ہماری اردو - انٹرنیٹ سے آگے(سلسلے ملاقاتوں کے)

وہی مناظر پھر سے آنکھوں کے سامنے گھوم گئے۔
شکریہ واصف بھائی
مزید کا انتظار ہے۔

 

کان میں داخل ہوئے تو ایک پرسرار منظر نے ہمارا استقبال کیا۔ تا حد نگاہ زرد قمقمے اور نیچے آہنی پٹڑی۔ دیواروں پر نمک اور سیلن۔ خوف تو نہیں آیا کہ سب ایک دوسرے کے سہارے اور بلند آواز میں قہقے اور خوش گپیاں لگانے میں مگن رہے۔ ٹرین کے نہ ملنے کو اختر بھائی اور ہارون بھائی کے خلاف سازش قرار دیتے ہوئے ہم آگے بڑھتے گئے۔چند ایک مقامات پر رک کر تصاویر اتاری گئیں۔آخر کار ہم اس مقام پر پہنچے جس کا نام چاندنی چوک رکھا گیا ہے۔ اس جگہ سے سیاحتی علاقے کا آغاز ہو تا ہے۔ دم لینے کے لیے یہاں بنچ بھی لگائے گئے ہیں۔ اور یہی وہ مقام ہے جہاں نہ چلنے والے ٹرین نے ہمیں اپنا دیدار کروایا۔

​

ٹرین کے نہ چلنے کی خبر کے سازش ہونے کے امکانات پر از سر نو غور کیا گیا مگر اب اس پر فقط کف افسوس ہی ملا جا سکتا تھا۔ خیر ہم تھوڑی دیر آرام اور تصاویر بنانے کے بعد چاندنی چوک سے روانہ ہوئے اور پہلا پڑاو نمک کی اینٹوں سے بنائی گئی مسجد پر ہوا۔ خوبصورت روشنیوں سے مزین مسجد ایک قابل دید شہکار ہے۔ پیدل چلنے کی وجہ سے تھکاوٹ بھی تھی اور پھر کان کے اندر خنک ماحول اور مسجد کی پرسکون فضا۔ دو صارفین جوکہ تصویر کشی پر معمور تھے ان کے سوا سب مسجد میں براجمان ہو گئے۔ بہت مشکل سے ان کو اٹھنے پر راضی کیا اور آگے کا رخ کیا۔نمک کی دیواریں اور کرسٹل دیکھتے گپ شپ لگاتے ہم آگے بڑھتے رہےاور تصویر کشی کا سلسلہ بھی جاری رہا ۔نمک سے بنا مینار پاکستان اور متعدد نمک کے تالاب دیکھتے ہم سیاحتی علاقے کے مرکز میں پہنچے جہاں ایک چائے کا مرکز اور نمک سے بنائے گئے فن پاروں کی دکان تھی۔ اسی مرکز سے ایک ذیلی گلی ہے جہاں پل صراط نام کی جگہ ہے۔ یہ نمک سے بنا ہوا ایک قدرتی پل ہے جس کے دونوں اطراف نمک کے پانی کے تالاب ہیں۔ پل صراط سے گزر کر ہم نے قدرتی طور پر بنی علامہ اقبال کی تصویر دیکھی اور واپس مرکزی حصے کی طرف آئے جہاں کچھ صارفین نمک کے بنے ہوئے لیمپ خرید رہے تھے۔ دکان سے پانی خرید کر پیا گیا اور واپسی کا سفر شروع کیا۔

چاندنی چوک پر واپس پہنچے تو ٹرین بھی واپسی کے لیے تیار تھی مگر صرف انہی مسافروں کو لے کر جا رہی تھی جو ٹکٹ لے کر ٹرین پر آئے تھے۔ کچھ منت اور کچھ سفارش کے بعد ہم میں سے کسی ایک کو وہ ساتھ لے جانے پر راضی ہو گئے اور ہم نے اختر بھائی کو ٹرین پر سوار کروا دیا اور باقی اسی طرح پیدل سفر کرتے کان سے باہر آ گئے۔

----جاری ہے----

 

بہت شکریہ جناب برائے مہربانی ایک جملے پر مزید روشنی ڈالیں ۔۔ ہم نے قدرتی طور پر بنی علامہ اقبال کی تصویر دیکھی ۔۔۔۔

 

نمک کی چٹانوں میں قدرتی طور پر علامہ اقبال کی تصویر سے مماثل نقش بنے ہوئے ہیں جس کو اقبال کی تصویر کا نام دیا گیا ہے۔ ذیل کی تصویر میں اس پر سرخ دائرہ لگا کر واضع کیا گیا ہے۔

 

بہت بہت شکریہ جناب

 

بہت ہی خوب اور زبردست۔۔۔واصف بھائی ۔۔۔ماشاء اللہ ۔۔۔جس طرح آپ روداد میں جزیات کا خیال بطور خاص رکھ رہے ہیں اور لفظوں کی صورت ہمارے مطالعہ کے لیے پیش کررہے ہیں۔۔۔۔آپ کی یاداشت اور لکھائی ۔۔۔ہردو صلاحیتوں کی تعریف بجا اور ضروری ہے۔ سو بہت سا داد قبول ہو۔۔۔۔اور مزید کا انتظار رہے گا۔

 

