اشعار بہ لحاظ حروف تہجی

شدت شب سے نہ ڈر رات چلی جاتی ہے
یہ تو ہے قرب سحر رات چلی جاتی ہے

 

صرف تیرے قرب کا پل دسترس سے دور ہے
زندگی میں آئے ہیں لمحے سہانے سینکڑوں

 

ضبط اپنا شعار تھا،نہ رہا
دل پہ کچھ اختیار تھا، نہ رہا

 

طے کر چکے ہیں جادۂ شوقِ وصال میں
وہ مرحلے کہ جو نہ تھے خواب و خیال میں

 

عشق بس ایک کرشمہ ہے ، فسوں ہے ، یوں ہے
یوں تو کہنے کو سبھی کہتے ہیں، یوں ہے ، یوں ہے​

 

غضب کیا تیرے وعدے پہ اعتبار کیا​

تمام رات ، قیامت کا انتظار کیا​

 

فقط ہنر ہی نہیں عیب بھی کمال کے رکھ
سو دوسروں کے لئے تجربے مثال کے رکھ

 

قلم کو اِذن ملے بابِ کبریائی سے
تو حرفِ نعت لکھوں دل کی روشنائی سے

 

گفتگوئے دو بدو سے کب مجھے انکار ہے​

شرط یہ ہے درمیاں پردہ کوئی حائل نہ ہو​

 

مرگ انبوہ بھی جشن ساماں نہیں
اب کوئی قتل گاہوں میں جائے تو کیا
کب سے توقیر لالہ قبائی گئی
کوئی اپنے لہو میں نہائے تو کیا

 

یہ جو ہم لوگ ہیں احساس میں جلتے ہوئے ہوئے لوگ​

ہم زمیں زاد نہ ہوتے تو ستارے ہوتے​

 

بجھا جو روزنِ زنداں تو دل یہ سمجھا ہے
کہ تیری مانگ ستاروں سے بھر گئی ہوگی
چمک اُٹھے ہیں سلاسل تو ہم نے جانا ہے
کہ اب سحر ترے رخ پر بکھر گئی ہوگی

 

پوچھا جو اس نے طالب روز جزا ہے کون
نکلا مری زبان سے بے اختیار دل

 

تم آئے ہو، نہ شبِ انتظار گزری ہے
تلاش میں ہے سحر، بار بار گزری ہے

 

ٹوٹی ہوئی منڈیر پہ چھوٹا سا اک دیا
موسم سے کہہ رہا ہے آندھی چلا کے دیکھ

 

ثمر اتنا ملا ہے مجھ کو اس ناداں محبت کا
کہ میرا نام آخر کار اسے پہچان دے گیا

 

جلوۂ جاناں سے کب دیکھا گیا غافل مجھے
سایہ ابرِ رواں تھا پردہ محمل مجھے

 

چودھویں کا چاند ہو یا آفتاب ہو
جو بھی ہوتم خداکی قسم لاجواب ہو

 

حیف وہ کم نصیب جس کا درد تو نہ ہو
اُف وہ درد زندگی جس کی تو دوا نہیں

 

خرچ لمحوں میں تیرے دستِ کشادہ سے ہوئے
کتنی صدیوں کی مشقت سے کمائے ہوئے ہم

 

ذرّوں سے پہچان ہے ضو کی، ماہِ مبیں کوئی اور
ہم تم پائے تخت کے ہیں اور تخت نشیں کوئی اور