داغ کی شاعری

ہوش و حواس و تاب و تواں داغ جا چکے
اب ہم بھی جانے والے ہیں سامان تو گیا

 

داغ کی ایک غزل

غضب کیا جو تیرے وعدے پہ اعتبار کیا
تمام رات قیامت کا انتظار کیا
ہنسا ہنسا کے شب وصل اشکبار کیا
تسلیاں دے دے کے بیقرار کیا
تڑپ پھراے دل ناداں کہ لوگ کہتے ہیں
اخیر کچھ نہ بنی صبر اختیار کیا
نہ پوچھ دل کی حقیقت مگر یہ کہتے ہیں
وہ بیقرار رہے جس نے بیقرار کیا
فسانہ شب غم ان کو اک کہانی تھی
کچھ اعتبار کیا کچھ ہن اعتبار کیا
بنے گا مہر قیامت ایک خال سیاہ
جو چہرہ داغ سیاہ رو نے آشکار کیا۔

 

بہت اچھے عرفان صاحب۔ بہت خوب

 

شکریہ

شکریہ آپ بھی مزید اشعار عنایت کیجیئے

 

ایک تو حسن بلا اس پہ بناوٹ آفت
گھر بگاڑیں گے ہزاروں کے، سنورنے والے

حشر میں لطف ہو جب ان سے ہوں دو باتیں
وہ کہیں کون ہو تم، ہم کہیں مرنے والے

غسل میت کو شہیدوں کو ترے کیا حاجت
بے نہائے بھی نکھرتے ہیں نکھرنے والے

حضرتِ داغ جہاں بیٹھ گئے، بیٹھ گئے
اور ہوں گے تری محفل سے ابھرنے والے

 

شکریہ مزید اشعار مطلوب ہیں

شکریہ مزید اشعار کی گزارش ہے

 

تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا

وفا کریں گے ، نبھائیں گے بات مانیں گے
تمہیں بھی یاد ہے کچھ یہ کلام کس کا تھا

رہا نہ دل میں وہ بے درد اور درد رہا
مقیم کون ہوا مقام کس کا تھا

نہ پوچھ گچھ تھی کسی کی وہاں نہ آؤ بھگت
تمہاری بزم میں کل اہتمام کس کا تھا

گزر گيا وہ زمانہ کہوں تو کس سے کہوں
خیال دل کو میرے صبح شام کس کا تھا

ہر اک سے کہتے ہیں کیا، داغ بے وفا نکلا
یہ پوچھے ان سے کوئی وہ غلام کے کا تھا​

 

بہت خوب

 

شکریہ لاحاصل

شکریہ لاحاصل آپ بھی
اشعار عنایت کیجیئے

 

ابھی فرسٹ ایر کی اردو کی بک ملی ہے جس سے مندرجہ بالہ غزل مکمل کر کے لکھ رہا ہوں

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا

دل لے کے مفت کہتے ہیں کچھ کام کا نہیں
اُلٹی شکائتیں ہوئیں، احسان تو گیا

دیکھا ہے بُت کدے میں جو اے شیخ! کچھ نہ پوچھ
ایــــــمان کی تو یہ ہے کہ ایــــــــمان تو گیا

افشائے رازِ عشق میں گو ذلتیں ہوئیں
لیکن اُسے جتا تو دیا، جان تو گیا

گو نامہ بر سے خوش نہ ہوا، پر ہزار شکر
مجھ کو وہ میرے نام سے پہچان تو گیا

بزمِ عدو میں صورت پروانہ دل میرا
گو رشک سے جلا تیرے قربان تو گیا

ہوش و حواس و تاب و تواں داغ جا چکے
اب ہم بھی جانے والے ہیں سامان تو گیا​

 

عجب اپنا حال ہوتا جو وصال یار ہوتا
کبھی جاں صدقے ہوتی ، کبھی دل نثار ہوتا

جو تمہاری طرح تم سے کوئی جھوٹے وعدے کرتا
تم ہی منصفی سے کہہ دو،تمہیں اعتبار ہوتا؟

یہ مزا تھا دل لگی کا کہ برابر آگ لگتی
نہ تجھے قرار ہوتا نہ مجھے قرار ہوتا

نہ مزہ ہے دشمنی میں نہ لطف ہے دوستی میں
کوئی غیر غیر ہوتا، کوئی یار یار ہوتا

ترے وعدے پہ ستم گر ابھی اور صبر کرتے
اگر اپنی زندگی کا ہمیں اعتبار ہوتا

تمہیں ناز ہو نہ کیوں کر کہ لیا ہے داغ کا دل
یہ رقم نہ ہا تھ لگتی ، نہ یہ اختیار ہوتا​

