نئی بیت بازی - حصہ دوم

فرازِ عرش سے ٹوٹا ہوا کوئی تارا
کہیں سے ڈھونڈ کے لاؤ بڑا اندھیرا ہے

 

زندگی سے یہی گلہ ہے مجھے
تُو بہت دیر سے ملا ہے مجھے
احمد فراز

 

کیا راہ بدلنے کا گِلہ ہم سفروں سے
جِس رہ سے چلے تیرے درو بام ہی آئے

 

ٹھوکر جہاں لگی وہ سنبھلنے کا تھا مقام
ہم اس کو اتفاق ہی گردانتے رہے

 

گر زندگی میں مل گئے پھر اتفاق سے
پوچھیں گے اپنا حال تری بے بسی سے ہم

 

روز معمورہء دنیا میں خرابی ہے ظفر
ایسی بستی کو تو ویرانہ بنایا ہوتا

 

دنیا جسے کہتے ہیں جادو کا کھلونا ہے
مل جائے تو مٹی ہے کھو جائے تو سونا ہے

 

گوندھا گیا تھا پیار کی پہلی پھوار میں
اب موسموں کی دھوپ میں پکنے کو جی کرے

 

شاید کوئی خواہش روتی رہتی ہے
میرے اندر بارش ہوتی رہتی ہے

 

ہزاروں خواہشیں ایسی کہ ہر خواہش پہ دم نکلے
بہت نکلے مرے ارماں لیکن پھر بھی کم نکلے

 

ہم تو ہیں پردیس میں دیس میں نکلا ہو گا چاند
اپنی رات کی چھت پہ کتنا تنہا ہو گا چاند

 

چاند نکلا ۔ ۔ ۔ تو بہت دور تلک پھیل گیا
نیند سے جاگ اٹھی اور چمکنے لگی ریت

 

آنکھوں سے نیند، دل سے سکوں ہو گیا جدا
لگتا ہے اپنے ساتھ کوئی ہاتھ کر گیا

 

خانہ اُمید بے نور و ضیا ہونے کو ہے
چشمِ تر سے آخری آنسو جدا ہونے کو ہے

 

اگ رہا ہے در ودیوار پہ سبزہ غالب
ہم بیاباں میں ہیں اور گھر میں بہار آئی ہے

 

اے دوست ہم نے ترک تعلق کے باوجود
محسوس کی ہے تیری ضرورت کبھی کبھی

 

اتنا سوچا تجھے ، کہ دنیا کو
ہم نے تیری نگاہ سے دیکھا

 

یاد ہیں غالب ! تُجھے وہ دن کہ وجدِ ذوق میں
زخم سے گرتا ، تو میں پلکوں سے چُنتا تھا نمک