1. اس فورم پر جواب بھیجنے کے لیے آپ کا صارف بننا ضروری ہے۔ اگر آپ ہماری اردو کے صارف ہیں تو لاگ ان کریں۔

وزیراعظم عمران خان کی دنیا بھر کے مسلمانوں کو شب معراج کی مبارکباد

'حالاتِ حاضرہ' میں موضوعات آغاز کردہ از intelligent086, ‏12 مارچ 2021۔

  1. intelligent086
    آف لائن

    intelligent086 ممبر

    شمولیت:
    ‏28 اپریل 2013
    پیغامات:
    7,037
    موصول پسندیدگیاں:
    795
    ملک کا جھنڈا:
    وزیراعظم عمران خان کی دنیا بھر کے مسلمانوں کو شب معراج کی مبارکباد

    وزیراعظم عمران خان نے دنیا بھر کے مسلمانوں کو شب معراج کی مبارکباد دی ہے۔

    وزیراعظم میڈیا آفس سے جاری بیان کے مطابق وزیراعظم نے اپنے ٹویٹ میں شب معراج کی مبارکباد دی ہے۔ انہوں نے اپنی ٹویٹ میں لکھا کہ دنیا بھر کے مسلمانوں کو شب معراج مبارک۔

    دوسری جانب سپیکر قومی اسمبلی اسد قیصر نے کہا ہے کہ حضرت محمد ﷺکی زندگی ایک مکمل ضابطہ حیات ہے۔ آپ ﷺ کی تعلیمات پر عمل پیرا ہو کر معاشرے میں موجود اختلافات کو بھلا کر آپس میں اتحاد و اتفاق پیدا کیا جا سکتا ہے۔

    سپیکر نے کہا کہ واقعہ شب معراج ہمارے لئے رہنمائی اور ہدایت کا سر چشمہ ہے۔ اس رات اللہ تعالیٰ نے اپنے پیارے نبی خاتم النبیین حضرت محمد ﷺ کو اپنے دیدار کے لئے عرش عظیم پر بلایا۔ انہو ں نے کہا کہ شب معراج کا سفر انسانی فہم و فراست سے بالاتر ہے۔ یہ سفر بلاشبہ ایک لازوال معجزہ ہے جس میں بنی نوح انسان کو کائنات کی وسعتوں سے روشناس کرایا گیا۔

    سپیکر نے کہا کہ شب معراج میں اللہ تعالیٰ نے انسانیت پر کائنات کے مخفی رازوں کوظاہر کیا اور یہ سبق دیا کہ صراط مستقیم پر چل کر اللہ تعالیٰ کی قربت حاصل کی جاسکتی ہے۔انہوں نے کہا کہ اللہ تعالیٰ نے اس دنیا میں ہمیں سیدھا اور صحیح راستہ دکھانے کے لیے نبی پاکﷺکی ذات پاک کی زندگی کا عظیم نمونہ ہمیں تحفے کے طور پر عطاء فرمایا جس پر عمل پیرا ہو کر دنیا کو امن کا گہوارہ بنایا جا سکتا ہے۔

    انہوں نے کہا کہ ہم آہنگی، برداشت اور اتحاد کو فروغ دے کر ہم دینی اور دنیاوی کامیابیاں حاصل کر سکتے ہیں۔ انہو ں نے اپنے ہم وطنوں کو اپنی صفوں میں اتحاد کو برقرار رکھنے اور شب معراج کی بابرکت سعاعتوں میں اپنے ملک اور پوری اُمت مسلمہ کے لیے امن ،ترقی اور خوشحالی کے لیے اللہ تعالیٰ سے خصوصی دعا ئیں مانگنے کے لئے کہا۔

    اس موقع پر ڈپٹی سپیکر قاسم خان سوری نے اپنے پیغام میں کہا کہ واقعہ شب معراج ہمارے لئے رہنمائی اور ہدایت کا ذر یعہ ہے ۔ انہوں نے کہا کہ اگر ہم آپس کے اختلافات کو بھلا کر انسانیت کی فلاح کے لئے مل کر کام کریں تو اللہ تعالیٰ ہم پر اپنی نعمتوں کے خزانے کھول دے گا۔

     

اس صفحے کو مشتہر کریں