افغان پارلیمنٹ پر اجلاس کے دوران طالبان کا حملہ، 6 حملہ آور ہلاک

افغان پارلیمنٹ پر اجلاس کے دوران طالبان کا حملہ، 6 حملہ آور ہلاک

ویب ڈیسک پير 22 جون 2015

کابل: افغان پارلیمنٹ کے اجلاس کے دوران طالبان کے حملے کے بعد سیکیورٹی فورسز سے جھڑپ میں 6 حملہ آور ہلاک ہو گئے۔
غیر ملکی خبر رساں ادارے کے مطابق افغان دارالحکومت کابل میں پارلیمنٹ کی عمارت کے قریب ایک خود کش حملہ آور نے خود کو دھماکا خیز مواد کی مدد سے اڑا لیا جس کے بعد اس کے 6 ساتھی فائرنگ کرتے ہوئے پارلیمنٹ کی عمارت کے اندر گھس گئے۔ حملے کے وقت افغان پارلیمنٹ کا اجلاس جاری تھا۔ پارلیمنٹ پر حملے کے بعد عمارت کے ایک حصے میں آگ بھی لگ گئی تاہم سیکیورٹی اہلکاروں نے تمام اراکین کو بحفاظت باہر نکالا۔
سیکیورٹی حکام کا کہنا ہے کہ پارلیمنٹ پر حملہ کرنے والے 6 دہشت گردوں کو مقابلے کے بعد ہلاک کردیا گیا ہے۔ قبل ازیں طالبان ترجمان ذبیح اللہ مجاہد نے حملے کی ذمہ داری قبول کرتے ہوئے کہا تھا کہ ہمارے ساتھیوں نے پارلیمنٹ پر اس وقت حملہ کیا جب وزیردفاع کو ایوان میں متعارف کرایا جا رہا تھا۔
http://www.express.pk/story/368979/

 

اقبال جہانگیر کا تازہ بلاگ:
طالبان نے افغان پارلیمنٹ پر حملہ کی ذمہ داری قبول کرلی
https://awazepakistan.wordpress.com

 

خودکش حملہ ہر حال میں حرام ہے۔ اللہ تعالی نے قرآن میں واضح طور پر اسےمنع فرمایا ہے۔ ارشاد ربانی ہے :وَلَا تُلْقُوْا بِاَيْدِيْکُمْ اِلَی التَّهْلُکَةِج وَاَحْسِنُوْاج اِنَّ اﷲَ يُحِبُّ الْمُحْسِنِيْنَoالبقرة، 2 : 195
''اور اپنے ہی ہاتھوں خود کو ہلاکت میں نہ ڈالو، اور صاحبان احسان بنو، بے شک اﷲ احسان والوں سے محبت فرماتا ہےo''
حضور نبی اکرم صلی اللہ علیہ وآلہ وسلم نے ارشاد فرمایا :فَإِنَّ لِجَسَدِکَ عَلَيْکَ حَقًّا وَإِنَّ لِعَيْنِکَ عَلَيْکَ حَقًّا.بخاری، الصحيح، کتاب الصوم، باب حق الجسم فی الصوم، 2 : 697، رقم : 1874
''تمہارے جسم کا بھی تم پر حق ہے اور تمہاری آنکھوں کا تم پر حق ہے۔''خودکش حملے،دہشت گردی اور بم دھماکے اسلام میں جائز نہیں یہ اقدام کفر ہے.جہاد وقتال فتنہ ختم کرنے کیلئے ہے ناکہ مسلمانوں میں فتنہ پیدا کرنے کیلئے۔طالبان قرآن کی زبان میں مسلسل فساد فی الارض کے مرتکب ہو رہے ہین۔معصوم شہری ، بے گناہ اور جنگ میں ملوث نہ ہونے والے تمام افراد ، نیز عورتیں اور بچوں کے خلاف حملہ "دہشت گردی ہے جہاد نہیں"۔۔۔۔۔ایسا کرنے والاجہنمی ہے اور ان کے اس عمل کو جہاد کا نام نہیں ‌دیا جاسکتا ۔ایسا جہاد فی سبیل اللہ کی بجائے جہاد فی سبیل غیر اللہ ہے۔دہشت گرد افغانستان میں میں سیاسی اور جمہوری عمل کو ڈی ریل کرنے کی کو ششیں کر رہی ہیں اور ایسا کرنے میں تمام دہشت گرد عناصر متحد ہیں۔ کیا دہشت گردوں کو علم نہ ہے کہ مسلم حکومت کے خلاف علم جنگ بلند کرتے ہوئے ہتھیار اٹھانا اور مسلح جدوجہد کرنا، خواہ حکومت کیسی ہی کیوں نہ ہو اسلامی تعلیمات میں اس امر کی اجازت نہیں۔ یہ فتنہ پروری اور خانہ جنگی ہے۔ اور اسلام کی رو سے یہ محاربت و بغاوت، اجتماعی قتل انسانیت اور فساد فی الارض ہے.