اتنا مرے رسولﷺ کا کردار ہے وسیع ۔۔ ضمیر یوسف کلکت

اک ایک رمز و معنئ گفتار ہے وسیع
ہر نکتہ آپ کا شہِ ابرار ہے وسیع

روزِ جزا کروڑوں گنہگار چھپ گئے
اتنی ردائے احمدِ مختار ہے وسیع

ممکن نہیں کہ حیطئہ افکار میں سمائے
اتنا مرے رسولﷺ کا کردار ہے وسیع

صدیاں گزر چکی ہیں مکمّل نہ ہو سکا
شاہِ رسل کا ذکرِ ضیا بار ہے وسیع

آؤ گناہگارو! لِوا کے تلے چلو!
رب بخش دیگا،رحمتِ سرکار ہے وسیع

کوئ نہیں ہے تنگئ حالات کا شکار
اتنا نبیﷺ کا شہرِ پُر انوار ہے وسیع

مسکن نہ کیوں بنے وہ فرشتوں کا اے ضمیر!
صحنِ نبیﷺ کا سایئہ دیوار ہے وسیع
-----
ضمیر یوسف کلکت
بزم نعتﷺ
عالمی واٹس ایپ گروپ "بزم نعت" کا چھپنواں شاندار طرحی مشاعرہ
1 اگست 2018
​

 

ممکن نہیں کہ حیطئہ افکار میں سمائے
اتنا مرے رسولﷺ کا کردار ہے وسیع​

 

آؤ گناہگارو ! لِوا کے تلے چلو !
رب بخش دیگا، رحمتِ سرکار ہے وسیع​

 

کوئی نہیں ہے تنگئ حالات کا شکار
اتنا نبیﷺ کا شہرِ پُر انوار ہے وسیع​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین