اسے میری چپ نے رلادیا،جسے گفتگو میں کمال تھا

اسے اپنے رشتوں کی فکر تھی جو میرا واقفِ حال تھا
وہ جو اس کی صبح عروج تھی وہ میرا وقتِ زوال تھا

میری بات کیسے وہ مانتا میرا درد کیسے وہ جانتا
وہ تو خود فنا کے سفر پہ تھا اسے روکنا بھی محال تھا

کہاں جاؤ گے مجھے چھوڑ کہ میں یہ پوچھ پوچھ کہ تھک گیا
وہ جواب مجھ کو نہ دے سکا وہ تو خود سراپا سوال تھا

وہ ملا جو صدیوں بعد،میرے لب پہ کوئی گلہ نہ تھا
اسے میری چپ نے رلادیا،جسے گفتگو میں کمال تھا

 

بہت خوب ۔۔۔۔ زبردست ۔۔۔ واہ

 

عمده انتخاب ۔۔۔۔

 

سلامت رهیں ۔۔۔

 

آمین۔۔۔​

 

میشی صاحبہ یہ منتخب شدہ کلام ہے یا کلام بزبان شاعر ہے۔۔۔۔؟

 

میرے لیے تو میرا منتخب شدہ ہے یہ میری ڈائری میں لکھی ہوئی تھی ۔۔مجھے بہت پسند ہے سو میں نے یہاں بھی شئیر کر دی

 

گویا آپ نے مشق سخن کی کوشش نہیں کی اب تک؟

 

جی نہیں ۔۔مجھے شاعری پڑھنے کی حد تک پسند ہے۔۔اپنی پڑھائی کی وجہ سے ہی مصروفیت اتنی ہوتی ہے ریسٹ کا ٹائم نہیں ملتا۔۔ایسے شوق تو جب بہت فرصت ہو انسان کے پاس تب ہی ہو سکتے ہیں۔۔
آج کل فری ہوں اس لیے فورم زیادہ یوز کر رہی ہوں 27 کو میری کلاسز دوبارہ سٹارٹ ہوجائیں گی پھر اس کے لیے بھی بہت مشکل سے ٹائم ملا کرے گا۔۔

 

جاتے وقت نشانیاں اپنی لے کے جانا بھول گیا
اتنا جلدی میں تھا کے وہ ہاتھ ملانا بھول گیا
.
.
اس کی یہ کم عقلی دیکھو دل اس کی جاگیر جو تھی
دل کا رانجھا دل کو بھی ہے ساتھ لے جانا بھول گیا
.
.
جس کی ضد ہوتی تھی میری اک پل آنکھ نا لگنے دے
کیوں ناجانے آجکل ہے وہ مجھے ستانا بھول گیا
.
.
سنتے تھے کے شام کو پنچھی لوٹ کے گھر ہی آتے ہیں
پہلا پنچھی دیکھا جو اپنا آشیانہ بھول گیا
.
.
اٹھتے بیٹھتے جاگتے سوتے یادیں اس کی تڑپائیں
اس کے بن میں پاگل مجنوں وقت بتانا بھول گیا
.
.
باقرؔ اب دن رات مجھے تڑپاتی ہے بس سوچ یہی
کیوں وہ اپنے گھر میں واپس لوٹ کے آنا بھول گیا

مُرید باقرؔ انصاری

 

"باقرؔ اب دن رات مجھے تڑپاتی ہے بس سوچ یہی
کیوں وہ اپنے گھر میں واپس لوٹ کے آنا بھول گیا"

​

 

شکریه ۔۔۔۔

 

بہت شکریہ۔۔۔بہت اچھا کیا برادر آپ نے صحیح اور پوری شئیر کی۔۔میرے پاس کافی عرصے کی لکھی ہوئی تھی۔۔مجھے اتنا معلوم نہیں تھا یہ پوری نہیں ہے یا کوئی غلطی ہے۔۔شکریہ