انگریزی ، اردو لغت اور خودکار لغت کی اصلاح

ایک گذارش ھے کہ اگر اس اردو کی خوبصورت محفل میں اردو لغت اور خودکار اصلاح کے نظام کا اضافہ ھوجائے تو یقیناً یہ اردو کی اصلاح اور صحیح لکھنے میں مددگار اور اردو سیکھنے، سمجھنے کی تربیت کے لئے ایک نیا سنگ میل ثابت ھوگا -

اس کے علاؤہ اگر کوئ چاھے کہ مختلف اوقات میں اپنے متّن یا مضمون کو پورا کرے، کیونکہ بعض اوقات ایک ھی نشست میں مکمل کرنا مشکل ھوجاتا ھے، اس لئے اگر متن کو محفوظ رکھنے کا علٰیحدہ سے مقام کی سہولت کا خودکار نظام ھو جائے جب تک کہ مواد مکمل نہیں ھو جاتا اور ارسال یا منسوخ نہیں کر دیا جاتا ۔
شکریہ

 

جناب عبدالرحمن سید صاحب
السلام علیکم

مجھے نہایت افسوس کے ساتھ کہنا پڑتا ہے کہ آپ کی دونوں تجاویز پر عملدرآمد ممکن نہیں ہے۔ دراصل اردو سپیل چیک کا معاملہ تو ادارہ مقتدرہ قومی زبان بھی حل نہیں کر پایا۔

آپ نے ایم ایس آفس کا اردو یوزر انٹرفیس تو یقیناً دیکھا ہو گا۔ اسے ایکٹو کرنے کے بعد جب آپ ورڈ وغیرہ میں کوئی چیز پیسٹ کرتے ہیں تو اختیارات جوڑیں کے نام سے ایک پوپ اپ بٹن دیتا ہے۔ اسے کلک کرنے سے نکلنے والی مینیو میں آخری اختیار کے طور پر لکھا ہے وقط متن رکھیں حالانکہ اسے فقط متن رکھیں ہونا چاہیئے تھا۔

جب مقتدرہ قومی زبان جیسے محقق ادارے کی محنتِ شاقہ اور مائیکروسافٹ کی ریلیز کردہ سند کی موجودگی میں بھی اِملاء کی ایسی فحش غلطی ہو جائے تو سوائے اردو کو نوزائیدہ قرار دے کر اپنا دامن بچانے کے اور ہم کر بھی کیا سکتے ہیں۔

آپ کی دوسری تجویز اس لئے قابل عمل نہیں کہ پی ایچ پی بی بی میں ہمیں اس کا کوئی موڈ نہیں ملا۔ جونہی مسودات محفوظ کرنے والا کوئی موڈ منظر عام پر آتا ہے، ہم پہلی کوشش مین اسے انسٹال کریں گے۔ ان شاء اللہ

اتنی دیر کے لئے آپ اپنی عارضی تحریروں کو اپنے کمپیوٹر میں نوٹ پیڈ وغیرہ میں ہی محفوظ کر لیا کریں تاکہ تحریر مکمل ہونے پر اسے ہماری اردو میں ڈال سکیں۔

 

شکریہ

آپ کا بہت شکریہ

امید ھے کہ ھماری پیاری اردو کی محفل، ھمارےخوبصورت ملک کے پیارے لوگوں کے لئے ایک مشعل راہ ثابت ھوگی -

دنیا کے تقریباً ھر ملک میں اُن کی قومی زبان ملکی صطح پر سرکاری اور غیر سرکاری اداروں میں مکمل طور سے رائج ھے۔
کیا ھمارے ملک میں یہ نظام رائج نہیں ھو سکتا ؟؟؟؟؟؟؟؟

 

اردو سپیل چیکر کے لیے اردو محفل پر ایک پراجیٹ شروع کیا گیا تھا جس پر کچھ کام یہاں موجود ہے۔
اس الفاظ کی فہرست کواوپن آفس میں شاملبھی کروا دیا گیا ہے۔
ہمیں خوشی ہوگی اگر آپ اس سلسلے میں کچھ تعاون کرسکیں۔ یہ عوامی کام ہے اور عوام کے لیے ہے۔ کسی کی ملکیت نہیں۔ سارے کام اب حکومت پر تو نہیں چھوڑنے خود سے بھی کچھ کرنا ہے ہمیں اسی نظریے کے تحت ہم اردو محفل پر مصروف کار ہیں۔
آپ احباب کو شرکت کی دعوت دی جاتی ہے یہ بھی صدقہ جاریہ ہے۔
وسلام

 

دوست بھائی ! میں نے دونوں لنک دیکھے ہیں۔ چونکہ میں اس فیلڈ کا آدمی نہیں اور نہ ہی تکنیکی اصطلاحات کو سمجھتا ہوں۔ اس لیے بہت ساری باتیں مجھے سمجھ نہیں آئیں۔
لیکن اتنا محسوس ہو گیا کہ بہت بڑا کام کر رہے ہیں آپ لوگ۔ بلکہ سائبر ورلڈ میں اردوزبان کی بہت عظیم خدمت ہے ۔ اللہ تعالی آپ کو ہمت و حوصلہ عطا فرمائے۔ اور آپ دوستوں کو کامیاب و کامران کرے ۔ آمین

 

عزیزان من ہمیں خوشی اس وقت ہوگی جب احباب آگے آکر ہمارے ساتھ یہ کام کریں گے۔
تعریف کی محتاجی نہیں۔