القاعدہ، طالبان اور مسلمان

القاعدہ، طالبان اور مسلمان

آپ سب سے سوال ہے کہ کیا القاعدہ اور طالبان کی کوئی ایجنڈہ، نظریہ، سیاست یا عمل اسلام کے مطابق ہے یا اسلام کے خلاف اور کیا ان کو مسلمان کہنے کا بھی کسی کو حق ہے؟

 

جواب: القاعدہ، طالبان اور مسلمان

بسم اللہ الرحمٰن الرحیم​

اسلام تو سراسر امن و سلامتی اور رحمت و الفت کا پیغام ہے ، جو نہ صرف مسلمانوں کیلئے بلکہ پوری انسانیت کے لئے عام ہے ۔ اسلامی تعلیمات کے مطالعے سے یہ بات بہت واضح ہوجاتی ہے کہ اسلام میں جہاد کے نام پر دہشت گردی اور خود کش دھماکوں کا بالکل کوئی جواز نہیں ہے۔پھر بھلا القاعدہ یا طالبان اور انکے پیروکار ، جو ہزاروں معصوم لوگوں کو بے دردی کے ساتھ قتل کرنے کے مجرم ہیں، کسطرح سےمسلمانوں کے ہیرو ہوسکتے ہیں؟ یہ لوگ مسلمان نہیں بلکہ خوارج ہیں ، جنکے بارے میں ہمارے پیارے رسول صلی اللہ علیہ وسلم کی کثیر احادیث میں خبر دی گئی ہے۔ انکو "طالبان" نہیں بلکہ ظالمان کہنا چاہیے، کیونکہ "طلبِ علم جیسے مقدس کام سے ان ظالموں کا کیا کام؟

مگر یہ بات بھی اب کوئی راز نہیں ہے کہ جہاد کے نام پر اس طرح کے لوگوں کو مسلمانوں کا ہیرو بنا کر پروموٹ کرنے والا کوئی اور نہیں خود امریکہ ہے۔ ہمارے سادہ لوح عوام یہ سمجھتے ہیں کہ القائدہ/ طالبان اور امریکہ شاید دو مخالف فریق ہیں مگر اصل میں یہ دونوں ایک ہیں، اور انکا مشترکہ ایجنڈہ عالمی طور پر مسلمانوں کی تباہی و بربادی ہے۔ یہ نام نہاد جہادی دراصل اسلام دشمن طاقتوں کے ایجنٹ ہیں جو مسلمانوں کے خلاف ہر قسم کی کاروائیوں کیلئے عالمی استعمار کو جواز مہیا کرنے کے مشن پر رہتے ہیں۔ یہ بات اب روز روشن کی طرح عیاں ہو چکی ہے، اسے اچھی طرح سے سمجھ لینا چاہیے !!!

 

جواب: القاعدہ، طالبان اور مسلمان

چلیے آج شاعری کرتے ہیں۔ ذرا تک بندی کی اصلاح فرمائیے گا:

ہر سو امت مسلم ہے اس قدر نالاں و پریشان

کیوں آخر لیتے ہیں اسلام کا نام القاعدہ وطالبان

دور دور تک نہیں ہےعمل ان کا مطابق فرمان

لبریز ہیں دہشت گردی سے یہ نام نہاد مسلمان

 

جواب: القاعدہ، طالبان اور مسلمان

مسلمان پاکستان مین مظلوم ہیں،القائدہ اور طالبان ظالم اور ایک ہی سکے کے دو رخ ہین۔القائدہ ایک مجرمانہ سرگرمیوں مین ملوث گروہ ہے،جس کا اسلام سے دور کا واسطہ نہ ہے۔
القائدہ کے اسلام اور اسلامی امہ کے خلاف جرائم کی فہرست بڑی طویل ہے ۔ القائدہ اور طالبان کے ہاتھ بے گناہوں کے خون سے رنگے ہیں اور القائدہ کی حماقتوں کی وجہ سے اسلام اور مسلمانوں کو ناقابل تلافی نقصان اٹھانا پڑا ہے، آئیندہ کے لئے القائدہ ،مسلمانوں اور اسلام کو اپنی عنایات سے معاف ہی رکھے تو یہ ملت اسلامی کے حق مین بہتر ہے۔ القائدہ اور طالبان نےقران کی غلط تشریحات کر کے فلسفہ جہاد کی روح کو بگاڑ کر رکھ دیا ہے۔ القائدہ خودکش حملوں کی بانی و استاد ہے اور طالبان اس کے شاگرد۔

