان نوں ماضی چ آسرا نا دیتا ہووے۔ پیچھلیاں چھے دہائیاں لمی یاری، مدد، تے شراکت داری،ساڈے ولوں عام لوکاں تائیں آواز نا اپڑن کارے، دا کوئی مول نہی پیا کیونکہ کجھ سیاسی مفاد پرستاں بڑی چالاکی تے کامیابی نال امریکہ مخالف پراپیگینڈے نوں اپنے حق چ استعمال کیتا تے اجے وی باز نہی اوندے۔ عام طور تے امریکہ مخالفت دی ہوا جھوٹ تے حقائق نوں تروڑ مروڑ کے پیش کرن نال دیتی گئی وے۔ ماضی چ ساڈے ولوں ایس جھوٹے پراپیگینڈے دی نفی چ ناکافی کوشش کارن پاکستان – امریکہ تعلقات وارے بھاند بھاند دیاں بولیاں تے نظریات نوں لوکاں چ عام ہوئے نے۔ حالانکہ ہن اسی ایس آؤٹ ریچ دے ذریعے غلط فہمیاں تے جھوٹیاں خبراں دا رد کرن دی کوشش کررہے آں، پر فیر وی ساڈی کوشش تواڈی سوچ دی زوری تبدیلی نہی، صرف غلط گل دا رد موقعے تے کر کے غلط نظریات دی پختگی تے پھیلاؤ نوں ٹھل لاوناں اے۔


اسی تواڈے ایس فورم تے کئی سنئے پنجابی بولی چ لکھے نے، توانوں کھلی اجازت وے کے ایناں چوں کسے اک نوں پھڑ کے اودی سچائی دے مشکوک ہوون دا ثبوت پیش کر چھڈو، تا تواڈے بیان دے حق چ کوئی دلیل سامنے آجاوے۔


توانوں کی لگدا وے کے امریکہ تے بہتان بازی یا ایدے نال نفرت پاکستان یا اودے لوکاں نوں اوناں دیاں حالیہ مشکلاں وچوں کڈھن چ کسے قسم دی مدد دیوے گی؟


اسی ایتھے پوری کوشش کررہے آں کے دوواں پاسے دے لوکی اک دوجے دے نیڑے ہوون تے اک دوجے کولوں چنگیاں گلاں سیکھ کے اک بہتر پاکستان تے دنیا چ بہتری لئی رل کے اپنا حصہ پاون۔ انتہا پسنداں، سیاسی شعبدہ بازاں، تے کجھ سر پھرے لوکاں نوں دوواں ملکاں تے اوناں دے لوکاں درمیان پھٹ پاون دا موقع نا دوو۔ بلکہ اے دوریاں جیڑیاں انتہا پسندی تے سیاسی مفاد پرستی ذریعے پے گئیاں نے اوناں نوں مکاون چ ساڈا ساتھ دیو۔ شکریہ


ڈیجیٹل آؤٹ ریچ ٹیم پنجابی – یو ایس ڈیپارٹمینٹ آف سٹیٹ