الٰہی حمد سے عاجز ہے یہ سارا جہاں تیرا ۔۔ محمد علی ظہوریؔ

الٰہی حمد سے عاجز ہے یہ سارا جہاں تیرا
جہاں والوں سے کیونکر ہو سکے ذکر و بیاں تیرا

زمین و آسماں کے ذرے ذرے میں ترے جلوے
نگاہوں نے جدھردیکھا نظر آیا نشاں تیرا

ٹھکانہ ہر جگہ تیرا سمجھتے ہیں جہاں والے
سمجھ میں آ نہیں سکتا ٹھکانا ہے کہاں تیرا

ترا محبوب پیغمبر تری عظمت سے واقف ہے
کہ سب نبیوں میں تنہا ہے وہی اک رازداں تیرا

جہانِ رنگ و بُو کی وسعتوں کا رازداں تُو ہے
نہ کوئی ہمسفر تیرا نہ کوئی کارواں تیرا

تری ذاتِ مُعلّیٰ آخری تعریف کے لائق
چمن کا پتّہ پتّہ روز و شب ہے نغمہ خواں تیرا
-----------
شاعر ۔محمد علی ظہوریؔ
کلیاتِ ظہوری۔(نوائےظہوری)
صفحہ نمبر۔13​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

الٰہی حمد سے عاجز ہے یہ سارا جہاں تیرا
جہاں والوں سے کیونکر ہو سکے ذکر و بیاں تیرا

 

زمین و آسماں کے ذرے ذرے میں ترے جلوے
نگاہوں نے جدھردیکھا نظر آیا نشاں تیرا

 

ٹھکانہ ہر جگہ تیرا سمجھتے ہیں جہاں والے
سمجھ میں آ نہیں سکتا ٹھکانا ہے کہاں تیرا

 

ترا محبوب پیغمبر تری عظمت سے واقف ہے
کہ سب نبیوں میں تنہا ہے وہی اک رازداں تیرا

 

جہانِ رنگ و بُو کی وسعتوں کا رازداں تُو ہے
نہ کوئی ہمسفر تیرا نہ کوئی کارواں تیرا

 

تری ذاتِ مُعلّیٰ آخری تعریف کے لائق
چمن کا پتّہ پتّہ روز و شب ہے نغمہ خواں تیرا