روزانہ ایک حدیث شریف

ابی داود
جابر (رض) سے روایت ہے رسول اللہ (ص) نے فرمایا
" اللہ تعالی کے چہرے کا واسطہ دے کر جنت کے سوا کچھ نہ مانگا جائے "

 

جامع ترمذی
ابی بن کعب (رض) سے روایت ہے کہ رسول اللہ (ص) نے فرمایا
" ہوا کو گالی مت دو ، جب تم ناپسندیدہ دیکھو تو یہ دعا پڑھو :
اے اللہ ! ہم تجھ سے اس ہوا اور جو اس میں ہے اور جس کا اسے حکم دیا گیا ، اس کی بہتری اور بھلائی کا سوال کرتے ہیں اور ہم اس ہوا کے شر اور جو اس کے اندر شر ہے اور جس شر کا اسے حکم دیا گیا ہے ، اس سے تیری پناہ مانگتے ہیں "

 

صحیح مسلم
عبداللہ بن عمر (رض) نے فرمایا اس ذات کی قسم جس کے ہاتھ میں عبداللہ بن عمر کی جان ہے اگر کسی کے پاس احد پہاڑ کے برابر بھی سونا ہو اور وہ اسے اللہ کی راہ میں خرچ کردے تو اس کا یہ عمل اللہ کے ہاں اس وقت تک قبول نہ ہوگا جب تک کہ وہ تقدیر پر ایمان نہ لائے ، پھر انھوں نے اپنی اس بات پر بطور دلیل نبی (ص) کا یہ ارشاد پیش کیا
" ایمان یہ ہے کہ تو اللہ تعالی ، اس کے فرشتوں ، اس کی کتابوں ، اس کے رسولوں ، قیامت کے دن اور تقدیر کی بھلائی اور برائی پر ایمان لائے "

 

رسول اللہ صلى اللہ علیہ وسلم فرماتے ہیں:​

اللہ اس بندے پر رحم فرمائے جو عصر سے قبل چار رکعتیں پڑھتا ہے۔
ترمذی: 430​

​

 

صحیح مسلم
ابوہریرہ (رض) سے روایت ہے رسول اللہ (ص) نے فرمایا
" اللہ تعالی فرماتا ہے اس سے بڑا ظالم کون ہوگا جو میری تخلیق جیسی تخلیق کرنے کی کوشش کرتا ہے ایسے لوگ ایک ذرہ ، ایک دانہ یا ایک جو ہی بنا کر دکھلائیں "

 

رسول اللہ صلی اللہ علیہ وسلم نے فرمایا
جو شخص قرآن پڑھتا ہے اور قرآن پڑھنے میں مہارت رکھتا ہے وہ بزرگ پاکباز فرشتوں کے ساتھ ہو گا
اور جو شخص قرآن پڑھتا ہے اور بڑی مشکل سے پڑھ پاتا ہے
پڑھنا اسے بہت شاق گزرتا ہے تو اسے دہرا اجر ملے گا

سنن ابن ماجہ
حدیث نمبر: 3779
​

 

صحیح بخاری ۔۔۔ صحیح مسلم
ابو ہریرہ (رض) سے روایت ہے ، میں نے رسول اللہ (ص) کو فرماتے سنا
" قسم ، اشیاء کی فروخت کا ذریعہ تو ہے مگر اس سے برکت اٹھ جاتی ہے "

 

صحیح مسلم
جندب بن عبداللہ البجلی (رض) سے روایت ہے کہ رسول اللہ (ص) نے فرمایا
" ایک آدمی نے کہا : اللہ تعالی کی قسم ، اللہ تعالی فلاں شخص کی مغفرت نہیں کرے گا ۔ تو اللہ تعالی نے فرمایا : یہ کون ہوتا ہے جو میری قسم کھا رہا ہے کہ میں فلاں کی مغفرت نہیں کرونگا ، میں نے اس کی مغفرت کردی اور تیرے اعمال ضائع کردیے ہیں "

 

حضرت انس رضی اللہ تعالٰی عنہ نےبیاں کیا کہ رسول اللہ صلى الله عليه وسلم نے فرمایا. قیامت (اس وقت تک )قائم نہ ہو گی یہاں تک کہ لوگ مسجدوں(تعمیر)میں ایک دوسرے پر فخر کرین گے-(ترمزی کے سواپانچوں نے روایت کیا ہےاور ابن خزیمہ نے صحیح قرار دیا ہے

 

