عمرخیام کے ساتھ ساتھ

میں کوئی جان بوجھ کے غائب تھوڑی ہوتا ہوں ، بس زندگی کے ہنگاموں میں گم ہوجاتا ہوں ۔ آپ تو جانتے ہیں کہ روزمرہ کی زندگی کی مصروفیات کی گرد اور دھند اتنی ہوتی ہے کہ زیادہ دور نہ ہوتے ہوئے بھی آپ کو کوئی سمت سجھائی نہیں دیتی ۔ اور یوں لگتا ہے جیسے آپ بہت دور نکل گئے ہیں ۔

 

تحریر اچھی ہے ،، بس کہیں کہیں پر جھول ہے ۔۔
لیکن اچھا لگا پڑھ کر ۔۔ آسان اردو میں لکھی تحریر پڑھنے میں مزہ آتا ہے ۔۔

 

میں گرمیوں میں ان کاموں میں بزی ہوتا ہوں ۔ کرکٹ کاسیزن ختم ہوچکا ہے اور اس کے ساتھ ساتھ تمام فالتومصروفیات بھی ختم۔ امید ہے کہ اب یہاں ہماری اردو اور گھر میں زیادہ وقت دیا کروں گا۔

 

پچھلے سال میری ٹیم نے مجھے اپنا کپتان بنا دیا (زبردستی) ۔ ہم تمام میچ جیتے اور فائنل ہار گئے اور ہارے بھی ایسے کہ جس طرح حال ہی میں کھیلی جانے والی سیریز میں پاکستان ناٹنگھم میں انگلینڈ سے تیسرا میچ ہارا ۔ (یعنی بہت بری طرح سے ۔ خود تو انہوں نے رنز کے ڈھہر لگا دیئے اور ہمیں سستا آؤٹ کردیا ) ۔۔
ہم سال میں دو ٹورنامنٹ کھیلتے ہیں ۔ ایک چھوٹا ٹورنامنٹ رمضان سے پہلے اور دوسرا رمضان کے بعد ۔ رمضان سے پہلے ہم سب فارم میں تھے اور جیت گئے ۔
لیکن رمضان کے بعد دو اہم کھلاڑی ٹیم چھوڑ کے دوسری ٹیموں میں چلے گئے ۔ وجہ یہ کہ چونکہ سبھی کھلاڑی اچھی فارم میں تھے اس لیے ان کو اپنے جوہر زیادہ دکھانے کا موقعہ نہیں ملا ۔ میں خود اپنی ٹیم کا اہم ترین کھلاڑی نہیں ہوں بس خانہ پری کے لیے استعمال ہوتا ہوں ۔ کبھی کبھی ایک دو اوور کرا لیتا ہوں اور ایک آدھ بار اچھی بیٹنگ بھی ہوجاتی ہے ۔ لیکن اب ان دو کھلاڑیوں کے جانے سے مجھے ہر میچ میں بولنگ کا سارا کوٹا پورا کرنا پڑا ۔ نتیجہ یہ کہ ٹورنامنٹ کے خاتمے پر میری وکٹیں سب سے زیادہ ہیں اور بہترین بولر کا ایوارڈ ملا ۔ بیٹنگ میں بھی بہت سی اچھی اننگز کھیلنی پڑیں ( کپتان جو تھا ، ذمہ داری کا بوجھ اٹھانا پڑا)۔ فائنل یہ بھی ہار گئے لیکن اس بار بہت معمولی فرق سے ہارے ۔ ٹورنامنٹ کے بہترین کھلاڑی کا ایوارڈ بھی مل گیا ۔
فائنل ہم اکثر ہار جاتے ہیں ۔۔۔ چھ سال میں کوئی آٹھ دس دفعہ فائنل میں پہنچے ہوں گے ۔ جیتے صرف دو دفعہ ہیں ۔ باقی سب ۔۔۔۔۔۔۔۔۔۔۔ ہار گئے ، کبھی آرام سے اور کبھی بس ذرا سے مارجن سے ۔۔ جو آرام سے ہارے ان میں شرمندگی زیادہ ہوئی اور جو ذرا سے مارجن سے ہارے ، وہ تکلیف دہ بہت تھے ۔

 

آپ کے دونوں جواب درست ہوئے۔ الیکٹرا آپ کا ہوا ۔
پہلی تصاویر ویآنا کی ہیں اور بعد والی روم ( اٹلی) کی ۔
جو چار تصاویر کچھ دن پہلے لگائی تھیں ان میں پہلی دو وینس کی تھیں اور آخری دو فلورنس کی ۔

 

جی آج کل انگلینڈ یو کے میں

 

فروری کے آخر میں اور مارچ کے اوائل میں ، میں پاکستان میں ہوں گا۔ ملاقات کی کوئی راہ نکل سکتی ہے تو مجھے خوشی ہوگی ۔ خاص طور پر مارچ کے پہلے ہفتے میں ۔۔۔۔

 

ویآنا میں گھومتے ہوئے مانوس آوازیں سنائی دیں ۔ موڑ مُڑ کر دیکھا تو کچھ اپنے لوگ نعرے لگاتے ہوئے، چھ سات پولیس والوں اور والیوں کے جلو میں جلوس کی شکل میں کشمیر میں بھارتی مظالم کے خلاف مظاہرہ کررہے تھے۔ ہم بھی کچھ دیر ساتھ چلے اور لہو لگا کے شہیدوں میں شامل ہونے والی مثال پر عمل کیا۔ سٹیٹ اوپیرا کی عالیشان عمارت کے سامنے یہ جلوس رک گیا اور روایتی تقریروں کا سلسلہ شروع ہوا ۔

 

روم شہر کے عین مرکز میں مشہور تریوی کا فوارہ ہے ۔
اس فوارے کے بارے میں مشہور ہے کہ اس میں ایک سکہ پھینکو تو آپ کا روم میں دوبارہ آنا ہوتا ہے ۔ یعنی اگر آپ روم میں پھر سے آنے کی خواہش رکھتے ہیں تو اس میں ایک سکہ پھینکیں ۔ ہمارے ساتھ لاہور کی ایک خاتون تھیں ، اس نے بتایا کہ پچھلے سال بھی وہ روم میں آئی تھی اور اس نے ایک سکہ پھینکا تھا اور دیکھ لو اس سال پھر آگئی ہوں ۔
دو سکے پھینکنے سے محبت کرنے والوں کی شادی ہوجاتی ہے ۔ یعنی دو سکے پھینکیں تو جس سے آپ شادی کی تمنا دل میں پال رہے ہیں اس سے شادی ہوجائے گی ۔
لیکن تیسرا سکہ سوچ سمجھ کے پھینکیں کیونکہ روایت کے مطابق تیسرا سکہ پھینکیں تو ایک نئی محبت نصیب ہوتی ہے ۔ اگر پہلے سے ہی آپ کسی کی محبت میں مبتلا ہیں اور اس کی شادی کے نام کا سکہ ابھی ابھی پھینکا ہوتو خدشہ ہے کہ تیسرے سکے کی بدولت شادی سے پہلے ہی آپ ایک نئی محبت میں گرفتار ہوجائیں ۔ ۔۔۔ اور شادی کے سہرےکے پھول اور چھوارے بن کھلے اور بن کھائے مرجھا جائیں ۔
سکے پھینکنے کا بھی ایک مخصوص طریقہ ہے ۔ کنارے کھڑے ہوکے فوارے کی طرف پیٹھ کرکے دائیں ہاتھ سے سکہ بائیں کندھے کے اوپر سے پھینکیں ۔
میں نے ایک سکہ پھینکا تھا ۔ اور وہ بھی ایسے ہی پھینک دیا تھا جیسے تالاب کنارے کھڑے ہو کے بطخوں کو پرانی ڈبل روٹی کے ٹکڑے ڈالتے ہیں ۔
دو سکے ڈالنے کی ضرورت نہیں اور تیسرے کی ہمت نہیں ۔

 

مڈلینڈز میں
آپ ان باکس میں اپنا نمبر بھیج دیں ۔

 

پاکستانی بھائی ۔ میرپور شہر کے کسی سیکٹر میں نہیں بلکہ ضلع میرپور کے ایک گاؤں میں ۔
۔۔۔۔۔ ضلع میرپور کئی لحاظ سے ایک منفرد مقام کا حامل ہے ۔ یہ شاید واحد ضلع ہے جس کا آدھے سے زیادہ رقبہ زیرآب ، اور آدھے سے زیادہ آبادی بیرون ملک آباد ہے ۔
۔۔۔۔ ہمارا خاندان ہمیشہ سے میرپور میں سکونت پذیر نہیں ہے اور نہ ہی میرپور ہمیشہ سے ریاست جموں و کشمیر کا حصہ ہے۔

 

بھائی کیوں مخلص انسان عرف پہلا ، دوسرا، تیسرا اور آخری انسان کے زیرعتاب لانے کے درپے ہیں ۔ وہ اعتراض کریں گے کہ ذاتی پتہ یا نمبر دینے پر فورم میں پابندی ہے اور یہ دو یوزرز اس کی کھلم کھلا خلاف ورزی کررہے ہیں ۔ ان کے خلاف تادیبی کاروائی ہونی چاہیے ۔ ( مذاق)
آپ کہاں کے ہیں ؟ یعنی کس گاؤں سے یا علاقے سے ؟ شاید میں اس علاقے سے واقف ہوں ۔ ))

 

میں نے کہا نا تھا کہ میرپور ایک چھوٹا سا ضلع ہے جس کا آدھے سے زیادہ رقبہ زیر آب اور آدھے سےزیادہ لوگ غیر ممالک میں آباد ہیں ۔
پہلی بات یہ کہ آپ کسی کا بھی نام لیں ۔ قوی امید ہے کہ آپ اس کو ضرور جانتے ہوں گے ۔
اور اگر نہیں جانتے توکسی ایسے شخص سے ضرور واقف ہوں گے جو اس کو جانتا ہوگا ۔