عید میلادالنبی مبارک

فضائیں کیوں معطر ہیں یہ خوشبو کیسی آتی ہے،
گلے مل کے ہر شاخ چمن کیوں مسکراتی ہے،
ترانے مہر کے بجتے ہیں جس کو دیکھو جامد ہے،
ہیں سجدے شکر کے ہر سو ! جسے دیکھو ساجد ہے،
کسی کی آمد آمد ہے عنادل گیت گاتی ہے ،
خوشی میں شہر کی سب لڑکیاں بھی دف بجاتی ہیں،
صبا انداز سے چلتی ہے، اور پیغام لاتی ہے ،
کوئی مژدہ ہے جو ہر گوشِ گل میں کہہ سناتی ہے،
مُبارک ہو مبارک ہو شہہ کونین آئے ہیں،
نگاہیں منتظر تھیں جنکی وہ تشریف لائے ہیں۔

​