اذان میں " الصلوۃ فی رحالکم " کے الفاظ

السلام علیکم۔
مدینہ منورہ میں گزشتہ ماہ کی 28 تاریخ 2014کو فجر کے وقت خوب بارش تهی تو مسجد النبوي میں اذان فجر کو حی الفلاح کے بدلے ’ الصلاة فی رحالکم‘ کہا گیا۔ یعنی اپنےگهروں میں هی نماز پڑھ لو بارش کی وجہ سے۔
شاید بہت سے لوگوں کو یہ بات نئی معلوم ہو۔ لیکن یہ بھی سنت ہے جبکہ حالات ایسے ہوں کہ مسجد تک پہنچنا مشکل ہو تو نماز گھروں میں پڑھنے کے استثنا کا اعلان کیا جائے ۔اور یہ سنت بڑی مدت کے بعد کسی نے زندہ کی هےاور اکثریت کو پہلی مرتبہ پتہ چلا هو گا.

 

اور اگر بارش ہو یا موسم خراب ہونے کا اندیشہ ہوتو مغرب کی نماز ادا کرنے کے بعد ہی عشاء بھی پڑھائی جاسکتی ہے۔ (وغیرہ وغیرہ)

 

جی بالکل مغربین یا ظہرین کی بھی اجازت ہے۔
مغربین " مغرب کے بعد بہت تھوڑے وقفے سے عشاء"
ظہرین " ظہرکے بعد بہت تھوڑے وقفے سے عصر"
مسافر کے لیے تو بالخصوص سہولت ہے ہی ۔ لیکن عام حالات میں بھی کسی مجبوری کی صورت میں ایسا کرنا سنت ہے۔

 

پچھلے ہفتہ ہمارے ہاں بارش کا زور تھا
مغرب پڑھنے گیا تو امام صاحب نے جماعت ختم ہونے کے بعد عشاء کے لئے نیت باندھ لی۔ میں نے عرب سے پوچھا کہ کیا ہے اس نے کہا بارش کی وجہ سے عشاء پڑھائی جارہی ہے۔

 

حَدَّثَنَا عَبْدُ اللَّهِ بْنُ يُوسُفَ، قَالَ: أَخْبَرَنَا مَالِكٌ، عَنْ نَافِعٍ، أَنَّ ابْنَ عُمَرَ، أَذَّنَ بِالصَّلاَةِ فِي لَيْلَةٍ ذَاتِ بَرْدٍ وَرِيحٍ، ثُمَّ قَالَ: أَلاَ صَلُّوا فِي الرِّحَالِ، ثُمَّ قَالَ: إِنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ يَأْمُرُ المُؤَذِّنَ إِذَا كَانَتْ لَيْلَةٌ ذَاتُ بَرْدٍ وَمَطَرٍ، يَقُولُ: «أَلاَ صَلُّوا فِي الرِّحَالِ»
صحیح بخاری 666
مفہوم یہ ہے کہ نبی صلی اللہ علیہ وسلم اپنے مؤذن کو سخت سردی اور بارش میں حکم دیتے کہ وہ یہ کہے الا صلوا فی الرحال یعنی نماز اپنے گھر میں پڑھیں۔

 

جو بھی شخص بین المسلمین تفرقہ پیدا کرے وہ مسلم نہیں ہوسکتا، کیونکہ اسلام نے دلوں کو جوڑ دیا جو تباہی کے دہانے پر کھڑے تھے۔

 

دین عین فطرت ہے۔