سپین فٹبال کا ورلڈ چیمپین بن گیا۔ ہالینڈ کو 1-0 سے شکست

اسپین کے سر فٹ بال کی بادشاہی کا تاج سج گیا، سنسنی خیز مقابلے کے بعد ہالینڈ کو شکست ​

جوہانسبرگ ( جنگ نیوز) ورلڈ کپ فٹبال ٹورنامنٹ کے فائنل میں اسپین نے سنسنی خیز مقابلے کے ہالینڈ کو ایک صفر سے شکست دے کر فٹبال کی بادشاہی کا تاج اپنے سر پر سجا لیا۔ فائنل میچ کے 116 ویں منٹ میں اسپین کے کھلاڑی انیستا نے خوبصورت گول اسکور کیا ۔ سنسنی خیز مقابلے کے دوران دونوں ٹیموں کی جانب سے بہت زیادہ فاؤل پلے کا مظاہرہ کیا گیا اور ریفری نے متعدد کھلاڑیوں کو یلو کارڈ دکھائے۔ سخت مقابلے کے باعث پہلے ہاف میں دونوں ٹیمیں کوئی گول نہ کرسکی ۔ پہلے ہاف میں ہالینڈ کی ٹیم کو گول کرنے کے یقینی مواقع ملے وہ اس سے فائدہ نہیں اُٹھا سکی ۔ اس موقع پر اسپین کے گول کیپر نے بہترین کارکردگی کا مظاہر ہ کرئے ہوئے کئی گول بچائے۔ دوسرے ہاف میں کھیل کا آغاز تیز ہوا اور دونوں ٹیموں نے ایک دوسرے پر کئی تابڑتوڑ حملے کئے ۔ دوسرے ہاف میں اسپین کو گول کرنے کے کئی مواقع ملے لیکن وہ اس کا فائدہ نہیں اُٹھا سکی۔ تاہم کوئی بھی ٹیم مقررہ وقت میں گول نہ کرسکی اور دونوں ٹیموں کو اضافی 30 منٹ دیئے گئے۔ ہالینڈ کی ٹیم کو تیسری بار ورلڈ کپ فٹبال ٹورنامنٹ کے فائنل میں شکست کا سامنا کرنا پڑا ہے جبکہ اسپین کی ٹیم پہلی بار فٹبال کی عالمی چیمپئن بن گئی ہے۔ یاد رہے کہ سپین گذشتہ سال فٹ بال کا یورپین چیمپین بھی ہے۔


جنگ سپورٹس نیوز

 

جواب: سپین فٹبال کا ورلڈ چیمپین بن گیا۔ ہالینڈ کو 1-0 سے شکست

وسیم بھائی اس شیئرنگ کا شکریہ

 

جواب: سپین فٹبال کا ورلڈ چیمپین بن گیا۔ ہالینڈ کو 1-0 سے شکست

واقعی میں بہت فاؤٕئلز پلے کیے ہالینڈ نے ، لیکن سپینین ڈیزرو کرتے تھے ، سو وہ جیت گئے ۔ سپین کو جیت کی خوشیاں مبارک ، اور وسیم بھائی آپ کو پوسٹ کی ۔ :86:

 

جواب: سپین فٹبال کا ورلڈ چیمپین بن گیا۔ ہالینڈ کو 1-0 سے شکست

شکریہ وسیم جی اس شئیرنگ کے لئے ، سپین کی جیت کے ساتھ ہی ورلڈ کپ کا ہنگامہ بھی اپنے اختتام کو پہنچا ، جرمنی کے ہارنے کے بعد میری ہمدردیاں سپین کے ساتھ تھیں جبکہ باقی گھر کے لوگ ہالینڈ کے ساتھ تھے، جس کی وجہ سے کل کا میچ دیکھنے کا ایک اپنا لطف تھا

 

جواب: سپین فٹبال کا ورلڈ چیمپین بن گیا۔ ہالینڈ کو 1-0 سے شکست

یہ فٹبال کی بابا آکٹوپس کی پیش گوئی درست ثابت ہوئی۔