ابی داود
جبیر بن مطعم (رض) کہتے ہیں ایک بدوی نے نبی (ص) کی خدمت میں آکر شکایت کی کہ یا رسول اللہ ! جانیں تلف ہوگئیں ، بچے بھوک سے بلکنے لگے اور مویشی مرنے لگے آپ ہمارے لیے اپنے رب سے بارش کی دعا فرمائیں ۔ ہم اللہ تعالی کو آپ کے پاس اور آپ کو اللہ تعالی کے حضور سفارشی کے طور پر پیش کرتے ہیں ۔
آپ نے بار بار سبحان اللہ ، سبحان اللہ پڑھا ، آپ بدستور سبحان اللہ پڑھتے رہے یہاں تک کے اس کا اثر صحابہ اکرام کے چہروں پر ظاہر ہونے لگا ۔ پھر آپ نے فرمایا :
تجھ پر افسوس ! کیا تو جانتا ہے کہ اللہ کیا ہے ؟ ، اللہ تعالی کی شان اس سے کہیں بلند تر ہے ۔ اسے کسی کے سامنے سفارشی کے طور پر پیش نہیں کیا جاسکتا ۔

 

*گھو نگھرو کی مذمت *
ابو بکر بن موسیٰ کہتے ھیں کہ میں سالم بن عبد اللّه بن عمر کے ساتھ تھا کہ ام البنین کا ایک قافلہ گزرا اس سے گھنٹیوں کی آواز آ رہی تھی نبی علیه السلام نے فرمایا : فرشتے اس قافلے کے ساتھ نہیں ہوتے جس کے ساتھ گھونگرو (اور چھوٹی گھنٹیاں) ھوں ۔ ان لوگوں (کے قافلے ) میں بہت سارے گھونگھروں ھیں
( silsila saheeha 2162)
​

 

سوتے وقت کے اذکار

"اللَّهُمَّ باسمِكَ أحْيَا وباسمِكَ أمُوتُ"

"اے اللہ !میں تیرے ہی نام کے ساتھ زندہ رہتا ہوں، اور تیرے ہی نام کےساتھ مرتا ہوں"
(بخاری ،مسلم)
​

 

ابی داود
۔۔۔۔۔۔۔۔۔۔۔۔۔۔۔۔۔۔۔۔۔۔۔
عبداللہ بن شخیر (رض) کہتے ہیں
" میں بنو عامر کے ایک وفد کے ہمراہ رسول اللہ (ص) کی خدمت میں حاضر ہوا تو ہم نے کہا : آپ ہمارے سید ہیں ۔
آپ نے فرمایا : السید تو صرف اللہ تعالی ہے ۔
پھر ہم نے کہا : مقام و مرتبہ کے لحاظ سے آپ ہم سب سے برتر ، افضل اور بہت زیادہ احسان کرنے والے ہیں ۔
آپ نے فرمایا : یہ اور اس قسم کے جائز و مناسب بات کہہ سکتے ہو ، خیال رکھنا کہ کہیں شیطان تمھیں اپنے جال میں نہ پھنسالے ۔ "

 

رسول اللّه صلی اللّه علیه وسلم نے فرمایا :
جب کوئی آدمی مسجد میں پڑھ لے تو اسے چاہیے کہ وہ اپنے گھر کے لئے بھی کچھ نماز کا حصہ رکھے یقیناً اس نماز کی وجہ سے اللّه تعالیٰ اس کے گھر میں برکت ڈال دیگا
( صحیح مسلم778 )​

 

صحیح مسلم
ابن عمر (رض) سے روایت ہے رسول اللہ (ص) نے فرمایا
" اللہ قیامت کے دن آسمانوں کو لپیٹ کر اپنے داہنے ہاتھ میں پکڑے گا اور فرمائے گا : میں بادشاہ ہوں ، کہاں ہیں جنہوں نے دنیا میں خود کو سرکش اور متکبر سمجھا ؟ ۔ پھر ساتوں ساتوں زمینوں کو لپیٹ کر اپنے بائیں ہاتھ میں لے لے گا اور فرمائے گا : میں بادشاہ ہوں ، کہاں ہیں جنہوں نے دنیا میں خود کو سرکش اور متکبر سمجھا ؟ "

 

رسول اللہ (ص) نے فرمایا :
" جس شخص سے بھی کوئی گناہ سرزد ہوجائے پھر وہ خوب اچھی طرح وضو کرے دو رکعت نماز پڑھ کر اللہ تعالی سے مغفرت مانگے اللہ تعالی اس کی مغفرت فرما دیتے ہیں "
( سنن ابو داؤد ، سنن ابن ماجہ ، جامع ترمذی )

 

رسول اللہ (ص) نے فرمایا :
"جب تو اپنے بستر پر جائے تو آیۃ الکرسی آخری آیت تک پڑھ لے اللہ کی طرف سے ایک فرشتہ تیری نگرانی کرے گا اور صبح تک شیطان تیرے پاس نہیں آئے گا "
( صحیح بخاری )

 

حضرت ابو ایوب رضى الله عنه سے روایت ہے
کہ ایک شخص نے رسول اللہ صلى الله عليه وسلم سے کہا : مجھے ایسا عمل بتائیے جسے کرنے سے میں جنت میں چلا جاؤں ؟ تو آپ ا نے فرمایا :” اللہ ہی کی عبادت کرتے رہو اور اس کے ساتھ کسی کو شریک مت بناؤ، اور فرض نماز پابندی سے ادا کرتے رہو ، اور زکاة ادا کرتے رہو اور صلہ رحمی کرتے رہو“ [ متفق علیہ ]​

 

مطلب کے وہ کفروں کی طرح ہمشہ ہمشہ کے لیں دوزخ میں نہیں رہے گا ،، وہ اپنی نافرمانیوں کی سزا پا کر ہمشہ ہمشہ کے لیں جنت میں جائے گا ،،

 

حضرت عائشہ (رض) سے روایت ہے رسول اللہ (ص) نے فرمایا :
" جو آدمی بیٹیوں کے ساتھ آزمایا گیا پھر اس نے ان پر صبر کیا تو وہ اس کے لئے جہنم سے پردہ ہونگی "
( جامع ترمذی )

 

رسول اللہ (ص) نے فرمایا :
" جب نماز پڑھ چکو تو اللہ کی اس طرح حمد و ثناء بیان کرو جیسا کہ اس کا حق ہے ، پھر مجھ پر درود بھیجو اور پھر اس سے دعا کرو ۔ ۔ ۔ اے نمازی دعا کرو قبول کی جائے گی "
( جامع ترمذی )

 

رسو اللہ (ص) نے فرمایا :
" علم حاصل کرنا ہر مسلمان پر فرض ہے "
( صحیح مسلم ، سنن ابن ماجہ )

 

رسول اللہ (ص) نے فرمایا :
" جب تم میں سے کوئی مسجد میں جائے تو دو رکعتیں بیٹھنے سے پہلے پڑھ لے "
( سنن نسائی )

 

حضرت ابو ہریرہ (رض) سے روایت ہے رسول اللہ (ص) نے فرمایا :
" مرض کا ایک دوسرے کو لگنا ، شگون لینا ، ہامہ اور صفر کوئی چیز نہیں "
( صحیح بخاری )

 

حدیث میں ارشاد ہے
البسوا من ثیابکم البیاض فانہا خیر ثیابکم، وکفنوا فیہا موتاکم (ابو داؤد، ترمذی)
تم اپنی پوشاک میں سفید کپڑوں کو پہنو کیونکہ یہ تمہارے بہترین کپڑوں میں ہے، اور اسی سفید کپڑوں میں اپنے مردوں کو دفن بھی کرو​

 

حضرت امام حسین رضی اللہ عنہ حضورپرنور صلی اللہ علیہ وسلم کا ارشاد نقل کرتے ہیں
کہ حضور صلی اللہ علیہ وسلم نے فرمایا کہ تم جہاں کہیں بھی ہو مجھ پر درود شریف پڑھتے رہا کرو۔ بیشک تمہارا درود شریف مجھ تک پہنچتا رہتا ہے۔ - ​

 

حضرت معاذ بن جبل (رض) بیان فرماتے ہیں کہ رسول اللہ (ص) نے ارشاد فرمایا :
" جو بندہ بھی رات کو باوضو سوئے پھر رات میں اچانک اس کی آنکھ کھلے اس وقت وہ دنیا یا آخرت کی جو چیز بھی مانگے گا اللہ تعالی اسے ضرور عطا فرمائیں گے "
( سنن ابن ماجہ )

 

حضرت انس بن مالک (رض) روایت کرتے ہیں رسول اللہ (ص) نے فرمایا کہ :
" کبیرہ گناہوں میں سب سے بڑے گناہ یہ ہیں ، اللہ کے ساتھ کسی کو شریک بنانا اور جان کو قتل کرنا اور والدین کی نافرمانی کرنا اور جھوٹ بولنا ۔ یا فرمایا کہ جھوٹی گواہی دینا "
( صحیح بخاری )

 

سیدنا جابر بن عبد اللہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا:
(افضل ترین ذکر لا الہ ا لا اللہ اور افضل ترین دعا الحمد للہ ہے)​