 

جواب: القاعدہ، طالبان اور مسلمان

Fawad – Digital Outreach Team – US State Department

آپ جس واقعے کا ذکر کر رہے ہيں اس کی بنياد اکتوبر 2003 ميں "وينٹی فير" ميں شائع ہونے والا ايک آرٹيکل تھا جسے بعد ميں دستاويزی فلموں کے ہدايت کار مائيکل مور نے اپنی فلم "فارن ہائيٹ 911" ميں بھی ريفرنس کيا تھا۔

اس معاملے کی مکمل تحقيقات ہوئ تھی اور حقائق سے يہ بات بالکل ثابت ہو گئ تھی کہ 11 ستمبر کے واقعے کے بعد کے دنوں ميں اسامہ بن لادن کی فيملی کے کسی بھی فرد کو سفر کے لیے خصوصی اجازت نہيں دی گئ تھی۔

جہازی سفر پر پابندی اٹھاۓ جانے کے قريب ايک ہفتے کے بعد 20 ستمبر 2001 کو ريان انٹرنيشنل فلائٹ 441 ميں بن لادن خاندان کے 23 افراد نے سفر کيا تھا جو تفتيش کے تمام ضروری مراحل سے گزرے تھے۔

آپ اس تفتيش کی مکمل تفصيلات اور دستاويزی ثبوت اس ويب لنک پر ديکھ سکتے ہیں، جس کے بعد يہ "سازشی کہانی" بے بنياد ثابت ہو گئ تھی۔

http://www.keepandshare.com/doc/view.php?id=1229345&da=y

جولائ 10 2004 کو اسامہ بن لادن کے سوتيلے بھائ کا امريکی ٹی وی پر ايک انٹرويو نشر ہوا تھا جس ميں انھوں نے بھی ان حقائق کی توثيق کی تھی کہ بن لادن خاندان کے کسی بھی فرد نے 20 ستمبر 2001 سے پہلے امريکہ سے سفر نہيں کيا تھا۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall

 

جواب: القاعدہ، طالبان اور مسلمان

چلو شکر ہے آپ نے اسامہ کا امریکہ سے تعلق والی بات کی تردید کر دی ۔ ۔ ۔ ۔

افغان طالبان ایک غاصب طاقت کے خلاف اپنی آزادی کی جنگ لڑ رہے ہیں اللہ ان کا حامی و ناصر ہو ۔ ۔

ٹی ٹی پی ( تحریک طالبان پاکستان( یقیناً ایک دہشت گرد تنظیم اس میں کسی کو اختلاف نہیں

 

جواب: القاعدہ، طالبان اور مسلمان

چلو شکر ہے آپ نے اسامہ کا امریکہ سے تعلق والی بات کی تردید کر دی ۔ ۔ ۔ ۔

افغان طالبان ایک غاصب طاقت کے خلاف اپنی آزادی کی جنگ لڑ رہے ہیں اللہ ان کا حامی و ناصر ہو ۔ ۔

ٹی ٹی پی ( تحریک طالبان پاکستان( یقیناً ایک دہشت گرد تنظیم اس میں کسی کو اختلاف نہیں

 

جواب: القاعدہ، طالبان اور مسلمان

1 ۔ ۔ اگر طالبان سے مراد افغان طالبان ہیں تو ان کا ایجنڈا اسلام کے مطابق ہے اور وہ جہاد کر رہے ہیں ایک کافر و غاصب طاقت کے خلاف ۔ ۔
اگر ٹی ٹی پی مراد ہے تو اس کا اپنا ایجنڈا ہے کہ جس میں اسلام کا کوئی عمل دخل نہیں