 

غزل بہت اچھی ہے۔ داغ کی سخنوری کے کیا کہنے
لیکن سرخ رنگ کے مصرعے کچھ متوازن نظر نہیں‌آتے۔ ممکن ہے ٹائپنگ میں کچھ مس ہوگیا ہو۔
چیٹر بھائی ۔ اتنی اچھی غزل شئیر کرنے کا شکریہ ۔

 

اچھی صورت پہ غضب ٹوٹ کے آنا دل کا
یاد آتا ہے ہمیں ہائے زمانہ دل کا

تم بھی چوم لو ، بے ساختہ پیار آجائے
میں سناؤں جو کبھی دل سے فسانہ دل کا

ان حسینوں کا لڑکپن ہی رہے یااللہ
ہوش آتا ہے تو آتا ہے ستانا دل کا

پوری مہندی بھی لگانی نہیں آئی اب تک
کیوں کر آیا تجھے غیروں سے لگانا دل کا

حور کی شکل ہو تم، نور کے پتلے ہو تم
اور اس پر تمہیں آتا ہے جلانا دل کا

بعد مدت کے یہ اے داغ سمجھ میں آیا
وہی دانا ہے، کہا جس نے دل کا نہ مانا​

 

چیٹر صاحب۔ کہیں یہ شعر میرے خلاف تو نہیں‌لکھ دیا ؟ (مذاق)

ویسے بہت اچھی غزل ہے۔۔۔ بہت پسند آئی

 

غزل بہت اچھی ہے۔ داغ کی سخنوری کے کیا کہنے
لیکن سرخ رنگ کے مصرعے کچھ متوازن نظر نہیں‌آتے۔ ممکن ہے ٹائپنگ میں کچھ مس ہوگیا ہو۔
چیٹر بھائی ۔ اتنی اچھی غزل شئیر کرنے کا شکریہ ۔[/quote:nl1uc4ie]

معاف کرنا نعیم بھائی میں نے اگلی پوست کرتے وقت آپکے پیغام پہ غور نہین کیا تھا مگر اب ٹھیک کر دیا ہے ۔ مگر آپ نے غلطی کمال کی پکڑی ہے ۔کیا آپ نے یہ غزل پہلے سے پڑھی ہوئی تھی یا یہ آ پکے دماغ کا کمال ہے۔

 

آپکا اوتار دیکھ کر تو یہی لگتا ہے کہ داغ نے اس کو دیکھ کر ہی شعر کہا
آپ کا اور مریم آپی کا پسند کرنے کا شکریہ

 

غزل بہت اچھی ہے۔ داغ کی سخنوری کے کیا کہنے
لیکن سرخ رنگ کے مصرعے کچھ متوازن نظر نہیں‌آتے۔ ممکن ہے ٹائپنگ میں کچھ مس ہوگیا ہو۔
چیٹر بھائی ۔ اتنی اچھی غزل شئیر کرنے کا شکریہ ۔[/quote:yrosnixm]

معاف کرنا نعیم بھائی میں نے اگلی پوست کرتے وقت آپکے پیغام پہ غور نہین کیا تھا مگر اب ٹھیک کر دیا ہے ۔ مگر آپ نے غلطی کمال کی پکڑی ہے ۔کیا آپ نے یہ غزل پہلے سے پڑھی ہوئی تھی یا یہ آ پکے دماغ کا کمال ہے۔[/quote:yrosnixm]
ارے نہیں چیٹر بھائی ۔ ایسا بھی کوئی خاص کمال نہیں۔ ایک وجہ تو یہ دونوں مصرعے پڑھنے کے دوران ہی کچھ “ فٹ “ نہیں بیٹھ رہے تھے۔ اور دوسری بات یہ کہ ۔۔
میں تبصرے، تعریفیں ۔۔ پڑھ کر کرتا ہوں :bigblink:

 

لے چلا جان میری روٹھ کے جانا تیرا

لے چلا جان میری روٹھ کے جانا تیرا
ایسے آنے سے تو بہتر تھا نہ آنا تیرا

اپنے دل کو بھی بتاؤں نہ ٹھکانا تیرا
سب نے جانا جو پتہ اک نے جانا تیرا

تو جو اے زلف پریشان رہا کرتی ہے
کس کے اُجڑے ہوئے دل میں ہے ٹھکانا تیرا

یہ سمجھ کر تجھے اے موت لگا رکھا ہے
کام آتا ہے برے وقت میں آنا تیرا

اپنی آنکھوں میں بھی کوندھ گئی بجلی سی
ہم نہ سمجھے کہ یہ آنا ہے کہ جانا تیرا

‘داغ‘ کو یوں وہ مٹاتے ہیں یہ فرماتے ہیں
تو بدل ڈال ہوا نام پرانا تیرا​

 

