آپ (ص) کی شان میں غلو نہ کیا جائے ۔

بلاشک و شبہ تمام مسلمانوں کا ایمان ہے کہ نبی اکرم صلی اللہ علیہ وسلم کا وجودِ مسعود ایک عظیم نعمت ہے ۔ اور یہ بھی سب کا ماننا ہے کہ شکرانِ نعمت واجب ہے ۔
امتِ مسلمہ پر اللہ تعالیٰ کی اس عظیم نعمت ، کا شکر اسی طرح ادا کیا جا سکتا ہے جس طرح کہ صحابہ (رضوان اللہ عنہم اجمعین) اور تابعین و تبع تابعین (رحمہم اللہ) اور ائمہ و مجتہدین (رحمہم اللہ) سے ثابت ہے ۔
یعنی : اتباعِ سنتِ رسول (ص) پر سختی سے کاربند ہو کر ۔
اور نبی کریم صلی اللہ علیہ وسلم کی سنتوں میں سے ایک اہم سنت یہ بھی ہے کہ آپ (ص) کی شان میں غلو نہ کیا جائے ۔
جیسا کہ درج ذیل احادیث سے ثابت ہوتا ہے ۔

رسول اکرم صلی اللہ علیہ وسلم نے فرمایا ‫:
مجھے حد سے مت بڑھانا جیسے عیسائیوں نے حضرت عیسیٰ (علیہ السلام) کو حد سے بڑھا دیا ۔
میں تو محض اس کا بندہ ہی ہوں ، تم مجھے اللہ کا بندہ اور اس کا رسول کہو ۔
صحيح بخاري ، كتاب احاديث الانبياء ، باب : {‏واذكر في الكتاب مريم اذ انتبذت من اهلها‏} ، حدیث : 3484

ایک شخص نے رسول اللہ صلی اللہ علیہ وسلم سے کہا کہ آپ ہمارے سردار ہیں اور سردار کے بیٹے ہیں ۔
نبی صلی اللہ علیہ وسلم نے جواب میں فرمایا ‫:
تم ایسا کہہ سکتے ہو لیکن خبردار رہنا ، ایسا نہ ہو کہ شیطان تمہیں مبالغہ آرائی میں لے ڈوبے ۔
میں محمد بن عبداللہ ہوں اور اللہ کی قسم مجھے یہ بات قطعاََ پسند نہیں ہے کہ تم ( میری تعریف میں مبالغہ آرائی کرتے ہوئے ) مجھے اس مرتبہ سے بھی بلند کر دو جو کہ اللہ تعالیٰ نے مجھے عطا فرمایا ہے ۔
مسند احمد ، المجلد الثالث ، مسند انس بن مالک رضي اللہ تعالى عنہ ، حدیث : 12093

 

السلام علیکم ورحمتہ اللہ وبرکاتہ

امید ہے کہ آپ خیریت سے ہونگے

محترم مجیب منصور صاحب آپ نے اچھی پوسٹ کا آغاز کیا ہے، میں چاہوں گا کہ آپ اپنی بات کی وضاحت کچھ مثالیں دے کر کریں، کہ کس قسم کی مبالغہ آرائی سے ہم گناہگار ہو سکتے ہیں‌

خوش رہیں‌

 

ماشاءاللہ مجیب منصور بھائی ۔

نوید بھائی کی تائید میں میں بھی آپ سے یہی عرض کروں گا کہ ذرا وضاحت فرما دیں کہ عام طور پر مسلمان کس قسم کا غلو کرتے ہیں جس سے بچنے کے لیے آپ کو خاص طور پر یہ احادیث مقدسہ یہاں لکھنا پڑیں۔

یا کیا آپ نے ہماری اردو کے کسی سیکشن میں اس طرح کا غلو دیکھا ہے ۔ اگر ایسا ہے تو براہ کرم قرآن و سنت کی روشنی میں ہماری رہنمائی کے لیے نشاندھی فرما دیں۔ شکریہ