اللہ ہو دم بدم اللہ ہو ۔ نثار علی اجاگر

اللہ ہو دم بدم
اللہ ہو
ہر جگہ ہر گھڑی ہر قدم
اللہ ہو

لمحہ لمحہ بسر ہو ترے ذکر میں
زندگی کا سفر ہو ترے ذکر میں
بس زباں نغمہ گر ہو ترے ذکر میں
دل میں روشن ہو شمعِ حرم
اللہ ہو

ہر کلی ہر ثمر لہلہاتے شجر
چاندنی کہکشاں نوری شمس و قمر
یہ زمیں یہ فلک بلکہ ہر خشک و تر
کر رہے ہیں ثنا سب بہم
اللہ ہو

عظمتوں رفعتوں کےنشاں تیرے ہیں
اے خدا یہ زمیں آسماں تیرے ہیں
گونجتی ہے ثناء از زمیں تا فلک
ورد جاری ترا از زمیں تا فلک
ٹل گئی ہر بلا از زمیں تا فلک
جب کہا کھل گئے پیچ و خم
اللہ ہو

اس کی قدرت کرن در کرن در کرن
اس کی نکہت چمن در چمن در چمن
اس کی مدحت پون در پون در پون
لکھ اجاگر قلم بہ قلم
اللہ ہو

علامہ نثار علی اجاگر​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین