اب اپنی روح کے چھالوں کا کچھ حساب کروں - ڈاکٹر راحت اندوری

غزل
(ڈاکٹر راحت اندوری )

اب اپنی روح کے چھالوں کا کچھ حساب کروں
میں چاہتا تھا چراغوں کو ماہتاب کروں

بتوںسےمجھ کو اجازت اگر کبھی مل جائے
تو شہر بھر کے خداؤں کو بے نقاب کروں

میں کروٹوں کے نئے زاویے لکھوں شب بھر
یہ عشق ہے تو کہاں زندگی عذاب کروں

ہے میرے چاروں طرف بھیڑ گونگے بہروں کی
کسے خطیب بناؤں کسے خطاب کروں

اس آدمی کو بس اک دھن سوار رہتی ہے
بہت حسیں ہے یہ دنیا اسے خراب کروں

یہ زندگی جو مجھے قرض دار کرتی ہے
کہیں اکیلے میں مل جائے تو حساب کروں​

 

جواب: اب اپنی روح کے چھالوں کا کچھ حساب کروں - ڈاکٹر راحت اندوری

ہے میرے چاروں طرف بھیڑ گونگے بہروں کی
کسے خطیب بناؤں کسے خطاب کروں

دوست بہت زبردست :a165: :101: :222:

 

جواب: اب اپنی روح کے چھالوں کا کچھ حساب کروں - ڈاکٹر راحت اندوری

واہ مبارز جی بہت خوب بہت عمدہ

 

جواب: اب اپنی روح کے چھالوں کا کچھ حساب کروں - ڈاکٹر راحت اندوری

بہت خوب واو