اللہ ہی اللہ

میں نے تیری آنکھوں میں پڑھا اللہ ہی اللہ​

سب بھول گیا یاد رہا ، اللہ ہی اللہ​

​

پھولوں میں بسی چاندنی راتوں کی نمازیں​

خوشبو سے ستاروں کی دعا ، اللہ ہی اللہ​

​

پیڑوں کی صفائی پاک فرشتوں کی قطاریں​

خاموش پہاڑوں کی ندا ، اللہ ہی اللہ​

​

بادل کی عبادت ہے برستا ہوا پانی​

آنسو کی غزل حمد و ثناء ، اللہ ہی اللہ​

​

اک پھول نے کونین کی دولت مجھے دے دی​

آنسو سے ہتھیلی پے لکھا اللہ ہی اللہ​

​

ہم دونوں اسی پاک سمندر کی ہیں لہریں​

لا ہاتھ میرے ہاتھ میں لا ، اللہ ہی اللہ​

​

اک نام کی تختی کا مجھے شوق ہوا تھا​

پانی پے ہواؤں نے لکھا اللہ ہی اللہ​

​

وہ سورت یاسین کی کافور کی خوشبو​

مہکے ہووے پھولوں کی ردا ، اللہ ہی اللہ​

​

​