اپنی لگن لگادے، مولا، اپنی لگن لگادے ( مظفر وارثی)

اپنی لگن لگادے، مولا، اپنی لگن لگادے
دل سے کالا نقطہ نوچ کے اجلی کرن لگادے
اپنی لگن لگادے
​

تیری جانب کھلنے والے در کھل جائیں مجھ پر
سارے منظر سارے پس منظر کھل جائیں مجھ پر​

روح کے اندر باہر آنکھوں کی انجمن لگادے
اپنی لگن لگادے، مولا، اپنی لگن لگادے​

​

اپنی تنہائی کے حلقے میں مصروف رہوں میں
چپ رہ کر بھی تیرے ذکر میں ہی مصروف رہوں میں
میری خاموشی کو گویا قفلِ سخن لگادے
اپنی لگن لگادے، مولا، اپنی لگن لگادے​

​

میں قطرہ ہوں دریا میں گر کر قطرہ ہوجاؤں
کھوج نہ اپنا لگا سکوں تجھ میں ایسا کھو جاؤں
ہر دم اپنے دھیان کی دھن میں میرا بھی من لگادے
اپنی لگن لگادے، مولا، اپنی لگن لگادے​

​

مجموعہِ حمد : الحمد​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین