اب ٹُوٹ گرے ہجر کی دیوار کریما! ۔۔مقصود علی شاہ

اب ٹُوٹ گرے ہجر کی دیوار کریما!
دے اذنِ حضوری مجھے اِس بار کریما!

آنکھوں میں سجائے ہُوئے جاؤوک کی منزل
آئے ہیں ترے در پہ گنہگار، کریما!

مدحت نے سنوارے مرے کردار کے منظر
ہے نعت تری حاصلِ گفتار، کریما!

امید نے دیکھے تھے ترے خواب سویرے
ایقان سے اُبھرے ہیں یہ آثار، کریما!

لب بستہ و دل رفتہ و جاں خستہ ہُوں حاضر
بس خامشی ہے صورتِ اظہار کریما!

تُو آئے تو امکان کوئی عَود کے آئے
بیمار تو جانے کو ہے تیار، کریما!

مہکے ہیں تری یاد کی خُوشبو کے وظیفے
چمکے ہیں تری دید کے انوار، کریما!

اب کیسے کوئی مجھ پہ دھرے دستِ اذیت
جب آپ ہُوئے میرے نگہدار، کریما!

بخشا ہے تفاخر ترے نعلینِ عطا نے
مقصود کے سر پر ہے جو دستار، کریما!
----
Maqsood Ali Shah
مقصود علی شاہ



​

 

آنکھوں میں سجائے ہُوئے جاؤوک کی منزل
آئے ہیں ترے در پہ گنہگار، کریما!
​

 

مدحت نے سنوارے مرے کردار کے منظر
ہے نعت تری حاصلِ گفتار، کریما!
​

 

لب بستہ و دل رفتہ و جاں خستہ ہُوں حاضر
بس خامشی ہے صورتِ اظہار کریما!
​

 

مہکے ہیں تری یاد کی خُوشبو کے وظیفے
چمکے ہیں تری دید کے انوار، کریما!
​

 

اب کیسے کوئی مجھ پہ دھرے دستِ اذیت
جب آپ ہُوئے میرے نگہدار، کریما!
​

 

بخشا ہے تفاخر ترے نعلینِ عطا نے
مقصود کے سر پر ہے جو دستار، کریما!
​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین

​