اب تنگیء داماں‌ پہ نہ جا اور بھی کچھ مانگ۔ نصیر الدین نصیررح

السلام علیکم ۔ کچھ دن قبل پاکستان کے معروف بزرگ اور عظیم ولی اللہ حضرت پیر مہر علی شاہ گولڑوی کے پوتے پیر نصیر الدین نصیر گولڑوی رحمۃ اللہ علیہ قضائے الہی سے اس دارِ فانی سے واصل بالحق ہوگئے۔ آپ رحمۃاللہ علیہ ایک صوفی بالصفا اور عاشقِ رسول صلی اللہ علیہ وسلم ہونے کے ساتھ ساتھ درجنوں‌کتب کے مصنف، انتہائی علمی شخصیت، قادر الکلام مقرر اور اعلی پائے کے شاعر تھے۔ ذیل میں انکی ایک نعت شریف "ہماری اردو" کے صارفین کی نذر ہے۔

اب تنگیء داماں پہ نہ جا ۔ اور بھی کچھ مانگ
ہیں آج وہ مائل بہ عطا ۔ اور بھی کچھ مانگ

ہر چند کہ آقا :saw: نے بھرا ہے تیرا کشکول
کم ظرف نہ بن ، ہاتھ بڑھا ۔ اور بھی کچھ مانگ

وہ لوگ جو کہتے ہیں کرم ان کا ہے محدود
ان لوگوں کی باتوں پہ نہ جا ۔ اور بھی کچھ مانگ

سلطانِ مدینہ :saw: کی زیارت کی دعا کر
جنت کی طلب چیز ہے کیا ۔ اور بھی کچھ مانگ

دے سکتے ہیں کیا کچھ ، کہ وہ کچھ دے نہیں‌سکتے
یہ بحث نہ کر، ہوش میں آ ۔ اور بھی کچھ مانگ

اس در پہ یہ انجام ہوا ، حُسنِ طلب کا
جھولی میری بھربھر کے کہا ۔ اور بھی کچھ مانگ

جھولی ہی میری تنگ تھی کیا مانگتا ان سے
وہ کہتے رہے مانگ ذرا ۔ اور بھی کچھ مانگ

رہ رہ کے تو اس در پہ جو پہنچا ہے نصیر آج
آواز پہ آواز لگا ۔ اور بھی کچھ مانگ

پیر نصیر الدین نصیر گولڑوی رحمۃ اللہ علیہ​

 

سبحان اللہ ۔
بہت خوبصورت نعت شریف ہے۔
جزاک اللہ نعیم صاحب۔

 

جزاک اللٌہ نعیم بھائی، سبحان اللٌہ،!!!!!

 

:saw: :saw: :saw:
سبحان اللہ تعالی ۔ بہت خوبصورت نعت شریف ہے۔

 

آپ سب کی پسندیدگی اور دعاؤں کا شکریہ ۔