2 ۔ ۔ ۔ دہشت گردی کا کسی بھی کبیرہ گناہ سے انسان فاسق و فاجر ضرور ہوتا ہے مگر اسلام سے خارج نہیں ہوتا ۔ ۔ اگر وہ مسلمان ہونے کا دعویدار اور زبان سے اعلان کرتا تو اسے مسلمان ہی تصور کیا جائے گا جب تک کہ کوئی کفر کا صریح ثبوت نہ مل جائے ۔ ۔

حجاج بن یوسف کتنا ظالم و جابر تھا کہ اس نے صحابہ کرام جیسی مقدس ہستیوں کو بھی نہ چھوڑا اور ان کے مقدس خون سے اپنی تلوار کو رنگین کیا ۔ ۔ ۔ ۔ مگر آج تک امت مسلمہ میں کسی نے اس کے کفر کا فتویٰ جاری نہیں کیا ۔ ۔ ۔ ۔

 

جواب: القاعدہ، طالبان اور مسلمان

طالبان کا جہاد بالکل بھی کسی زمرے میں نہیں آتا اور اس کی وجہ بھی ہے۔ افغانستان کے باشندے خود طالبان سے بہت تنگ ہیں اور دوسرا جب طالبان کے پاس مزاکرات کا راستہ ہے تو وہ افغان حکومت سے کیوں نہیں کرتے۔ یعنی کہ جان بوجھ کر لڑائی۔ اور اس لڑائی کو جب جہاد کا نام دیا جاتا ہےتو مسئلہ یہاں شروع ہوتا ہے۔ بالکل اسی طرح سے جب کوئی سیاسی لیڈر مر جائے اور لوگ اسے شہید کہنا شروع کر دیں تو آپ بتائیں کہ شہید لفظ کا کیا تقدس رہ جائے گا

اور دوسری بات یہ ہے کہ حجاج بن یوسف اور صحابہ کرام رضی اللہ تعالی عنہ کے مابین کم از کم دو صدیوں کا فرق ہے تو وہ کس طرح سے نعوذ باللہ من ذلک صحابہ کرام کے قتل کا مرتکب ہو سکتا ہے

 

جواب: القاعدہ، طالبان اور مسلمان

اگر طالبان کا جہاد جہاد نہیں تو پھر آپ جہاد کی تعریف اور اس کا دائرہ کار اور حکم بیان کردیں
امید ہے آپ اس کا جواب ضرور دیں گے
2۔۔۔ مذاکرات وہ کرے جو مشکل میں ہو مشکل میں تو امریکہ اور اس کے حواری ہیں طالبان ہرگز نہیں ۔ ۔ اور یہ سراسر جھوٹ ہے کہ وہاں کے لوگ طالبان سے تنگ ہیں ۔۔۔۔ کیا آپ وہاں کے باشندے ہیں یا وہاں دیکھ کے آئے ہیں یا آپ کی معلومات وہی ہیں جیسی عراق کے ایٹمی ہتھیاروں کے بارے میں امریکہ کی تھیں ۔ ۔
3 ۔۔۔۔ جناب حجاج کی پیدائش 41ھ ۔۔ 661م میں ہوئی تھی ۔ ۔ ۔ ۔ حضرت عبداللہ بن زبیر صحابی ہی تھے ۔ ۔ رضی اللہ عنہ

 

جواب: القاعدہ، طالبان اور مسلمان

سیفی صاحب

یہ بہت مشکل سوال ہے کہ "جہاد کی تعریف" کروں۔ یہ ہر مسلمان پر منحصر کرتا ہے کہ وہ کیسے سوچتا ہے کہ "جہاد" کیا ہے؟ ویسے اگر تعریف کی بات ہے تو یہ تو اللہ کا عائد کیا ہوا فرض ہے، ہر مسلمان پر، اور اللہ کی ہر شے صرف اور صرف قابل تعریف ہی ہے۔ اس کی اصطلاح کو مختلف مکاتب فکر کے لوگ مختلف طریقے سے دیکھتے ہیں۔ جس جہاد کی آپ بات کر رہے ہیں، میرا خیال ہے، اور یہ صرف میرا خیال ہے، کہ طالبان جو جہاد کر رہے ہیں، وہ اس لیے نہیں ہے کہ اس ملک کا صدر یا سربراہ جو بھی کہہ لیں، کیا اس نے "جہاد" نافز کیا ہے؟ آپ کے جو بھی خیالات ہیں اس سربراہ کے بارے میں لیکن، قانون کے مطابق ، جب تک سربراہ مملکت "جہاد" نافز نہیں کرتا ہے، جہاد کیسے ہو سکتا ہے۔ اور سیفی صاحب اسلام میں "قانون کی پابندی" بھی بہت اہم ہے۔

