1. اس فورم پر جواب بھیجنے کے لیے آپ کا صارف بننا ضروری ہے۔ اگر آپ ہماری اردو کے صارف ہیں تو لاگ ان کریں۔

رمضان کے دوران نماز ہال میں ادا نہیں ہو گی: این سی او سی کی گائیڈ لائنز جاری

'خبریں' میں موضوعات آغاز کردہ از intelligent086, ‏4 اپریل 2021۔

  1. intelligent086
    آف لائن

    intelligent086 ممبر

    شمولیت:
    ‏28 اپریل 2013
    پیغامات:
    7,052
    موصول پسندیدگیاں:
    795
    ملک کا جھنڈا:
    رمضان کے دوران نماز ہال میں ادا نہیں ہو گی: این سی او سی کی گائیڈ لائنز جاری

    ملک میں بڑھتے ہوئے کورونا وائرس کے کیسز کی تعداد کے بعد نیشنل کمانڈ اینڈ کنٹرول سنٹر (این سی او سی) نے رمضان المبارک کے بارے میں گائیڈ لائنز جاری کر دی ہیں۔

    این سی او سی کی طرف سے جاری کردہ گائیڈ لائنز کے مطابق گائیڈ لائنز مساجد، امام بارگاہوں میں نماز، تراویح کیلئے ہیں۔ صحن والی مساجد، امام بارگاہ میں نماز ہال میں ادا نہیں ہو گی۔ تراویح، کا اہتمام مساجد، امام بارگاہ کے احاطے میں کیا جائے۔

    گائیڈ کے مطابق شہری سڑکوں، فٹ پاتھ پر نماز پڑھنے سے گریز کریں، مساجد، امام بارگاہوں میں وضو کرنے پر پابندی ہو گی، نمازی حضرات گھر سے وضو کر کے مسجد، امام بارگاہ آئیں، نمازی وضو کرتے وقت صابن سے 20 سیکنڈ تک ہاتھ دھوئیں۔

    این سی او سی کی طرف سے جاری کردہ گائیڈ لائنز کے مطابق مساجد، امام بارگاہوں میں قالین، دریاں نہیں بچھائی جائیں گی، مساجد، امام بارگاہوں میں نماز فرش پر ادا کی جائے گی، فرش کو کلورین ملے پانی سے دھویا جائے، شہری مسجد میں گھر سے جائے نماز ساتھ لانے کو ترجیح دیں، 50 سال سے زائد العمر، بچوں کو مساجد، امام بارگاہ نہیں آنا چاہئے۔

    گائیڈ لائنز کے مطابق فلو، کھانسی میں مبتلا نمازیوں کو مساجد، امام بارگاہ نہیں آنا چاہئے، نمازی حضرات ماسک پہن کر مسجد آئیں۔ شہری مجمع لگانے سے گریز کریں، صف بندی کے دوران نمازیوں کے مابین 6 فٹ فاصلہ رکھا جائے، نمازیوں کی سہولت کیلئے صفوں میں فاصلہ رکھ کر نشانات لگائے جائیں، انتظامیہ ایس او پیز پر عملدرآمد کمیٹی تشکیل دیں۔

    این سی او سی کے مطابق کورونا کی موجودہ صورتحال میں متعکفین گھر پر اعتکاف کریں، مساجد، امام بارگاہوں میں سحر و افطار کا اہتمام نہ کیا جائے، خطیب انتظامیہ سے تعاون کریں، مساجد ،امام بارگاہ کو اجازت ایس او پیز پر عملدرآمد سے مشروط ہے، ایس او پیز پر عدم عملدرآمد، کیسز بڑھنے پر پالیسی پر نظر ثانی ہو گی، حکومت شدید متاثرہ علاقوں کیلئے احکامات، پالیسی میں تبدیلی کی مجاز ہے۔


     

اس صفحے کو مشتہر کریں