اس نئے سال نئے دوست بنانے ہوں گے

اس نئے سال نئے دوست بنانے ہوں گے
وہ جو پچھلے تھے ترے حرف مٹانے ہوں گے
تو بھی سوچے گا رفاقت کے نئے پس منظر
نئے مہینوں میں نئے طور چلانے ہوں گے
کچھ تو عادات سے مجبور مرے گریے ہیں
کچھ نئی بات سے آنسو بھی بلانے ہوں گے
جاگتے خواب، کئی درد دیا کرتے ہیں
اب کے اس سال یہی خواب سلانے ہوں گے​

 

آہاں!! سچ کہا
یہ آپ کی اپنی شاعری ہے؟؟
اگر نہیں تو شاعر کا نام ضرور لکھیں

 

نہیں میں شاعر نہیں ہوں۔میری کوشش ہوتی ہے کہ جس شعر یا غزل کے شاعر کا نام معلوم ہوتا ہے، وہ ضرور لکھتا ہوں اگر معلوم نہ ہو تو ایسے میں کیا کیا جا سکتا ہے؟

 

ایسے میں یہ ہوسکتا ہے شاعر نامعلوم لکھ دیں۔ ویسے یہ صرف ایک عمومی رائے تھی۔ آپ کا اتفاق کرنا ضروری نہیں

 

نامعلوم کی تجویز اچھی ہے مگر اس میں ایک قباحت ہے کل کلاں اگر کسی شاعر نے اپنا نام "نامعلوم" رکھ لیا تو ایک مشکل ہو جاۓ گی کہ پھر اس مسٹر نامعلوم کا دیوان غالب و میر سے بڑا دیوان بن جاۓ گا۔ میرا خیال ہےکہ آپ اسے بانٹنے والے کی صوابدید پہ رہنے دیں کہ نامعلوم لکھے یا رہنے دیں۔

 

ارے۔ آپ نے تو اچھی خاصی سنادی مجھے۔
میں نے پہلے بھی کہا تھا صرف ایک عمومی رائے ہے ۔ اتفاق کرنا ضروری نہیں

 

لگتا ہے آپ بھی نوازشریف کی طرح ہو تی جا رہی ہیں جج چاہے کسی کو بھی کوئی ریمارکس پاس کرے میاں صاحب نے کہہ دینا ہے " اس نے مجھے ہی کہا ہے"۔ چِل اٹ ماہم جی۔

 

ہاہاہا او گاڈ۔نواز شریف کے ساتھ ملا دیا۔

 

چِل ہی چِل ہے جی۔