ایک مولوی صاحب کو مثانے کی تکلیف تھی جس کی وجہ سے انہیں بے موقع و محل رفع حاجت کے لیے جانا پڑتا تھا۔ ایک دن بہت جوش سے تقریر فرما رہے تھے کہ اچانک معاملہ زور پکڑ گیا ۔ اسی جوش خطابت میں فرمانے لگے "او ےمحمد دینا ! نعت شریف دے دو شعر پڑھیں ساڈا اودھر دا پروگرام بن گیا اے"۔ اسی طرح جب ہم کان سے باہر نکلے تو کافی لوگوں کا "اودھر دا پروگرام" بن گیا سو ہم کھیوڑہ سالٹ مائن کے ریسٹورنٹ کی طرف نکل کھڑے ہوئے۔

​

ریسٹورنٹ پر کافی رش تھا اس لیے ضروری کاموں سے فارغ ہو کر ہم نے کھانے کے لیے پنڈ دادن خان جانے کا فیصلہ کیا۔ واپسی پر کئی دکانوں پر رک کر نمک سے بنے نوادرات کا کچھ معائنہ کیا اور کچھ خریداری کی ۔ پنڈدادن خان میں ایک ہوٹل پر بیٹھ کر قومی پرندے یعنی مرغ پر ہاتھ صاف کیے اور چائے پی ۔ ابھی باتوں کا سلسلہ ختم نہیں ہوا تھا کہ ٹرین کا ٹائم ہو گیا۔ ہارون بھائی اور الکرم صاحب نے ملک وال تک ریل گاڑی میں جانا تھا۔ ان دونوں کو ریلوے اسٹیشن پر چھوڑا ۔ ایک گاڑی ملکوال کی طرف روانہ ہوئی جس میں اختر بھائی، آصف بھائی، شکور بھائی اور بلال بھائی سوار تھے جبکہ میں، ڈاکٹر آصف بھائی اور محبوب بھائی دوسری گاڑی میں واپس اسلام آباد کی طرف روانہ ہوئے۔ اس طرح ہماری یہ ملاقات اختتام پذیر ہوئی اور یادوں کا ایک خزانہ لیکر ہم اپنے اپنے گھروں کو واپس لوٹے۔


ختم شد

 

بہت زبردست جناب بہت شکریہ

 

اس قدر زبردست روداد کے لیے ۔۔۔۔۔واصف بھائی بہت بہت شکریہ۔۔۔۔۔۔۔آپ نے اس روایت کو برقرار رکھا۔۔۔۔کہ اس اکٹھ میں شامل نہ ہونے والے دوستوں تک روداد کی صورت آنکھو دیکھا اور بیتا حال لکھ کر شامل محفل کرلیتے ہیں۔

 

السلام علیکم
واصف بھائی ! واقعی آپ کا انداز بیان خود ہمیں بھی ان سہانی ملاقاتوں کا گواہ بنائے دیتا ہے ۔ شکریہ

 

ا گر غلطی سے چل بھی جاتی توجلد گھٹنے ٹیک دیتی یا بیٹھ جاتی

 

کل کوئٹہ میں نصراللہ عرف @ابو تیمور بھائی سے ملاقات ہوئی۔ نہایت تپاک سے ملے اور ایسے لگا کہ ہم پہلی مرتبہ نہیں ملے بلکہ برسوں کے ہم نوالہ و ہم پیالہ ہیں۔ وقت کی کمی کی وجہ سے مجھے جلد اٹھنا پڑا۔ انشاء اللہ ملاقاتوں کا سلسلہ جاری رہے گا۔

 

میں بھی آجاؤں

 

نیکی اور پوچھ پوچھ

 

پہلے پوچھیں میں کیوں آنا چاہتا ہوں

 

بغیر پوچھے ہی بتا دیں۔

 

نہیں پہلے پوچھیں

 

اللہ کا شکر ہے ہماری طرف مالک نے بہت ہی کرم کیا ہے

 

آپ سے چھوٹا سا گلہ رہے گا کہ آپ پروگرام بنا کر آئے۔ لیکن وقت نہیں نکال پائے۔
اس کے علاوہ مجھے بھی ایسے ہی محسوس ہوا کہ جیسے غائبانہ طور پر آپ سے بہت سی ملاقاتیں ہو چکی ہوں۔
بہرحال چھوٹی سی ملاقات نہ ہونے والی ملاقات سے بہتر ہی ہوتی ہے۔
آئندہ ملاقات اور وقت دینے کا منتظر رہوں گا واصف بھائی

 

آپ نے میرے سر سے بہت بڑا بوجھ اتار دیا ہے

 

ماشااللہ سے آپ کا پروگرام بھی بن رہا ہے محبوب بھائی کے ساتھ ساتھ

 

ڈاکٹر آصف بھائی۔۔۔۔۔گاؤں تو انشاء اللہ جاؤں گا۔۔۔۔مگر کوئٹہ شہر جانا ممکن نہیں ہے۔۔اس لیے ملاقات کی کوئی صورت سردست ممکن نظر نہیں آرہا ہے۔۔۔۔آج فیض آباد میں موجود تمام بس اڈوں سے معلوم کیا کہ کوئی ٹکٹ ملے مگر کامیابی نہیں ہوئی۔۔۔۔۔ابھی تک کوشش جاری ہے۔۔۔۔۔ممکن ہے کوئی بہتر صورت نکل آئے۔

 

کہ محبوب خود چلے جائیں گے؟ ھارون بھائی۔۔۔۔۔لگتا ہے۔۔۔۔اس جملے کو سمجھنے کے لیے بادام کھانے پڑیں گے۔

 

مجھے تو نہیں لگتا ۔۔۔کیونکہ عید کے پرمسرت موقعے پر ھارون بھائی ۔۔۔۔۔سب کچھ چھوڑ کر کیوں جائیں گے۔