نظام الدین صاحب کا تعارف

پورا نام نظام الدین ہے اور یہ میرے نانا جان نے رکھا تھا۔ دوست احباب مجھے نظامی کے نام سے پکارتے ہیں اس لئے نظامی لقب سمجھ لیں۔ ویسے میری فیس بک کی آئی ڈی نظام الدین نظامی کے نام سے ہی ہے۔ عمر تو ایسی کچھ خاص نہیں بس 22 سال چند مہینے (یہ چند ماہ 240 ماہ کے برابر ہیں)۔ پاکستان کے شہر کراچی میں پیدا ہوا اور یہیں پر مقیم ہوں۔ تعلیم حاصل کرنا ہر انسان کا بنیادی حق ہے اور اس کو اپنا حق سمجھ کر حاصل کیا (جتنی بھی حاصل کی)۔ مشاغل کوئی خاص نہیں۔ بس جب کبھی فرصت ہوتی ہے تو سوچتا ہوں کہ کیا کیا جائے؟ اخبارات سے منسلک رہا ہوں اور موجودہ حیثیت ڈیلی ایکسپریس میں بحیثیت سینئر پروڈکشن آپریٹر کام کررہا ہوں۔ مستقبل کے عزائم کوئی خاص نہیں۔ بس اچھی گزر بسر ہوجائے یہی کافی ہے۔ اردو کے کسی اچھے فورم کی تلاش میں اس فورم سے تعارف حاصل ہوا۔۔۔۔ آگے اللہ مالک ہے۔

 

دیئے گئے لنک میں جاکر دیکھا تو تنہائی محسوس ہوئی۔۔۔۔۔ اس کو استعمال کس طرح کریں گے۔۔۔ پلیز تھوڑا سا گائیڈ کیجئے

 

اردو زبان میں معیاری بات چیت ، ایک معیاری فورم

 

تانیہ بہن کی تحریر کے مطابق ان کا یہ کہنا تھا کہ ہماری اردو پیاری اردو کے مختلف حلقوں میں چکر لگائیں اور یہ بتائیں کہ آپ کو کون سا شعبہ ذیادہ دلچسپ محسوس ہوا۔

 

بہت معیاری فورم ہے جناب۔۔۔۔۔۔ بہت مزا آرہا ہے، خاص طور پر شعر و شاعری والا حلقہ تو بہت دلچسپ ہے

 

آپ کی دلچسپی علم و ادب کے ساتھ ہے مگر آپ کو ہمارے ہاں ہنسی مزاق کی لڑیاں بھی اپنا گرویدہ بنالیں گی۔

 

انشا اللہ یہاں بھی طبع آزمائی کریں گے۔

 

​