مزاکرات کی جہاں تک بات ہے تو مزاکرات تو چاہے ابھی ہوں یا بعد میں طالبان اور افغان حکومت کے مابین، وہ تو ہونے ہیں۔ طالبان اگلے 100 سال تک بھی جنگ کرتے رہیں، جب تک مزاکرات نہیں کریں گے، کوئی چارہ نہیں ہے۔ اور رہ گئی بات، کہ کیا افغانستان کے لوگ طالبان سے نالاں ہیں تو، جناب، آپ خود کسی بھی افغانی باشندے کو جو باہر چنے بیچ رہا ہے یا ریڑھی چلا رہا ہے، اس سے پوچھیں، تو آپ کو دودھ کا دودھ اور پانی کا پانی مل جائے گا۔ اور میں یہ کوئی ہوائی بات نہیں کہہ رہا ہوں، جناب یہ ایک سالم حقیقت ہے

 

جواب: القاعدہ، طالبان اور مسلمان

جی تعریف جو آُ پ کریں نہ تو وہ قبول کی جا سکتی اور نہ کسی اور کی ، کی ہوئی تعریف قابل قبول ہے ۔ ۔ ۔ ۔ تعریف وہی قابل قبول ہو گی جو اللہ اور اللہ کے رسول نے بتائی ہے ۔ ۔ امید آپ اس کی وضاحت کریں گے ۔ اور ساتھ میں اس کا حکم بھی ذکر کریں گے۔ ۔ مجھے انتظار رہے گا

2۔ ۔ ۔ جن افغانی باشندوں کی آپ بات کر رہے ہیں وہ تو روسی تسلط کے وقت کے ہجرت کر کے یہاں مقیم ہیں ۔ اور میں اکثریت فارسی لوگوں کی ہے جن کا تعلق ایک چھوٹے سے علاقے سے ہے جو احمد شاہ مسعود کے زیر تسلط تھا ۔ باقی 95 فیصد ملک میں جہاں طالبان کی حکومت تھی وہ ایک پر امن حکومت تھی ۔ اور ایک اسلامی حکومت تھی اور اس بات کو سبھی جانتے ہیں باقی اگر اپ نہ جاننا چاہین تو آپ کی مرضی ۔ ۔ طالبان کے دور حکومت کی 3 مثالیں واصف بھائی نے دی ہیں لگتا ہے آپ نے نہیں پڑھیں چلیں 1 بار پھر پڑھ لیں

 

جواب: القاعدہ، طالبان اور مسلمان

کیوں کہ یہ سب لوگ احمد شاہ مسعود ، برہالدین ربانی وغیرہ کے زیر حکومت تھے ۔ طالبان نے احمد شاہ مسعود اور اس کے حواریوں کے ظلم وجبر کے خلاف ہی آواز اٹھائی تھی اور تقریباً 95 فیصد افغانستان پہ اسلامی حکومت اور مثالی امن قائم کیا ۔ اور واضح رہے کہ امریکہ نے افغانستان پہ جس وقت حملہ کیا تھا اس نے ’’ امن ‘‘ ایشو نہیں بنایا تھا بلکہ نائن الیون کے دھماکوں کا شہید اسامہ بن لادن پہ الزام لگایا اور افغانستان پہ زور دیا کہ اسامہ کو ان کے حوالے کیا جائے مگر انہوں قومی و دینی غیرت کا ثبوت دیا اور امریکہ کے اس حکم پر سر نہیں جھکایا اور مقابلے کا اعلان کیا ۔ اور آج اسی جہاد کی برکت سے سپر پاور اپنے اتحادیوں سمیت شکست سے دو چار ہے ۔ ۔ ۔ ۔