کیا بات ہے داغ کی شاعری کی۔۔۔۔۔۔۔ دیوانگی کو صحیح طریقے سے بیان ہی شائید داغ نے کیا ہے۔
میں نے کافی عرصہ قبل دیوان داغ پڑھا تھا، بہت اچھا لگا۔ لیکن بدقسمتی سے ان کی شاعری اپنے پاس محفوظ نہ رکھ سکا۔ چند اشعار یار ہیں، ان میں سے کچھ لکھ دیتا ہوں۔

خدا رکھے محبت نے کیئے آباد گھر دونوں
میں ان کےدل میں رہتا ہوں،وہ میرےدل میں‌رہتے ہیں

کوئی نام ونشاں پوچھے تو اے قاصد بتا دینا
تخلص داغ ہے اور عاشقوں کے دل میں رہتے ہیں​

 

لطف وہ عشق میں پائے ہیں کہ جی جانتا ہے

لطف وہ عشق میں پائے ہیں کہ جی جانتا ہے
رنج بھی ایسے اُٹھائے ہیں کہ جی جانتا ہے

مُسکراتے ہوئے وہ مجمع اغیار کے ساتھ
آج یوں‌بزم میں آئے ہیں کہ جی جانتا ہے

کعبہ و دیر میں پتھرا گئیں دونوں آنکھیں
ایسے جلوے نظر آئے ہیں کہ جی جانتا ہے

دوستی میں‌تری در پردہ ہمارے دشمن
اسقدر اپنے پرائے ہیں کی جی جانتا ہے

انہی قدموں نے تمہارے، انہی قدموں کی قسم
خاک میں اتنے ملائے ہیں‌کہ جی جانتا ہے

‘داغ‘ وارفتہ کو ہم آج ترے کوچے سے
اس قدر کھینچ کے لائے ہیں‌کہ جی جانتا ہے​

 

بہت خوب جی ۔ بہت خوب

 

پھرے راہ سے وہ یہاں آتے آتے
اجل مر رہی تو کہاں‌ آتے آتے

نہ جانا کہ دنیا سے جاتا ہے کوئی
بہت دیر کی مہرباں آتے آتے

سنانے کے قابل جو تھی بات ان کو
وہی رہ گئی درمیاں آتے آتے

مجھے یاد کرنے سے یہ مدعا تھا
نکل جائے دم ہچکیاں آتے آتے​

 

ساگراج صاحب کدھر غائب ہیں آپ۔۔۔اب آ بھی جائیں۔۔۔

یارب ہے بخش دینا بندے کو کام تیرا
محروم رہ نہ جائے کل یہ غلام تیرا

جب تک ہے دل بغل میں ہر دم ہو یاد تیری
جب تک زباں ہے منہ میں‌جاری ہو نام تیرا

ایمان کی کہیں گے ایمان ہے ہمارا
احمد :saw: رسول تیرا مصحف کلام تیرا

ہے تو ہی دینے والا پستی سے دے بلندی
اسفل مقام میرا اعلٰی مقام تیرا

محروم کیوں‌رہوں میں جی بھر کے کیوں نہ لوں میں
دیتا ہے رزق سب کو ہے فیض عام تیرا

یہ “داغ“ بھی نہ ہو گا تیرے سوا کسی کا
کونین میں‌ہے جو کچھ وہ ہے تمام تیرا​

 

بہت خوب کاشفی۔

سبق ایسا پڑھا دیا تو نے
دل سے سب کچھ بھلا دیا تو نے

لاکھ دینے کا ایک دینا ہے
دلِ بے مُدّعا دیا تو نے

بے طلب جو ملا، ملا مجھ کو
بے غرض جو دیا، دیا تو نے

کہیں مشتاق سے حجاب ہوا
کہیں پردہ اٹھا دیا تو نے

مٹ گئے دل سے نقشِ باطل سب
نقش اپنا جما دیا تو نے

مجھ گناہگار کو جو بخش دیا
تو جہنم کو کیا دیا تو نے

داغ کو کون دینے والا تھا
اے خدا ! جو دیا، دیا تو نے​

 

مجھ گناہگار کو جو بخش دیا
تو جہنم کو کیا دیا تو نے

داغ کو کون دینے والا تھا
اے خدا ! جو دیا، دیا تو نے

بہت خوب جناب۔۔۔