اس شان سے ہو کاش تماشائے مدینہ -- پروفیسر سیّد اقباؔل عظیم

صلی اللہ علیہ وآلہ وسلم
اس شان سے ہو کاش تماشائے مدینہ
جس سمت نظر جائے، نظر آئے مدینہ

سودا ہو اگر دل میں تو سودائے مدینہ
ہو دل میں تمنا تو تمنائے مدینہ

ہر وقت تصور میں مدینے کی فضا ہو
اس طرح مرے دل میں سما جائے مدینہ

ہر خار مدینے کا گلِ تر سے حسیں ہے
اور غیرتِ فردوس ہے صحرائے مدینہ

ہے شافعِ محشر کا کرم اس کا مقدر
اللہ رے خوش بختیِ شیدائے مدینہ

تخلیقِ دو عالم کا سبب ذات ہے ان کی
شاہنشہِ کونین ہیں آقائے مدینہ

خاکِ قدمِ پاک نبی خاکِ شفا ہے
ہر درد کا درماں ہیں مسیحائے مدینہ

وہ کوثر و تسنیم کا محتاج نہیں ہے
ہو جس کو عطا جُرعہِ صہبائے مدینہ

یاد آتے ہیں جس وقت مدینے کے شب و روز
اقباؔل پکار اٹھتا ہوں میں ہائے مدینہ
---------
پروفیسر سیّد اقباؔل عظیم
​

 

اللہ تعالیٰ آپ کو بھی جزائے خیر عطا کرےآمین

 

ہر وقت تصور میں مدینے کی فضا ہو
اس طرح مرے دل میں سما جائے مدینہ​

 

یاد آتے ہیں جس وقت مدینے کے شب و روز
اقباؔل پکار اٹھتا ہوں میں ہائے مدینہ​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین

 

جزاک اللہ خیراً کثیراً

 

اللہ تعالیٰ آپ کو بھی جزائے خیر عطا کرےآمین