خوشی کی پسندیدہ شاعری

بہت شکریہ پسندیدگی کا بڑی نوازش

 

میں جب بھی اس کی محبتوں کی صداقتوں کی کتاب لکھوں
تو سب سے پہلے اسے محمد:saw: کہوں رسالت مآب لکھوں

کروں تلاوت صحیفہ رخ کی اور اسے الکتاب لکھوں
جو خواب میں اس کو دیکھ پاؤں تو خواب کو کیسے خواب لکھوں

مرے خدا ! اپنی طبع مشکل پسند کا کیا جواب لکھوں
وہ کام جس کے نہیں ہوں قابل اسی کو کارِ ثواب لکھوں

صبا نہاؤں گلاب پہنوں تو سوچنے کی کروں جسارت
وضو کروں پہلے آنسوؤں سے تو اسمِ عالیِ جناب لکھوں

ٹھہر بھی جا اشکِ شامِ ہجراں ! ذرا اجازت دے سوچنے کی
جو خط ابھی تک لکھا نہیں ھے کوئی تو اس کا جواب لکھوں

اسی کو چاہوں اسی کو سوچوں اسی کی کرتا رہوں تلاوت
جو اذن لکھنے کا پا سکوں تو اسی کو میں بے حساب لکھوں

سرمژہ جو لرز رھے ھیں درود اور نعت کے ستارے
انھیں شفاعت کے پھول لکھوں کہ مغفرت کے گلاب لکھوں

وہی تو ھے جو الوہیت کی صفات کا مظہر اتم ھے
لکھوں تو اس کو نقاب اندر نقاب اندر نقاب لکھوں

تمام سچائیوں کا حامل وہی ھے کامل وہی ھے اکمل
اسی کو لوح وقلم اسی کو کتاب اندر کتاب لکھوں

جو حرف اب بھی اتر رھے ھیں جو اب بھی الفاظ بولتے ھیں
اسی کا حسن بیان ،حسنَ کلام، حسن خطاب لکھوں

وہی ھے نیت وہی ارادہ وہی ھے منزل وہی ھے جادہ
وہ راہبر ہو اگر سفر میں تو ہر سفر کامیاب لکھوں

دل ونظر اشک اشک دھوؤں تو اس :saw: پہ بھیجوں درود مضطر !
سجاؤں پلکوں کو آنسوؤں سے تو نعت کو آب آب لکھوں

 

صلی اللہ علیہ وآلہ وسلم ۔

جزاک اللہ ۔ بہت ہی خوبصورت نعتیہ شاعری ہے۔ ماشاءاللہ

 

سبحان اللہ ۔ سبحان اللہ ۔ سبحان اللہ
:saw: :saw: :saw:

 

بہت ہی خوب خوشی صاحبہ : کیا انتخاب پیش کیا، کہ دل سے آپ کے لیے دعا نکل رہی ہے ،

 

آپ سب کی پسندیدگی کا بہت شکریہ بڑی نوازش

دعاؤں کے لئے جزاک اللہ

 

تم اپنی داد سے شاعر کا دل بڑھاتے ہو
تمھاری داد دہی کا کوی جواب نہیں


تم اپنے جام سے اب ِ حیات پیتے ہو
تمھارے جام میں انگور کی شراب نہیں

 

واہ بہت خوب بے باک جی

 

حوصلہ تو نے دیا دکھ کی پذیرائی کا
مجھ کو اندازہ نہ تھا زخم کی گہرائی کا

خوشبوئیں پھول سے اب اذنِ سفر مانگتی ھیں
اس قدر قحط پڑا شہر میں گویائی کا

اب نگاہوں میں نہ منظر ھے نہ پس منظر
ایک الزام ان آنکھوں پہ ھے بینائی کا

سر ِدہلیز پریشان و سراسیمہ ہوں
در مقفل ہوا مجھ پر مری تنہائی کا

سلسلے ٹوٹ چکےسارے محبت کے مگر
سر سے اک ربط ھے قائم ابھی شہنائی کا

اس قدر جھوٹ رچا ھے رگ و پے میں محسن
چہرہ اب مسخ نظر آتا ھے سچائی کا

 

بہت خوب ۔ محسن نقوی کی شاعری لاجواب ہے۔

 

بہت خوب ۔۔۔۔

 

آپ سب کی پسندیدگی کا بہت شکریہ
میں پھر شاعر کا نام لکھنا بھول گئی

شاعر کا نام ھے محسن احسان

 

حوصلہ تو نے دیا دُکھ کی پذیرائی کا
مجھ کو اندازہ نہ تھا زخم کی گہرائی کا​

بہت خوبصورت،
قابلِ داد ہے یہ شعر،
شکریہ خوشی صاحبہ:hands::flor::a180:

 

بہت خوبصورت، شیرنگ ھے،
شکریہ خوشی سس ۔ ۔ ۔

 

بھلکڑی شکریہ ;)

 

بہت شکریہ بے باک صاحب

 

بہت شکریہ اقرا جی بڑی نوازش

 

محبتوں کے سفر میں نگر نہیں‌آتے
پلٹ کے اہل جنوں رہ سے گھر نہیں‌آتے

فلک ہی اس کی ہتھیلی کے خط بدل دیتا ھے
زمیں کو اپنی نمو کے ہنر نہیں‌آتے

وہ اور شے ھے وہ رعنائی جمال نہیں
سبھی جو چپکے سے دل میں اتر نہیں‌آتے

پھر اس اداس و برہنہ شجر پہ رت نے لکھا
کسی د رخت پہ اتنے ثمر نہیں آتے

جتن وہ لاکھ کریں مجھ کو بھولنے کے لئے
جمیل ڈھنگ انہیں یہ مگر نہیں‌آتے

جمیل الرحمن

 

خان جی اور خیال جی آپ 2نوں کی پسندیدگی کا بے حد شکریہ

 

خوشی بہن۔ اعلی انتخاب پر میری طرف سے شکریہ اور داد قبول کریں۔

 

بہت شکریہ زہرا جی اس پسندیدگی کا

 

وہ مہکتی پلکوں کی اوٹ سے کوئی تارا چمکا تھا رات میں
مری بند مٹھی نہ کھولئے وہی کوہ نور ھے ہات میں

میں تمام تارے اٹھا اٹھا کے غریب لوگوں میں بانٹ دوں
کبھی ایک رات وہ آسماں کا نظام دیں مرے ہات میں

ابھی شام تک مرے باغ میں کہیں کوئی پھول کھلا نہ تھا
مجھے خوشبوؤں میں بسا گیا ترا پیار ایک ہی رات میں

ترے ساتھ اتنے بہت سے دن تو پلک جھپکتے گزر گئے
ہوئی شام کھیل ہی کھیل میں کٹی رات بات ہی بات میں

کوئی عشق ھے کہ اکیلا ریت کی شال اوڑھ کے چل دیا
کبھی بال بچوں کے ساتھ ‌آ، یہ پڑاؤ لگتا ھے رات میں

کبھی سات رنگوں کا پھول ہوں کبھی دھوپ ہوں کبھی دھول ہوں
میں تمام کپڑے بدل چکا ترے موسموں کی برات میں

 

واہ ۔ نامعلوم شاعر کا بہت عمدہ کلام ہے۔
بہت شکریہ ۔

 

واہ خوشی جی بہت خوب بہت ساری داد قبول کریں

 

بہت شکریہ آپ سب کی پسندیدگی کا ، بہت شکریہ بڑی نوازش
شاعر کا نام بشیر بدر

 

بشیر بدر کابھی شکریہ ۔