آپکے پسندیدہ اشعار

عدو سے کرتا ہوں اب گفتگو اشاروں میں
میں اس کی اور وہ میری زبان بولتا ھے

 

شِدتِ غم میں بھی زندہ ہوں تو حیرت کیسی
کچھ دیے تُند ہواؤں میں بھی لڑ جاتے ہیں

 

بہت خوب اور پسندیدگی کا شکریہ بھی

 

واقعی محبوب بھائی ۔ میں بھی ایسا ہی سمجھتا رہا۔
کیا یہ حضرت غالب کا شعر ہے ؟

 

عروج حسن پہ اتنا نہ آپ اترائیں
خدا عروج کو اک دن زوال دیتا ھے
جو کھوٹ دل میں چھپے ھیں ضرور نکلیں گے
ہر ایک لاش سمندر اچھال دیتا ھے

 

بہت شکریہ خان جی

 

کس کو قاتل کہوں کس کو مسیحا سمجھوں
سب یہاں دوست ہی بیٹھے ہیں کسے کیا سمجھوں
ظلم یہ ہے کہ ہے یکتا تیری بیگانہ روی
لُطف یہ ہے کہ میں اب تک تجھے اپنا سمجھوں

احمد ندیم قاسمی ​

 

ذوق ! جو مدرسے کے بگڑے ہوئے ھیں ملا
ان کو مے خانے میں لے آؤ سنور جائیں گے

 

الجھے ہوئے حالات کا شکوہ نہ کیا کر
خیرات میں خوشیوں کی تمنا نہ کیا کر

حالات تجھے مجھ سے نہ ملنے کبھی دیں گے
اے دوست میرے ! میرا تقاضا نہ کیا کر

ممکن ہے کسی روز بچھڑ جاؤں اچانک
سو بار کہا ، اتنا بھروسہ نہ کیا کر ​

 

ہر اک ستم پہ میں شکر ستم ہی کرتا ہوں
کہ دوستوں سے شکایت بری سی لگتی ھے

 

آنکھوں میں دکھ بھرے فسانے
رونے کے پھر آ گئے زمانے
پھر درد نے اک راگ چھیڑا
لَوٹ آئے وہی سمَے پُرانے
رستوں میں اداس خوشبوؤں کے
پھولوں نے لٹا دئے خزانے

 

دل لگانا کوئی آفت ہی سہی
اب توجھیلیں گے مصیبت ہی سہی

ہم بھی یاد آئیں گے سر چڑھ کے کبھی
بھول جانا تیری عادت ہی سہی

 

حرف حرف رٹ کر بھی آگہی نہیں ملتی
آگ نام رکھنے سے روشنی نہیں ملتی
آدمی سے انساں تک آؤگے تو سمجھو گے
کیوں چراغ کے نیچے روشنی نہیں ملتی​

 

شکریہ محبوب بھائی ۔

 

وہ وقت مری جان بہت دور نہیں ہے
جب درد سے رک جائیں گی سب زیست کی راہیں
اور حد سے گزر جائے گا اندوہِ نہانی
تھک جائیں گی ترسی ہوئی ناکام نگاہیں
چھن جائیں گے مجھ سے مرے آنسو مری آہیں

فیض احمد فیض

 

فیض کا کلام خوب ھے

 

بجا فرمایا ۔۔۔ :113:

 

بہت خوب محبوب بھائی ۔
میرے خیال میں مصرعہ ثانی میں وزن خفیف سی طوالت کا شکار لگتاہے۔ یا تو "میرے" کی جگہ "مرے" لکھا جائےگا یا پھر "دل میں سے" کے "میں یا سے" کا کوئی ایک حرف حذف ہونا چاہیے۔

لیکن ایک خوبصورت شعر پر بہت سی داد آپکا حق ہے سو قبول فرمائیے۔

 

اکثر جنونِِ عشق جب اترا دماغ سے
میں دنگ رہ گیایہ کیالکھ گیاہوں‌میں​

 

آج روٹھا ہوا اِک دوست بہت یاد آیا
اچھاگزرا ہوا وہ وقت بہت یاد آیا
جو میرے درد کو سینے میں چھپا لیتا تھا
آج جب درد ہوا تو وہ بہت یاد آیا​