افغانستان : خانقاہ پر مسلح افراد کی فائرنگ سے 11 افراد ہلاک

افغانستان : خانقاہ پر مسلح افراد کی فائرنگ سے 11 افراد ہلاک
Posted on March 9, 2015 By Geo4 Webmaster بین الاقوامی خبریں

کابل (جیوڈیسک) افغانستان کے دارالحکومت کی ایک خانقاہ پر نامعلوم مسلح افراد کی فائرنگ سے 11 افراد مارے گئے۔

مرنے والوں میں خانقاہ کے سجادہ نشین بھی شامل ہیں۔ پولیس کے مطابق مسلح افراد خانقاہ میں داخل ہوئے اور لوگوں پر فائرنگ شروع کر دی۔

حملے کے الزام میں پانچ افراد کو گرفتار کر لیا گیا ہے۔

http://www.geourdu.co/khabrain/world-news/afghanistan-monastery-armed-men-firing-people-dead-kabul/

 

ہم جس دین حق کے پیروکار ہیں اس نے انسانی جان کی حرمت کو سب سے اہم قرار دیا ہے اور ہم اس بات سے باخوبی واقف ہیں کہ اسلام نے ایک انسانی جان بچانے کو پوری انسانیت کی جان بچانے اور قتل کو پوری انسانیت کا قتل کے مترادف قرار دیا ہے یہ ہی وجہ ہے کہ اسلام اس بات کی تلقین کرتا ہے کہ روزہ مرہ معاملات میں ذمہ دارانہ طرز عمل اختیار کیا جائے۔
طالبان دہشتگرد۔ طاقت کے بل بوتے پر اپنے سیاسی و مذہبی عقائد، عوام پر زبردستی مسلط کرنے کے درپے ہیں ہیں جو اسلام کی روح کے خلاف ہے۔. اسلام ایک امن پسند مذہب ہے جو کسی بربریت و بدامنی کی ہرگز اجازت نہیں دیتا۔ خودکش حملے اور بم دھماکے اسلام میں جائز نہیں یہ اقدام کفر ہے.
قرآن مجید، مخالف مذاہب اور عقائدکے ماننے والوں کو صفحہٴ ہستی سے مٹانے کا نہیں بلکہ ’ لکم دینکم ولی دین‘ اور ’ لااکراہ فی الدین‘ کادرس دیتاہے اور جو انتہاپسند عناصر اس کے برعکس عمل کررہے ہیں وہ اللہ تعالیٰ، اس کے رسول سلم ، قرآن مجید اور اسلام کی تعلیمات کی کھلی نفی کررہے ۔ فرقہ واریت مسلم امہ کیلئے زہر ہے اور کسی بھی مسلک کے شرپسند عناصر کی جانب سے فرقہ واریت کو ہوا دینا اسلامی تعلیمات کی صریحاً خلاف ورزی ہے اور یہ اتحاد بین المسلمین کے خلاف ایک گھناؤنی سازش ہے۔ ایک دوسرے کے مسالک کے احترام کا درس دینا ہی دین اسلام کی اصل روح ہے۔
’’جس نے کسی شخص کو بغیر قصاص کے یا زمین میں فساد (پھیلانے کی سزا) کے (بغیر، ناحق) قتل کر دیا تو گویا اس نے (معاشرے کے) تمام لوگوں کو قتل کر ڈالا۔‘‘) المائدة، 5 : 32(