اوپر والے ممبر کی تعریف میں تین لائینیں لکھنی ہیں

یہاں سب ایک دوسرے کی خوبیوں کی تعریف بھی کرتے ہیں اور ایک دوسرے سے محبت کا اظہار بھی کرتے ہیں
آئیے دیکھتے ہیں کہ آپ کے دل میں کیا ہے اوپر والے ممبر کے لیے.

کم از کم تین لائینیں تعریفوں کی لکھنی ہے اب شروع ہو جائیں......................

 

اوپر والا اس فورم پر بہت اوپر تک جائے گا
اوپر والے کا اوپر والا حصہ بہت تیز ہے ، ہمیشہ ایک سے ایک آئیڈیاز بھرے رہتے ہیں
اوپر والے کو اوپر والا سلامت رکھے

 

میں جب اس فورم پر آئی تو میری ساتواں انسان سے ملاقات ہوئی اور انکو ہمیشہ بہت اچھے اخلاق و افکار کا مالک پایا
سنا ہے کہ کلوننگ ہوتی رہی اور انسان بدلتا رہا ساتواں انسان ہمارے زمانے کا تھا اس لیے میری دلی ہم آہنگی انکے ساتھ رہی چند نکات پر انکے کردار و افکار سے متاثر ہوئی ہوں لیکن بہت کم آمدو رفت کی بنا پر زیادہ کشادگی سے گفتگو نہیں ہوئی لیکن جتنا انکو پایا اچھا پایا

 

ہائے اللہ ....... آج تو مجھے ایک بہت ہی خوبصورت شخصیت کے بارے میں کچھ لکھنے کا موقع مل رہا ہے اتنی پیاری ہے کہ بس . جب بھی اس شخصیت کو آئینے میں دیکھتی ہوں تو دل خوشی سے باغ باغ ہو جاتا ہے اکثرو بیشتر شکلیں بنا بنا کے آئینے میں نظر آنے والی شخصیت کو تنگ کرنے کی کوشش کرتی ہوں لیکن جو میں کرتی ہوں وہ بھی کرتی ہے بہت اچھی ہے مجھے بہت پیاری لگتی ہے میں بہت خیال رکھتی ہوں انکا آپ سب بھی انکا خیال رکھیں کیوں کہ دل کی بہت اچھی ہے سب سے محبت کرتی ہے عزت کرتی ہےسب کی.

 

ہماری نظر میں ایک اچھی ڈاکٹرنی ہے دماغ کی ۔ ۔ ۔ کہیں تو بات کریں
اس فورم پر اس کا اکاؤنٹ بھی ہے د پیخورگل کے نام سے

 

واہ واہ ............. کیا یاد دلایا آپ نے بہت بہت شکریہ

 

میں تعریف تیری کروں بھی تو کیسے؟
زبان و بیاں پر وہ قدرت نہیں ہے
وہ جب بولتا ہے مدھر بولتا ہے
کسی شے میں ایسی حلاوت نہیں ہے

 

صفات بیان کرنے میں دقت یہ ہے کہ کافی ساری ہیں
خوبصورت الفاظ سے مزین تحاریر
بہت ہی خوبصورت شاعری اور
بے باک گفتگو خوبصورتی کے ساتھ

 

اپنی تعریف پر واہ واہ نہیں کرنی بلکہ اوپر والے ممبر کے لیے تین سطور لکھنی ہیں
عامر بھائی انتطار کر رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔
اگر لڑی میں کوئی نیا صارف آئے اور صرف لائک کرے کیا اس کی تعریف میں لکھا جاسکتا ہے ؟

 

بہت ہی ذہین فطین انسان،
الفاظ کے ہیر پھیر میں بڑے ماہر،
ذہانت کے ساتھ ساتھ ایک بڑے ہی خوبصورت دل کے مالک۔

 

ویسے تو زیادہ نہیں جانتے عامر بھائی کو مگر جہاں تک ہمارا اندازہ ہے وہ ایک سنجیدہ ، کم گو اور ذہین شخصیت کے مالک ہیں

 

زیادہ تو نہیں کہ سکتا کیونکہ جانتا نہیں ہوں آپ کو۔۔
کچھ لکھ نہیں رہا تو وہ بھی اًس لیے کہ کہیں جھوٹ ہی نہ ہو۔۔
محتاط رویہ۔۔ کم گو۔۔ اور خوش خلاق شخص لگے آپ مجھے۔۔

 

زیادہ تعارف تو نہیں ہے بس اتنا چانتے ہیں کہ ایک اچھے انسان ہیں
فورم سے پرانا رشتہ لگتا ہے انکا لیکن نئے نام سے آئے ہیں
تصوریر میں با ریش ہونے کی وجہ سے ہماری نگاہ میں زیادہ قابل احترام ہیں

 

جب لڑی میں آ ہی چکے ہیں تو نام مینشن کر کے لکھ لیں ہو سکتا ہے جواب میں آپ کی بھی تعریف ہو جائے

 

زنیرہ بہت ہی عمدہ نام ہے اور میری خیال ہے نام کی طرح شخصیت بھی کمال کی ہو گی۔
معاملہ فہم اور چھٹی حص بہت اعلی اوصاف ہیں آپ کی شخصیت کے۔

 

محترم اپنی ظاہری شخصیت سے بڑے ہی سلجھے ہوئے اور سمجھدار معلوم ہوتے ہیں۔چہرے پہ سنت رسول بھی سجا رکھی ہے جس میں چاندی بھی اتر آئی ہے ، حالانکہ ان کی ظاہری عمر اتنی نہیں ۔

 

عامرشاہین صاحب کی گہری نگاہ واقعی کمال کی ہے یہ روشن چشمی یہ بصارت واقعی قابل تعریف ہے
اپنے سلسلۂ کلام میں التفات نظر اور کسی کے بارے میں اپنی رائے میں مثبت تاثر پیدا کرنا بھی آپ کی اخلاقی حدوں کو نمایاں کرتی ہیں

 

زنیرہ عقیل عنایات خداوندی کا وہ مظہر ہے کہ جسے اللہ تعالیٰ نے نا صرف گوناگوں صفات حسنہ عطا کرنے میں خوب فیاضی کا مظاہرہ کیا ہے بلکہ ان کے مزاج کی رنگا رنگی اور تنوع نے ان کی ہمہ پہلو شخصیت کو ہردلعزیز بنا دیا ہے۔ وہ بلا مبالغہ اس فورم کی وہ ملکہ ہیں کہ جنہیں اس فورم کی ہر ہر چوپال کی ہر ہر لڑی پر ملکہ حاصل ہے۔

 

بزمِ سخن میں عامر شاہین صاحب کو لفظوں کی ادائیگی پر اس قدر دسترس حاصل ہے کہ جیسے روانی سے بہتا ہوا ندی کا پانی ... گفتگو کی شائستگی اس قدر کہ ہر لفظ نرم و گداز مخمل میں لپٹے پھول کی پنکھڑیوں جیسے... ہر لفظ اپنی جگہ ایک مرصع ساز ہی ثبت کرنے کی اہلیت رکھتا ہے