امریکی مالی ٹیک نال انڈرگریجویٹ پڑھائی لئی140 پاکستانی پاڑھوامریکہ جاون لئی تیار

اسلام آباد ___امریکی سفارتخانے ولوں پبلک افیئرز لئی حاضر نوکری منسٹر قونصلر، پیٹر برینن نے امریکی حکومت دی مالی ٹیک نال جاری گلوبل انڈرگریجویٹ (یوگریڈ) پروگرام دے ذریعے انڈرگریجویٹ سطح دی پڑھائی لئی امریکہ کوچ کرن آلے 140 پاکستانی پاڑھواں نوں مبارکباد دیتی۔ ایس موقعے تے پیٹر برینن نے آکھیا کے "سانوں بڑا مان اے کے پاکستان چ ساڈا سفارتخانہ دنیا دا ساریاں نالوں وڈا تبادلہ پروگرام چلاریہا اے، جیدے ذریعے ہر سال 1200 پاکستانیاں نوں امریکہ بھجوایا جاندا وے۔ اے امر پاکستان دے نوجواناں دے حوالے نال ساڈے پیڈے آرادے جیڑا اسی پاکستان دے چنگے کل لئی کیتا وے اودی اک جھلک وے۔"


140 پاکستانی پاڑھوامریکی دفترخارجہ (یو ایس سٹیٹ ڈیپارٹمینٹ) دی مالی ٹیک نال چالو گلوبل یوگریڈ فیلوشپ پروگرام دے ذریعے امریکی یونیورسٹیاں تے کالجاں چ اک سمیسٹر لئی پڑھائی کرن لئی کجھ دناں دے اندرامریکہ جاون گے۔ امریکی سرکار پڑھائی تے ہوون آلے سارے خرچے نوں برداشت کردی وے۔ ایس پروگرام دی انتظامی ذمہ واری یوایس ایجوکیشنل فاؤنڈیشن پاکستان (یوایس ای ایف پی) دے ذمے وے۔


پاکستان چ یوایس ای ایف پی دی ایگزیکٹوڈائریکٹر ریٹا اختر نے امریکہ پڑھائی لئی کوچ تو پہلے جان پشان دے مقصد کارن منعقد اکٹھ نال خطاب کردے ہوئے آکھیا کے "انڈرگریجویٹ دی پڑھائی لئی جاون آلی ایس ٹولی وارے اصل متاثر کر دین آلی گل اے وے کے ایدے وچ زیادہ تعداد پاکستان دے دور پار تے مالی لحاظ نال ماڑے علاقے دے پاڑھواں دی وے۔" اوناں آکھیا کے ایس سال ایس ٹولی چ پنجاب دے 63 سندھ 35، خیبرپختونخوا 16، گلگت۔بلتستان 10 بلوچستان توں پنج، آزاد جموں کشمیر دے تین، فاٹا دے چھے وفاقی دارالحکومت توں تعلق رکھن آلے دو پاڑھو شامل نے۔ اے پاڑھواں دی ٹولی، جیدے سٹھ فیصد شریک زنانہ پاڑھو نے، امریکہ دیاں پجاہ مختلف ہونیورسٹیاں تے کالجاں چ کئی طرح دے شعبیاں چ ڈگری حاصل کرن گے، ایناں چ لوک تے سماج دا علم، انجنیئرنگ، سائینس، قانون، آرٹ تے ڈیزائن،منڈی تے بزنس ایڈمنسٹریشن شامل نے۔


گلوبل انڈرگریجویٹ پروگرام 2010 چ چالو ہویا تے 50 پاڑھواں دی پہلی ٹولی امریکہ پڑھائی لئی گئی۔ اج دی تاریخ تائیں 650 پاڑھو ایس پروگرام چ حصہ لے چکے نے۔


یوایس ای ایف پی اک دو قومی کمیشن وے جیڑا پاکستان تے امریکی سرکار نے 1950 چ قائم کیتا۔ ایدا مشن تعلیمی تےثقافتی تبادلیاں دے ذریعے امریکی تے پاکستانی لوکاں دے درمیان میل ورتن کروا کے چنگے تعلقات پیدا کرنا وے۔ پیشلے 63 سالاں چ کوئی لگ بھگ 4100 پاکستانی تے 873 یوایس ای ایف پی دے زیر انتظام تبادلہ پروگراماں چ شرکت کر چکے نے۔