رہے نام اللہ کا

 

جواب: القاعدہ، طالبان اور مسلمان

سیفی صاحب

بہت شکریہ اس شئیرنگ کا

طالبان کے حوالے سے ایک بات کرنا چاہ رہا ہوں۔ آپ نے جو واقعات لکھے ، ان سے ہر کوئی واقف ہے۔ میں ان طالبان کی بات کر رہا ہوں جو لڑکیوں کے سکول تباہ کرتے ہیں، جو اپنے ہی ملک کے اثاثوں کو تباہ و برباد کرتے ہیں اور نہ صرف افغانستان میں بلکہ پاکستان میں بھی کافی ایسے واقعات ہیں جہاں پر انھوں نے سرکاری عمارتوں کو نقصان پہنچایا ہے۔
آپ سے ایک سوال ہے:
اگر آپ کا گھر ہے اور کوئی خدانخواستہ آپ کے گھر کو نقصان پہنچاتا ہے، تو کس قدر پریشانی ہو جاتی ہے۔ حتی کہ لوگ امراض قلب میں مبتلاء ہو جاتے ہیں کیونکہ گھر ان کی زندگی کا سرمایہ ہوتا ہے۔ لیکن جب ملک کے کسی اثاثے کو طالبان یا تحریک طالبان پاکستان یا اور کوئی مزہبی جماعت یا سیاسی جماعت نقصان پہنچاتی ہے، تو اس سے اسقدر بے رخی کیوں۔ چاہے ، وہ شخص جو کسی کے گھر کو نقصان پہنچائے، اس کے جو بھی نظریات ہیں، لیکن یہ حق نہیں ہے کہ کسی کا نقصان کرے۔
جہاد ہر مسلمان پر فرض ہے۔ اس کی وضاحت میں اللہ اور اس رسول صلی اللہ علیہ و آ لہ وسلم کے بتائے ہوئے اصولوں کے مطابق بعد میں کروں گا۔

 

جواب: القاعدہ، طالبان اور مسلمان

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

اس سے پہلے کہ آپ افغانستان کے "مقدس آزادی کے سپاہيوں" کی کاميابی کے ليے دعا گو ہوں اور اپنے وطن کی آزادی کے نعرے کے تحت ان کے خود ساختہ جہاد کے ضمن ميں کلمہ خير کہيں، بہتر ہو گا کہ آپ ايک نظر ان مظالم پر بھی ڈاليں اور بے گناہ شہريوں کے دانستہ قتل کے اعداد وشمار کو بھی ملحوظ رکھيں جنھيں يہ لوگ اسلام کا نام لے کر جائز قرار دے رہے ہيں۔

اگر کاميابی کا نيا معيار يہ ہے کہ معصوم بچوں اور خواتين سميت کتنے بے گناہ افراد کو قتل کيا جا چکا ہے تو پھر يقینی طور پر يہ دہشت گرد گروہ اس تعريف اور توصيف کے مستحق ہيں جس کا تذکرہ کيا گيا ہے۔

بہادری اور عظمت جیسے القابات ان دہشت گردوں کی مجرمانہ کاروائيوں کو بيان کرنے کے لیے استعمال نہيں کيے جا سکتے جن کی تمام حکمت عملی کا محور انتہائ بزدلی کے ساتھ زيادہ سے زيادہ بے گناہ انسانوں کو قتل کرنا ہے۔

يہاں کچھ تازہ اعداد وشمار پيش ہیں جو انھيں "مجاہدوں" کی حقيقت واضح کرنے کے لیے کافی ہیں۔

اقوام متحدہ کے افغانستان کی اعانت سے متعلق کميشن (يو – اين – اے – ايم – اے) کی تازہ رپورٹ کے مطابق سال 2011 کے پہلے 6 ماہ کے دوران تصادم کے نتيجے ميں عام شہريوں کی ہلاکت کے واقعات ميں 15 فیصد اضافہ ہوا ہے۔ اس ڈرامائ اضافے کا اہم محرک حکومت مخالف عناصر کی جانب سے کانوں میں استعمال ہونے والی پريشر پليٹس سے ماخوذ وہ مخصوص دھماکہ خيز آلات ہيں جنھيں عرف عام ميں آئ – ای – ڈيز کہا جاتا ہے۔

