امریکی حکومت نے ہور 3000 ہزار پاڑھواں نوں گن تے ضرورت دی بنیاد تے پڑھائی لئی وظیفے دین دا فیصلہ

اسلام آباد - امریکی سرکارنے گن تے مالی ضروت دی بنیاد تے پاڑھواں نوں دیتے جاون آلے وظیفیاں دی ونڈ دے دوجے مرحلے نوں چالو کیتا، ایدے ذریعے قابل پر مالی طور تے ماڑے طبقے دے 3000 پاڑھواں نوں وظیفے دیتے جاون گے۔


پہلی فیز (مرحلے) چ مالی تنگی آلے 1807 پاڑھواں نو گن تے مالی ضروت دی بنیاد تے دیتا جاون آلا وظیفہ دیتا گیا، اے وظیفہ لین آلے کوئی لگ بگ 1350 پاڑھو بی اے یا ایم اے درجے دیاں ڈگریاں لے چکے نے۔ ایس وظیفے دے منصوبے نے دوجے مالی امداد کرن آلیاں دا وی وظیفے دیون ول رجحان کیتا وے، جیدے کارن 2004 تو لے کے ہون تائیں داخلہ لین آلے پاڑھواں دی تعداد دونی ہوگئی وے۔ ضرورت دی بنیاد تے دیتے جاون آلے وظیفیاں دے ایس پروگرام دی کامیابی نوں ویکھدیاں ہویاں ایدا دائرہ کار 2 یونیورسٹیاں توں ودھا کے 70 سرکاری تے غیر سرکاری یونیورسٹیاں تائیں کر دیتا گیا وے۔


"یو ایس ایڈ دے مشن ڈاریکٹر نے آکھیا کے " مینوں گن تے ضرورت دی بنیاد تے دیتے جاون آلے وظیفیاں دے وادھے لئی 2 کروڑ 31 لکھ مزید ڈالر، جیدے توں ہور 3000 پاڑھو فائدہ چکن گے، دے کے بڑی خوشی محسوس ہورہی وے۔" اوناں مزید آکھیا کے "18 ہور یونیورسٹیاں ایس پروگرام دا حصہ بن گئیاں نے تے مزید مضمون پڑھائی لئی شامل ہوون کارن پاڑھواں لئی نوکریاں لبن لئی دائرہ کار وی وڈا ہووے گا۔"


امریکہ ولوجاری تعلیمی کوششاں وارے ہور جان کاری لئی: http://goo.gl/auHXF