آپﷺ قدموں میں جب بٹھاتے ہیں ۔۔ شیخ صدیق ظفرؔ

آپﷺ قدموں میں جب بٹھاتے ہیں
غم زمانے کے بھول جاتے ہیں

نعت کے شعر اور درُود و سلام
آپﷺ کے در پہ ہم سناتے ہیں

باخبر لوگ آگہی کے لیے
آپﷺ کے آستاں پہ آتے ہیں

عِلم و عرفان و عشق و سر مستی
آپﷺ کے در سے لوگ پاتے ہیں

بات اُتنی زباں پہ لاتا ہوں
جتنی پیارے نبیؐ بتاتے ہیں

مہرباں جن پہ ہوں حبیبِ خُداﷺ
راہِ طیبہ اُنھیں دکھاتے ہیں

آپﷺ کی یاد سے، تصور سے
خانۂ دِل ظفرؔ سجاتے ہیں
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین