مظفر وارثی

جو روشنی حق سے پھوٹ کر جس بن گئی ہے ، وہی نبی ہے
<center>تمام تخلیق کا جو کردار مرکزی ہے ، وہی نبی ہے</center>
وجودِ آدم سے تابہ عیسی ہر اک زمانہ ہے مبتدی سا
<center>صدی صدی جس کے عہد سے درس لے رہی ہے ، وہی نبی ہے</center>
خدا کی رحمت ہے نام اس کا ، فلاح انساں پیام اس کا
<center>ڈھلی ہوئی اس پیام میں جس کی زندگی ہے ، وہی نبی ہے</center>
بشر ہے وہ یا کلام میں باری میں میں اس کی ہر اک ادا کا قاری
<center>تمام قرآن کی جو تصویر معنوی ہے ، وہی نبی ہے</center>
بسائی دنیائے اندرونی ، بنی مسیحا نگاہ خونی
<center>درستی تقشہ خیالات جس نے کی ہے ، وہی نبی ہے</center>
جو اس گلی کے ایاز ٹھہرے وہ لوگ تاریخ ساز ٹھہرے
<center>کمال سالاری جہاں جس کی پیروی ہے ، وہی نبی ہے</center>
قدم نشان قدم سے بالا ، وجود اس کا عدم سے بالا
<center>جو اول کائنات ہوکر بھی آخری ہے ، وہی نبی ہے</center>
نہ صرف وہ اس جہاں سے گزرا ، وہ آسماں آسماں سے گزرا
<center>نگاہ سائنس داں بھی جس پر لگی ہوئی ہے ، وہی نبی ہے</center>
جو کوئی امرت بھی دے نہ چکھنا ، لگن مظفر اسی کی رکھنا
<center>سنوار دی جس نے تیری دنیا و دیں وہی نبی ہے ، وہی نبی ہے</center>

 

درد ان کا محبت کے بازار سے اپنا دل اپنی جاں بیچ کر لے لیا
<center>چاند سورج ، مرے بام و در ہوگئے ان کے قدموں میں جس دن سے گھر لے لیا</center>
میرا دل مصطفی ، میرا غم مصطفی ، میرا سب کچھ خدا کی قسم مصطفی
<center>قبر کے واسطے ، حشر کے واسطے چاہیے جتنا رخت سفر لے لیا</center>
آئے جب وہ تمناوں کے غول میں ۔ کائنات آگئی میری کشکول میں
<center>اک نظر صرف انہیں دیکھنے کے لئے ساری دنیا کا حسنِ نظر لے لیا</center>
سلطنت سے بھی اعلی گدائی ملی ، ان کا قیدی ہوا تو رہائی ملی
<center>رحمتوں کی سفارش پہ تقدیر نے میرا ہرایک جرم اپنے سر لے لیا</center>
کچھ نہ کچھ ہم بھی ہیں ان کی دانست میں ، نام اپنا بھی ہے ان کی فہرست میں
<center>اب نہ توکے گا رضوان جنت ہمیں ان سے پروانہ رہگزر لے لیا</center>
زندگی جب سے اپنی ٹھکانے لگی ، یاد جب سے محمد کی آنے لگی
<center>تشنگی حوض کوثر پہ جانے لگی ، معصیت نے بھی جنت میں گھر لے لیا</center>
ان کی کملی مظفر اٹھا کر چلوں ، خاکِ پا پتلیوں پر اٹھا کر چلوں
<center>قتل گاہوں میں بھی سر اٹھا کر چلوں ، حوصلہ ان سے ایسا نڈر لے لیا</center>

 

مری دھوپ تم مری چھاوں تم مری سوچ تم میرا دھیان تم

تمہی تم ہو میرے وجود میں مرا حسن تم مری شان تم​

غم ہجر و شوق وصال پر ، مرے عشق کے خدوخال پر

مرے خواب میرے خیال پر، مرے حال پر نگران تم​

مجھے تم ملے تو خدا ملا ، اور اسی سے اپنا پتہ ملا

یہ سرا ملا وہ سرا ملا ، یہ جہاں تم وہ جہاں تم​

میں رہوں تمہارے علم تلے ، مرا دل تمہارے قدم تلے

مرا آسمان حرم تلے، مرا امن میری امان تم​

کسی آئینے کا میں کیا کروں ، میں تمہارا چہرہ پڑھا کروں

جو خدا کہے وہ کہاں کروں ، ہمہ دین تم ہمہ دان تم​

تمہیں چاہتی ہے مری انا ، میں فقط تمہارے لیے بنا

میں تمہارے نام پہ ہوں فنا مری زندگی کا نشان تم​

ملی تم روشنی ہنر ، مری شاعری کی ہوں تم سحر

پس نطق بھی تمہی جلوہ گر ، مرا لہجہ مری زبان تم​

 

میں تھا مگر نہیں تھا ، پہنچا جو اس گلی تک

بکھرا ہوا پڑا ہوں ، دل سے در نبی تک​

اس در پہ جب کھڑا تھا قد سے بہت بڑا تھا

تاریک لگ رہی تھی سورج کی روشنی تک​

سینے میں چلنے والی ہر سانس تھی بلالی

چومی تھی کب وہ جالی ، سیراب ہوں ابھی تک​

جس پر نگاہ کردے عالم پناہ کردے

محلوں کے آنگنوں کو لے جائے جھونپڑی تک​

وہ صرف درمیاں ہے ، سب اس کی داستاں ہے

تخلیق زندگی ہے تہذیب آدمی تک​

کون و مکاں کی لہریں حجرے میں اس کے ٹھہریں

ہنگامہ و خموشی محدود ہیں اسی تک​

پہلی مراد بھی وہ اس کے بعد بھی وہ

وقت اس کا منتظر ہے دنیا کی واپسی تک​

ہر رت جگا ہے اس کا میلہ لگا ہے اس کا

اس زندگی ہے لے کر آئندہ زندگی تک​

ساتوں سمندروں پر ان شا اللہ مظفر

تاریخ نو لکھیں گے اکیسویں صدی تک​