ویلنٹائن ڈے کے بارے میں آپ کیا کہتے ہیں؟

کبھی کبھی میں سوچتا ہون کہ ہم انسانون کے پاس کتنی فرصت ہوتی ہے ، کتنا فضول پیسہ اور توانائی ہوتی ہے ، جو ہر روز ہم کوئی نہ کوئی دن منا رہے ہوتے ہیں ، حالانکہ ہم جانتے ہیں ان سے کسی کو کوئی فرق نہیں پڑتا میری مراد صرف اُن مخصوص ایام سے ہے کہ جنہیں منانا ہم نے صرف مغرب کی نقالی کرتے ہوئے اپنے لیے بھی لازم کر دیا ہے ، جن کا مقصد کچھ بھی نہیں ، یہ صرف لفظی باتیں ہیں کہ کسی مخصوص دن کچھ مخصوص جذبات کے اظہار کے لیے ایسا لازم یا کم ازکم بہتر ہوتا ہے جیسا کہ ایسی ویلنٹائن ڈے کو ہی لے لیں ، کیا اپنے جیون ساتھی یا دوست سے اظہار کے لیے سال میں ایک دن مخصوص کر لینا کسی طور بھی عقل و شعور میں آتا ہے ؟ کیا سال کے باقی دن ہم اپنی محبت کے بھرپور اظہار کے لیے اس دن کا انتظار کرتے رہتے ہیں ، ایسا نہیں ہیں ہر انسان جو کہ دل و جذبات رکھتا ہے وہ اپنے جیون ساتھی یا دوست سے اپنے دل محبت کا اظہار ہر روز ، ہر وقت کر سکتا ہے بلکہ کرتا ہے ، کوئی ذی شعور اس کے لیے سال بھر کا انتظار نہیں کرتا ، ہر دن کو یوم محبت ، یوم چاہت اور یوم تشکر کے طور پر منایا جاسکتا ہے اور اس کے لیے ضروری نہیں کہ ہر روز مہنگے یا سستے تحفے لیے اور دئیے جائیں ، مسکراہٹ سے بڑا تحفہ اور کیا ہے ، چاہت سے بڑا جذبہ کیا ہے ، جب دل کرے اپنے دوست یا ساتھی کو مسکرا ہٹ اور چاہت کا تحفہ دے دیں ، ایک پیاری سی میٹھی سی بات کہہ دیں ایک شوخ سی شرارت ، ایک دلکش سی نظر اور اگر دور ہیں تو ایک چلبلا سی برقی پیغام ۔ ۔ ۔ ہر روز یوم محبت ، ہر لمحہ لمحہِ تشکر ۔ ۔ ۔ سو ہم کیوں ان غیر سی رسموں کے قیدی بنیں ۔ ۔ ۔

 

ہر وہ عمل جو مشرقی روایات کے خلاف ہے (یہاں ہم کسی بھی مذہب کی بات نہیں کر رہے ) ہمارے معاشرے میں بے حیائی کا سبب بنا ہے ۔ ۔ ۔ سو محض یہی ایک دن ہی نہیں بلکہ ذرا اپنے ارد گرد نظر ڈالیئے ہم نے اپنے گھروں کے اندر ہی بے حیائی کا ایسا ایسا سامان کر رکھا ہے کہ اللہ کی پناہ ۔ ۔ ۔

 

مغرب کی ہر بات یا ہر شے غلط نہیں مگر مغرب کی ہر بات اور ہر شے کو درست سمجھ لینا درست نہیں ہے ۔ ۔ ۔ اسی طور مشرق کی ہر بات یا ہر شے درست نہیں مگر مشرق کی ہر بات اور ہر شے کو غلط سمجھ لینا بھی درست نہیں ہے ۔ ۔ ۔

 

ہمیں اپنے تہواروں کی طرف آنا چاہئے
ساری دنیا میں تہوار خوش و خروش سے منائے جاتے ہیں
ہماری بسنت اور میلے ٹھیلے ماضی کا حصہ بنتے جارہے ہیں

 

وہ پنجابی تہوار کے حوالے کہہ رہے ہیں ۔

 

بسنت بیساکھی خالص دیسی تہوار ہیں

 

آپ ! وہی بات کیوں پوچھتے ہیں ۔ ۔ ۔ ۔