يو – اين – اے – ايم – اے کی دستاويزات کے مطابق اس عرصے کے دوران 1462 عام شہريوں کی ہلاکتيں ہوئيں جن ميں سے 80 فيصد حکومت مخالف عناصر کی کاروائيوں سے منسوب ہیں، جو کہ سال 2010 کے دوران کی جانے والی کاروائيوں کے مقابلے ميں 28 فیصد زيادہ ہيں۔ اسی طرح 14 فيصد شہری اموات حکومت کے حمايتی گروہوں سے منسوب ہیں جو کہ سال 2010 کے دوران ہونے والی اموات سے 9 فيصد کم ہیں۔ 6 فيصد شہری اموات کسی فريق سے منسوب نہیں تھيں۔

سال 2007 ميں جب يو – اين – اے – ايم – اے نے ايک نظام کے تحت ان اموات کو دستاويزی شکل ميں ترتيب دينا شروع کيا تھا، اس وقت سے لے کر اب تک مئ 2011 کو 368 شہری اموات کی بدولت سب سے خونی مہينہ قرار ديا گيا ہے۔ جون 2011 ميں 360 شہری اموات کو ريکارڈ کيا گيا جن ميں سے 308 يا کل اموات کا 86 فيصد حکومت مخالف گروہوں کی کاروائيوں سے منسوب ہيں۔ اس ميں سے 18 ہلاکتیں يعنی کل اموات کا 5 فیصد حصہ حکومت حمايتی گروہوں کی کاروائيوں سے منسوب ہيں جب کہ 34 ہلاکتيں يعنی 9 فيصد کسی گروہ سے منسوب نہیں ہيں۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/pages/USUrduDigitalOutreach/122365134490320?v=wall

 

جواب: القاعدہ، طالبان اور مسلمان

بہت شکریہ ساحل بھائی ۔ ۔ ۔ آج آپ نے واقعی تھوڑا ھقیقت پسندی سے کام لیا ہے ۔ ۔ جب یہاں تک آپ نے کہ ہی دیا کہ آپ ان طالبان کی بات نہیں کر رہے ۔ ۔ تو تھوڑی ای ہمت کریں اور ٹی ٹی پی کا پورا نام لکھ دیا کریں ۔ صرف طالبان نہ لکھا کریں کیونکہ طالبان نے کبھی ایسی کاروائیاں نہیں کیں وہ صرف ایک کافر و غاصب طاقت کے خلاف اللہ کی مدد و نصرت سے لڑ رہے ہیں ۔ اور انہوں نے ہمیشہ ایسی کاروائیوں کی مذمت کی ہے کہ جن معصوم لوگوں کو مارا جائے یا اسکول وغیرہ تباہ کیئ جائیں ۔ ۔ ۔ باقی ٹی ٹی پی کا جو کردار ہے پاکستان بھر کے علماء اس کی مخالفت کر رہے ہیں تمام مکاتب فکر کے علماء نے ایسی کاروائیوں کو حرام کہا ہے ۔ ۔ اور میں بھی
انہی علماء کا معتقد ہوں تو میں بھی ایسی تمام کاروائیاں جن میں ملک کو نقصان پنچایا جائے یا معصوم لوگوں کو مارا جائے ان کی بھرپور مذمت کرتا ہوں وہ کار وائیاں چاہے ٹی ٹی پی کی طرف سے ہوں یا ڈرون کی شکل میں امریکہ کی طرف سے ہوں ۔ ۔

رہے نام اللہ کا

 

جواب: القاعدہ، طالبان اور مسلمان

اقوام متحدہ کردار ایک زر خرید لونڈی سے زیادہ کچھ نہیں ہے ۔ ۔ ۔ وہ یہود و ہنود و نصاریٰ کی ایک لونڈی ہے جو انہی کی زبان بولتی ہے ۔ ۔ ۔