بیت بازی

اس بےوفا کا شہر ہے اور ہم ہیں دوستو
اشکِ رواں کی لہر ہے اور ہم ہیں دوستو

 

وہ کہ خوشبو کی طرح پھیلا تھا میرے چار سو
میں اسے محسوس کر سکتا تھا چھو سکتا نہ تھا

 

ابھی خرید لیں گے دنیا کہاً کہ مہنگی ھے
مگر ضمیر کا سودہ برا سا لگتا ھے​

 

اس شہر میں کس سے ملے، ہم سے تو چھوٹیں محفلیں
ہر شخص تیرا نام لے، ہر شخص دیوانہ تیرا ۔۔۔۔۔۔۔

 

اس شہر بے چراغ میں جائے گی تو کہاں
آ اے شبِ فراق تجھے گھر ہی لے چلیں

 

نڈھال اہل طرب ھیں کہ اہل گلشن کے
بجھے بجھے سے یہ چہرے سنور نہ جائیں کہیں​

 

نہ گلہ کیا نہ خفا ہوئے ، یونہی راستے میں جدا ہوئے
نہ تو بے وفا نہ میں‌بے وفا، جو گزر گیا سو گزر گیا

 

انھیں غرور کہ رکھتے ھیں طاقت و کثرت
ہمیں یہ ناز بہت ھے خدا ہمارے لئے

 

یہ عالم شوق کا دیکھا نہ جائے
وہ بت ہے یا خدا دیکھا نہ جائے

 

یقیں رکھتا نہیں ہوں میں کسی کچے تعلق پر
جو دھاگہ ٹوٹنےوالاہو اس کو توڑ دیتا ہوں

 

اشکوں کی اک طرف عدیم ڈوبی ہوئی ھے چشم تر
اشکوں کی دوسری طرف ہر کوئی زیر آب ھے

 

یہ عالم شوق کا دیکھا نہ جائے
وہ بت ہے یا خدا دیکھا نہ جائے

 

یہ تمہارا چہرہ کتاب ہے،اسے پڑھ رہا ہوں ورق ورق
ذرا بات سادہ لکھا کرو،یہ محاوروں کی سطور کیا

 

یونہی بے سبب نہ پھرا کرو، کوئی شام گھر میں رہا کرو
وہ غزل کی سچی کتاب ہے اسے چپکے چپکے پڑھا کرو​

 

وہ جو ٹل جاتی رہی سر سے بلا شام کے بعد
کوئی تو تھا کہ جو دیتا تھا دعا شام کے بعد

 

دوست بن کر بھی نہیں ساتھ نبھانے والا
وہی انداز ہے ظالم کا زمانے والا

 

آستینوں پہ توجہ دے کر
تاڑلیتا ہوں کئی گھاتوں کو

 

وہ میرا دوست ہے سارے جہاں کو ہے معلوم
دغا کرے وہ کسی سے تو شرم آئے مجھے

 

یاد کر وہ دن کہ ہر یک حلقہ تیرے دام کا
انتظارِ صید میں اِک دیدۂ بیخواب تھا

غالب

 

انسان حرم میں بھی جا کے انسان نہ ہوا
پتھر صنم کدے میں گئے تو خدا ہوئے​

 

یہ رات کھا گئی ایک ایک کرکے سار چراغ
جو رہ گیا ھے وہ بجھتا ہوا سا لگتا ھے

 

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے

 

یہ کیا کہ تم ہی غمِ ہجرکے فسانے کہو
کبھی تو اس کے بہانے سنا کرو اس سے

 

یوں تو میں ہنس پڑا ہوں تمہارے لیئے مگر
کتنے ستارے ٹوٹ پڑے ایک ہنسی کے ساتھ

 

ہر تماشائی فقط ساحل سے منظر دیکھتا
کون دریا کو الٹتا کون گوھر دیکھتا

 

اب کے ہم بچھڑے تو شاید کبھی خوابوں میں ملیں
جیسے سوکھے ہوئے کچھ پھول کتابوں میں ملیں